¹ Jliaji yakuti Iminaliti yada inu nudeshe jlia noveno jamuli, jnite mes decimo likaite: ² Aatsia iiri, pidana pishuwau lipitanariku jliaji jaledauka jliaji ajadali jaledauka, liakatsa jaledauka jliaji rei Babilonia yada liufakau Jerusalenriku. ³ Kainji kaku apada proverbio likjuete jliaji panti mjepakadalin, apada parabola. pikaite nashu: Waminali Dios ikaite kainji: piufeta piyanakaruda. piufeta piyana karuda. ⁴ piniwa piñaudan lirikuda, kalaimi jnaji matsiaperi kainji rutufita, ruteda pipakjantana matsiapeshu ruapipen. ⁵ piniwa nanakjuite pipira pikada iñapipen ruapjite. pikada litsiawa piyanakaru jliaji iñapi lirikuda. ⁶ Nini likaite jliaji Waminali Dios: pikuyuleta jliaji yakale iiranatishu, payanakaruda keratundali liwawaliku, jnite keratundali kurin limutuwa. pjipa tsupetsa runakjuite, mapekutsa ishati runaku. ⁷ Jliaji ruirana liufakau rupamuyuaka. rukadani jiipada ketidali, Kurin rupeku padajlre jliaji papjuanda paitakaruni liuya jliaji lipale, ⁸ nini lide jlaji lirua painuakakawa fitidali. nukada lirana linaku jliaji jiipada ketidali kurin karu naitani. ⁹ Nini, jliaji Waminali Dios ikaite kainji: pikuyuleta jliaji yakale iiranati. numakanita jliaji pila jaikuda. ¹⁰ pimatsieta jliaji jaiku jnite pikerata tiye. piyana matsia jliaji lipe pipeku nini juiwipe litamwa jnite liñapite pjamaitanda. ¹¹ pikada jliaji olla tiyewa metanriku, jamukaru jnite pjimaita bronce, rumatsikana shewawa rupekuriku likuduwa, jnite keratundali iyanakawa. ¹² rudiawa mapjinu rukjaidakanaku, jliaji keratundali kurin liufa padanalre tiyeyuya. ¹³ pimatsikana yufawa kuanji piemajnikau, numatsieta pjia, pjiatsa yajni kurin kapiuma pimatsietakaku matsia, kurin pimatsietakakau nuirua jiyapa pinaku ¹⁴ Jnua, Iminaliti, kaku jnua jnite jnunaitawatsan. kurin watsa nukadakani . kainji piniputenshu, jnite pjinaitanpeshu, nakaitewatsa pimatsikana kainji liaku jliaji waminali Dios. ¹⁵ Jnite jliaji yakuti inu nudeshe likaite kainji: ¹⁶ Aatsia iiri pikapa: jnuta pitji yuya iyamiketjishu, kurin pitaita pidietakawa, kurin tsakja piyaka, kurin tsakja pipeku itjiafiati kurin pikada liaruwa. pishutsa ¹⁷ piyaka pikaule rikjuite mjadatsa. makañatatsa mayandalin. pipapi piturbante pinaku jnite pisandalian pjipanaku, mitsa maitatsa pitsikule piekjuete ,maijatsa pan aatsianai inai iyakape nainu mayanperin. ¹⁸ kainji kaku jnua deepitua, jnite nuinu mayan deepi. deepitua jnunaita namenakanda jnunaita. ¹⁹ jliaji yakale itatja jnua: ¿Pja pikaite faa kuka jnaji, jnaji pjinaitali? ²⁰ Nini nukaite naa: liaji yakuti inu nudesre Waminali jnite likaite kainji: ²¹ pikaite lishu jliaji Israel ipana, Waminali Dios ikaite Kainji: pikapa, numatsiketa nusantuarioni, lipadaleka jliaji jlidaa, pitji ipeyunda ikapaka, pipeyunda pikaule rikjuite, jnite nenipe atsiadape jnite naitjepedape pikadanpe jnewawatsa pimatsetanshu. ²² Nini pjinaita kainji nukaitekapishu: kurinwatsa pipiaka pitsikule piekjuete nakjuite, kurin pinja pan aatsianai inai iyakape, ²³ mitsa naturbante jnawidanaku, nasandalian jnaipanaku, kurinwatsa piyaka kurintsakja piwaupiatsenakjan , pimatsikakautsau pimatsika ima, jnite padapewatsa aatsia iiya likitsinda ima. ²⁴ Ezequiel ima ikawatsa, pjiumi linaitali, pjinaita linukena. Nini watsa najni jnuakatsa Iminali Dios. ²⁵ Mitsa pjia, Aatsia iiri, jlia jaledauka jnuta itemplon, katsa litima, lipadaleka, nakapali jnite yumali, jnutakena nenipe. ²⁶ jlia jaledauka apada inuli tekjuite linu pidesre jlia pishu ²⁷ ,jlia jaledauka, pinuma jimekueka jlishu jliaji njepanda tjuitedali jnite kaku watsa pjia, kurinwatsa maku pjia. pjia watsa nakapali najnikaru jnuaka Iminaliti.