¹ Nite waminajli iaco inoca noicaojle, jliaco: ² Pia ashia ienipe pienita piecua naoya napji Amon inaiquite nite pinoparrota nacuete. ³ Picaite narso napji inaiquinai Amon perri: jimii jliaco jliaji Waminajli Dios, cai jalico jliaji Waminajli; ima icaiteca pua: ¡matsia! namacuadatacuajli jliaji nofacaroda Santo dajlii, nite maninajlina caojli jliaji Israel nite nadecaojli teecojle narsodajliwa jliaji Juda. ⁴ Nini panayaotsa, noawatsa irso jliaji yacajle aadajliaji jerri imotucafete. nanaitaotsa pantiitape tsomitsa icodapi nemacarro watsa icuema. naiñaotsa ipania nite nairrawatsa ilechiajle. ⁵ Nocadawatsa Raba namacarrodawa napji camellos nite jliaji yacajle Amon ajpapi wacadawa naofacarrodawa napji jliyarrope. nini watsa yanica nuaca jliaji iminajli Dios. ⁶ Ima cai jliaco jliaji waminajli: shia iñacape icapi nite ipuetaca jipasho, catiima jorsedajli shia nite icaojlerico matsi icapaca jlirso jliaji yacajle Israel. ⁷ Mitsa panaya, noña caotsa pia nocapisho nite watsa noacaotsa pia caiji pananidasho narso napji apana jipai. nuenitaotsa pia naoya napji apana yacajle nite noñetawatsa pia napecojlicuite napji jipai! nowayaquetaotsa piomi shia, nite yaniwatsa nuaca jliaji Iminajli Dios. ⁸ Waminajli icaite caiji: cuada Moab nite Seir icaite: cai napana napji Juda perri napanasho piomi napji yacajle icua perri. ⁹ Nini, iwapatua nuawatsa imecoca Moab, noinitaotsa nayacajlerico naoquetacacawa napji apana yacajlle, jlimatsiaca jliaji Bet Jesimot, Baal Meon nite Quiriataim, ¹⁰ Jlia apafee yacajle jerri imutoquemete icatsa Amon icuemaca. noacaotsa capji apada nananidatso curim caruetsa nawaopiana napji inaiqui Amon perri. ¹¹ Nite watsa nocada nacapa namatsicana ima nanicaruatsa nuaca jliaji Dios. ¹² Waminajli Dios iaco: Edom oopi pioma picuadao jlinai jliaji Juda ipaana mitsa pimatadaca pinaitacapua caiji. ¹³ Mitsa, cai jliaco waminajli: nuaa watsa iñaca nocapisho Edom nite nomatsi quetaotsa apadape icau napji inaiqui nite mawicajli tsaca, nocadawatsani maminajliapisho Taman nitecawa jliocawa Dedan nirse. ¹⁴ Nua watsa icada Edom icaapa jlicaote jliaji noyacjle Israel, cai watsa jliyapacao inai jliaji Edom cuamica jliaji noirua inoca jlicaojle jlisho watsa nanica cuamidajlica nua, caica jliaco jliaji Waminajli Dios. ¹⁵ Cai jliaco Waminajli Dios: napji Filisteonai naoma nacuadawa matsiricco nite nawaopiaquesho naoma nawayaquetaca Juda aimawajlia. ¹⁶ Catsa jlicaiterrica jliaji Waminajli Dios: icapa! norretawatsa nocapi nacuete Filisteonai, napji iocape uuni macacapawan inomapi. ¹⁷ Ima nomacaotsa jorsedajli nacuadawa noirruajlico norapiteta caotsana, nanicarro nuaca jliaji Iminajliti, jliawajli matsirri inocadano naicaojle.