¹ Nite jliawajli once jamojli, jlinitacadanaco jliaji querri, icatsa jliaco inoca noicaojle jliaji Waminajli, jliaco: ² Pia atsia yenipe, cai jlicaiteca piinaco Jerusalen jliaji Tiro, wotamica jlipananoma jliaji yacajle, nadiaca noicaojle, pacanca nua ima oopi nawayacao. ³ Nini jliaco jliaji Waminajli: ¡icapa! nua catsa jliaji icuemajli, Tiro, nite norretawatsa jorse yacajliapipe picuemawa ciaji uuni macapawan iñocasho. ⁴ Namatsiqueta caotsa Tiro iparete nite napecowatsa newawa napji torres. nua watsa ipoyooca pantinomajle jlipajle nite nocadawatsa quetidajlica jliaji jipada. ⁵ Cai watsa ropadamacao caiji meetacani napji napashopa teepe uuni macapawan rico, ima caica nocaiteca nua iminajli Dios, nite ropadama caotsawa nañaotuape napji apana yacajle. ⁶ Piomi napji ruitonaipe wacadajlicope naino caotsana matsetasho, nite watsa naniica jlipuana nuaca jliaji Iminajli Dios. ⁷ Ima icatsa jlicaiterrica jliaji Waminajli: icapa, aajeoteotsaji atsiamete nedecaotsa Nabucodonosor itajlicanati Babilinia dajli, itajlicanati imninajli, Tiro icuemawa, caballos naco nite carro riperitsaca nite jorsedajli naoqui. ⁸ Ima jlinowatsa pitunaipe wacadajlico. nite jlireta watsa torres piripinacao nite tsaca jlicawatsa idanatacaope pia. ⁹ Jlicadawatsa apaana jaicona javiñani jliñashopao pipareni nite jliruatsa jlidenishopa torres iwacarua. ¹⁰ Jorsedajli watsa napji jlicaballoni jipaishotsa nini jlipajre itacaotsa pia jlimaimacasho. canani watsa pipareni caballos, vagones nite carros jimasho. jliawacadanaco pipananomajlico, jliwacaotsa caiji ajpaana atsia inocani apapi yacajlerico napecondan ipareni. ¹¹ Natsotasho napji caballo napueta caotsa jliaji calle. jlinocaotsa piyacajleta matsetasho nite napji pidanape taimipe nawacaotsao jipainaco ¹² Nite nañaitowatsa piriicoca nade watsa piomi pinanidape. napecoatsa pipareni iwawao nite namatsi quetaotsa matsiape pipina, pipadate pitablani, nite jlipadapen napecuatsana uunirico. ¹³ Nua watsa iyamita namica napji cancion. curim watsa quemaca jliaji arpas. ¹⁴ Nocada watsa quetica jliaji jipada, pidamaotsao caiji apefe naruetacawa napashopa coope curiwatsa coancaojli pidia mitsietacao, ima nuaca jliaji piminajli Dios cacojli, icatsa nocaiterrica irso. ¹⁵ Cai Waminajli yaco Tiro inacuapana: ¿curim watsa cananica napji cadonojli jlimasho jliaji piwawericua, nematwerico napji cayao nimperri nainuacadanaco picodapi? ¹⁶ Nite watsa piomi napji principenai naorroco caotsawa naofacaro dajlicuite nataotsa napeco natsayani cacuadaperri. netacautsao nawioque yapiya, naofaotsawa jipairico natewatsao caidajlitsa, nite jorsedajli nawiocao. ¹⁷ Naretaotsa inonacajli pinaco nite nacaiteotsa: ¿ cuani piwayaquetacacao, pia jorsedajlipia marinero yofaca nini, oopi piwayacao. yacajle caconadajlipai caidaca, panaaya curim cooca pacapa jliricoapi ima nawayacacao nañawa nawiocapuawa, naapa napji iofacape tsomi ¹⁸ Panaaya nawiowa napji jlinomapiperi nite cadonojli tsaca nacapacapua cuamica piyapacao. ¹⁹ Ima caica jliaco jliajinWaminajli Dios: jliawajli nacadacaotsa maminajilina pia, caiji nacasho napji apana yacajle maminajlinaperin, norretaotsa picaojle mayaminacajli, uuni itawerico pia. ²⁰ Nite nodeotsa picaojle napji yacajle oopiperin, nacasho napji iorococape irririco; ima nocadacaotsa piofawa mayanperin iofacadajlico nacayosho napji opimetua quenacaojlina. jlima jliaji curim watsa coancaojli pidiaca piofawa napaitenaco napji cawiperi jajledaucajlico. ²¹ Nodecaotsa matsirri picaojle, nite naomanicaotsa pia, curicadeca watsa cuacaojli naoquetaca pia, icatsa jlicatejlica jliaji waminajli.