¹ Jliaku jliaji jnuminali jlinuka jnuikaule, jliaku: ² " Atsia iisri: Jninipjia yamama jnaitepe, apamanarutsa sruaji jnadua. ³ Jnadenika jnadenakitsu aaji Egipto jnayampetikariku. jnadenipjiaka jnadakitsu. jnapatueteta jnakuda jnite jnapanika jnaini. ⁴ Jnipitanapjia Ahola, iiperuti, jnite Alohiba,sruaji yempetipatua. Jnite jnuninaikana jnite kenipekana inaru jnite atsia. Jnipitana: Ahola panitsupa Samaria, jnite Alohiba Panitsupa Jerusalen. ⁵ Mitsa Ahola ruajniwa kainji idejnikada idakishu ninitjatsa nuyaruma kanu; rupeyu rukapakanaa, jnaji asirionai kananipekana, ⁶ jliaji yapakadana jlikapakanaa violeta, jnite jnaji natsuludaute iminanai ,kjaidaperikana, matsiape pjiumi njajniwa caballo. ⁷ kaitsa ruakawa kainji rukashu shuaji idejnikada rudakisnashu, nashu kalaimi jnaji aatsianai matsiapepja asiriarikuperi, kaitsa rukadakau matsidarushu nainai pjiumi rupeyunpe rukapaka, napiya pjiumi jnaji nadiotenai. ⁸ Kaikaruntua ruajnika rudejnika rudakishu kurin rumakaka rudejninda Egiptoriku, napaapia ruinai ruyenpetika, jnapanjika ruini runarukaperi, nainita jnapajnikanu namatsikakau runaku ⁹ .nukada nakapiriku jnaji runirinai, nakapiriku jnaji nenipe jnaji asiorionai jnaji rupeyonipe pjaa . ¹⁰ nauketa jliaji rumashayanka. nainuka ruenipe jnite ruitunaipe, nainunu matsetashu, rufakau natjiriku jnaji pana naitjepe kainji kapaimanadarushu, kaijnanaitakarushu. ¹¹ Jnite rukitsidua Aholiba rukapa jliaji jnanaitali rushu shuaji rupjeru, jnite jliaji rumatsikana srunaitapjani ruya shuaji rupjeru, ¹² rupeyu jnaji asirionai, talikanatinai jnite tsuludaunai iminanai ishukapepja inaniti jnetakakau matsia, jnite jnekunji kaballu. pjiumi aatsianai kjaidape jnite matsiape. ¹³ nukapaka srunaitakau matsidarun.pakuaka nanaikika jnaji yamama naitjepe. ¹⁴ Shunaita pjaa matsi rudaki ruya shuaji rupjeru, rukapa aatsianai jinapiapen napana iwai naku , jnanapiapen jnaiji caldeos nadatanipe iiraishu , ¹⁵ iruetakape napapi nawaleriku ,shayape napapainpe jnawidanaku. nakapakana kainji naminanaishu jnaji tsuludaunai yajnikape karroriku, nakapakana jnaji nenipe kainji Babiloniarikuperi, yufakape jlipaite naku jliaji Caldea. ¹⁶ Kjeya rutji ikapakana, juiruanjikakau nanaku, rumenaka ikaitepekarunu nanaku jnaji caldeonai. ¹⁷ jnite nanu rudesre jnaji babilonionai rucamanrikule, jnanaita matsi nadakishu. shunaitandaima jnanaitanu matsidarunnu, keruanu rudiawa. ¹⁸ Rumenaka jnanji rudejninpenaku jnite rukada nakapa rudaki mashayandali, jliaji nukaule idia karuya, kainji nuwaupjiakje idiau rukishidua yuya. ¹⁹ rujnaitapja srunaitaka rudaki yapiya rukitsidua yuya, rude shuwidalikujle srunarukan, rudejnikadanaku lipaiitenaku jliaji Egipto. ²⁰ Rupeyu jnaji runirinai kaika nadaki nakaiui shu jnaji mifikali burro, jnite jliaji likai liarukau kainji caballoshu. ²¹ kaipjinaitakapishu ipaimanti pinarukariku, jnapajnikadanaku pidaki jnaji Egipcionai jnite napatueta piyenpetika pini. ²² Nini Aholiba, Waminali ikaite kainji: ¡pikapa! nukada watsa nudieta watsa nakuemata pjia pinirinai. njaji pjienitanape piuya,nudewatsa pikuemana kjatekatsa. ²³ jnaji Babiloniaperi, caldeonai, pecodnai, soanai, jnite coanai, jnite kalaimi jnaji asirionai kjaidape, matsiaperi ikapakana, talikanatinai, iminalitinai kalaimi nanauka caballoriku. ²⁴ Nanuwatsa pikjaule namukawayapiya, nacarrunshu, jnekukarudariku, jure naiki inuka nainai. narueta watsa nadanau pikjuete nadanata jnawida, nadana makaitepe jnite tsudalipe pikjuete nadanatjapjia. nukadatua namutueta pikapa pimatsikana, jnite namatsiketa pjia jnanaitali pishu. ²⁵ nupekuwatsa nuirua pinaku jnite napekuwatsa pinaku namatsikana. nayuawatsa pjitaku jnite pjieni, jnite njaji kafiperi pinakjuite nainuwatsa matsetanaku. nadewatsa pienipe jnite pitunaipe, kafipewatsanawayaketana tiyeshu. ²⁶ Jnatjawatsa pitsayan jnite jnatja pinani kakauadaperi. ²⁷ Jnutjawatsa piuya pimatsikana kapaimandali jnite pidenjinda pidakishu egiptojnite. kurinwatsa pjireta pitji nashu piumandashu,kurintsakja piwaupia Egiptonaku. ²⁸ Likaiteka kainji Waminali Dios: ¡pikapa! njuawatsapjia nakapiriku jnaji matsipe pikapaka, nudietakapjia nakapirikule jnaji pipeyunpe. ²⁹ kakuwatsa pinaina napadalekashu, jnatautsa kalaimi pinani nakadawatsa pjia mashayanin. lipaimanajliaji pideninpe pidakishu najniwatsa linaku, pinaikika kapaimanani jnite pjinaitanda . ³⁰ Jliaji jnanaitali pishu lima jliaji pideninpe pidakishu, nama jnaji yakale pjinaitanipe yapiya matsidali jnite piajnapudan jnaji nadiotenai. ³¹ pjipaka ruapuwan shuaji pikishidua , nini nukadaka pikapiriku jliaji jliwiñaka shunaitanda. ³² Iminaliti Dios ikaite kainji: "pirakautsa rutasanrikjuite shuaji pikitsidua tjewakadali iwawariku jnite makadali. nawatsa pikau jnite nakanjiwatsa pikau, jnite jliaji taza ketadalikautan. ³³ Pakjanwatsa pjia idewanakjetishupjia jnite likaiyashu, kuyulekjetishu pjia jnite rukjenakapishu shuaji pikitsidua samaria. ³⁴ pjipakautsana jnite pjira kautsana metadatsa, piwuluakatsani jnite pjiraka pini lishu kainuaku jnua Iminaliti. ³⁵ Nini, Iminaliti Dios ikaite kainji: kuada kurin piwaupia jnua jnite pipeku padale pjiapudan, kaitsakja pidenji pimatsikana pjinaitanda pidadashu. ³⁶ Iminaliti ikaite nusru" Ashia iisri¿ Pjikaiteutsa nasru jnamatsikana jnaji Aholá jnite Aholibá? Jnini pjikaiteka jnasru jliaji matsidali jnanaitanda, ³⁷ Jnanaitaka matsidalitsu jnadakitsu, jnite nasru iirai jnakapiriku. Jnanaita matsi jnadiutenai yapiya, jnite jnakadaka jnamitsireka jnenipe tiyeriku, jliñaudau jliaji jnadiute. ³⁸ Jnite jnafakatsa jnanaita kaidalitsa jliaji: jnakaupitataka jliaji jnupana, jnite jnamatsiketaka jliaji jaledauka jnufetakaruda. ³⁹ Jnainukadanaku jnenipe jnadiutenai iisru,¡Jliadatsa jnanuka jnamatsiketa jnumapa! Paniya ¡pjikapaka! katsa jnanaitalika jlipamuyuaka jliaji jnupana. ⁴⁰ Tsaa iwanaka atsianai tekjuitepe jnanukaru, imenakapa jnawanana. Jnite jnanuka, iipitaka janpeya, iidanaka itiwariku, jnite iiruetaka ipatipiu. ⁴¹ Yuwaka matsieteriku yusruakaruita jnite imatsietaka yemetakarudau jliaji pumeniwi itakati jnite mateka. ⁴² Kaiji pamika jnaji aimanda yemakape sruwai; kuandalikatsa atsia pakapa, jnite jnadekatsaka jnaji yanikape jnaji yufakape jalamidaliriku, jnite jnaji jnasruetaka jnanapanaku patjipi jnite jnapalamaleta jnewidanaku. ⁴³ Jnite nukaite rusru ruwayakau lima jliaji srunaitanda matsiadali rudakishu: "panaya matsipekautsana pakuakatsa ruinai jnite srua napiya." ⁴⁴ jnite jnewau rudesre jnite nama ruinai jnitepidantja jnaji aatsianai jnewau naufakaru ruinai sruaji idenjikada idadashu. kainji namaa Ahola yapiya jnite Aholiba, yamama naitjepe matsipe. ⁴⁵ mitsa jnaji aatsianai matsiape jnayapa nakada nakapa lima jliaji jnanaitanda jnite nakada nakapa lima jliaji jnanaitanda matsidali, nakadawatsanakapa nakaiu jnaji inukape naiki matsipe kapuana jnite iirai nakapiriku. ⁴⁶ Kainji jliaku Naminali Dios: Jnuretawatsa nakuemawa papuku tsuludaunai nafietetakaruna jnite nañaitukaruna. ⁴⁷ jnite jnaji tsuludaunai linuna jipadashu jnite liyuana limatsetanshuna. nainuwatsa nenipe yenpetipe jnite naitjepedape jnamaitawatsa napana. ⁴⁸ Jnite numatsietawatsa jliaji yajnikarun kapaimanadali jiipai yuya jnite numatsietawatsa pjiumi jnaji naitjepe kurin karu najniwa nakashu jnaji idejnikape nadadashu. ⁴⁹ kainji namatsieta nadejninda kapaimanadali pinaku. itaitawasta ideka liwiñaka jliaji matsidali jnite nadiotenai, linakjuite watsa yajnijnuakawatsa Iminali Dios."