¹ Jlipieta tsenaca, jliaco inoca noicaojle jliaco jliaji Waminajli: ² Panaya pia, atsia ienipe, piminitena piiyaca tiro inaco. ³ Picaite Tiro irso, jliaji yowajli tsomi uuni macapan icodapi, shia irsocape inaniti yacajle cadonojli ipecojlicodari, Waminajli Dios iaco piso: Tiro, picaite: matsiadarro nua padenirri ioya, ⁴ Jlicaojle jliaji uuni macapanwan jlicawa jlinapi. amtsiadarroca nanaitaca pia napji idenicape jlisho pimatsiaca. ⁵ Nanaitaca pia nasho napji tabla matsiaperri aperriaji wacadajlico Seir; naniwana jliaji jaico tamini matsiani nanaitashopawa pia. ⁶ Nanaita pitiwenio ajaitepeaji Basan nite; nanaita pibanconio nadenipe Cipres nacuite, nite nataacano marfil isho. ⁷ Nite jliaji picortinan naoconda pibanderaniwa Egito niteperi ⁸ Nite napji iofacape Sidon nite Arvad rico naaca idenacape pirso; napji caniquepe Tiro ricope nawatsa yapiyawajle. ⁹ Napji caniquepe idejicape naocowerico Geball perri nawayacaca naococa pitsayani; piomi napji iita uuni macapawan ricope nite marineronai naaca idenica pinani aimadan. ¹⁰ Persia, Lud nite Fut naapia pitsojlodaunai, atsianai caidaperri. naruetaca nadanawa nite nawida idanaotsaca; nacayataca pimatsiaca. ¹¹ Napji atsainai Arvad nite Helec naaca tsojlidaunai iwapacape pia picorraran inomapi, nite napji Gamadeos nemawa torres naco nawapacarro pia. nacada pidanao pipareninaco ´nataitacarro nawayaquetaca jliaji pimatsiaca. ¹² Tarsi pia jliaji piquitsinda idenica ima jorsedajlipiaca piwendewa piomi pirsoca ricoopia pia: pajlatasho, tsipajlasho, jipada cacudaperisho. ¹³ Nawentaca pinai nite nawndetsaca piomi pinanidape, Javan, Tubal nite Mesec, naaca narsowaca napji narsoperi nite natsaca napji nanaitani broncesho. ¹⁴ Napji Bet Togarma peri nacadaca caballos nite mulas tsaca piwendewa. ¹⁵ Napia napji atsianai Dedan peri icatsa iwedecapepia pirso uuni inomapi; ima picapiricupia napji piricoca; napenaca jlicuadawa jliaji cuerno nite ebano tsaca. ¹⁶ Aram pia jliaji piwentajlipia inai jorsedajli inaniti; icatsa iacapepiaca Esmeraldas, purpuras, paño aimadajli icolorni, yamacati cacuadadajli, jipadadape matsiaperi piwendewa. ¹⁷ Juda nite Israel napiatsaca idenica pinai. icatsa iwendejlica pirso jliaji padenishopa torta, maapa, mateeca nite balsamo. ¹⁸ Damasco pia iwedeca pirso piomi napji inanitidap, ima jorsedajlica jliaji piricoca, nite jliaji vinoa Helbon nite Sahar tsaca. ¹⁹ Dan Javan nite Uzal icatsa apana iacape pirso tsipajlanape, canela niite calamo. piomi napji padamaca pirsowa inanitiwa. ²⁰ Dedan icatsaca apadapia iwendecaitaca pirso yamacati finidape silla icaoyanape. ²¹ Arabia nite naminanai Cedar perri icatsaca iwendecapepica pirso; corderos, carneros nite cabra tsaca. ²² Napji iwendacape Saba perri nite Raama nanooca nawende pirso piomi napji matsiaperi jipadadape, nacambia owirro inaniti icuadawa. ²³ Haran, Cane nite Eden icatsaca iwendecapeca pirso, caiji Saba icayosho, Asiria nite Quilmad. ²⁴ Icatsa napji iwendecapepia pirso yamacati naoconi paño atsia peri icolorni moraodajlisho nite sabana jorsedajli icolorni, yamacati matsiaperi naococa pinegociorico. ²⁵ Nite napji itanape inocape Tarsis ricuite napia ideca napji piwentacajle, nini pia pacamicana, pamuyoapan uuni macapawan. ²⁶ Napji idenacape piapiya nadeeca teeco pia uuni macapawan rico; jliaji cajlidan inocada jerri iewacawete jliwotantaca pamoyua pitani. ²⁷ Pirricoca, piwendecajle nite napji inaniti picambiacajle; pimarineron nite napji pipiloton piomi napji jinaitacape itanapen; napji iwendecape pirso piomi napji astainai pitsojludautenai, piomi napji yanicape pinai itajlico netawatsao padenirri jliaji pawayacacao. ²⁸ Yacajle uuni ricope natewatsao nemicapua nemataca napji pipilotini. ²⁹ Piomi napji idenacape tibetapesho naurocowatsa natanjlicuite, maarineros nite pilotonai nanicowatsao jipainacojle. ³⁰ Nite watsa, nacadawatsa pimica piaco cooyojlecajlirico; napecuatsa nawidanaco tiiye iapajlipen naursoeta caotsa jliricoda. ³¹ Narritaotsa natsicojle picapawa nite napapia caotsawa tsaconasho, naiyacaotsa caiwirrico pinaco nite nematacaotsa caida. ³² Narretaotsa natiweyo caiwirrico pirso nite nacanta watsa cancion pinacuapana. ¿cooca caiji Tirosho jliaji nadelijli maconatsa uuni pamoyuapaojle? ³³ Coancaojli naocawa napji piwendecajli jipainaco uuni macapawan rico, pifuitaca jorse naiqui, piricotaca napji caconaperi jajledaucajlicope jlirso jliaji piricoca. ³⁴ Mitsa uuni macapawan iwayaqueta werico pia, jlisho jliaji uuni tewacadajli, piomi napji pi ³⁵ Piomi napji iofacape uuni macapawan inomapi nawiocawa josredajli, nite natsaca napji itajlicanatinai nafietacatsacawa mecuacana pacapacana. ³⁶ Nite nawiñaca pirso napji iwendecape yacajlefepe icuan; ima piwiodaca pacapaca pia, caidajliwetsa.