¹ Jnite, jliaku jliaji jnuminali Dios inuka jnuikaule jliaku: ² " Panaya, atsia iisri,¿pjiafatsa kakuka panaya?¿Pjiakateka jnanaku jnaji pjirana yakaletarikuperi? Pjiakaiteka pjiumi jnarsu jnaji jnamatsikana. ³ Pjikaiteka jnasru kaiji: Jliaji iminaliti Dios jliaku kaiji: Jliaji yakale jlipeyuka jliranatakaka jliwakatsa jlinana yukakarua; yakale jinaitakada jlidioteu jliufakatsau matsiwa. ⁴ Pjiatsa ishumatsikajli lima jliaji iiranati piaruli, jnite pjia matsidaru nama jnaji pidiote pjinaitanpe. pjireta ka pishu jnaji jaledauka jnite pishumita pishuwau jliaji jamuli. nini nukadaka pikapa jnasru jnaji yakale jnite nakajni pikau jnaji jiipai nakuperi. ⁵ Jnaji tsumipe piuya jnite tekupe piuya nakawatsa pikau, yakale matsikuen, jnajni pipitananaku matsika pjinaitaka. ⁶ Jnaji talikanati Israel rikupe, nakunatsa jnaidashu nanuka naru iranati, ⁷ jnamatsiketa jnanirinaipe jnite jnaduanaipe ipekuriku, jnite napadaletaka nakjute jnaji kuripetsa iyakaletaka.nadenjika ipekuriku jnaji maduyuanaipe jnite yenpetipe mjaduapen ipekuriku. ⁸ pimenataka jnaji nunani maupjitapetsa jnite pimatsiketaka nuwafetakawa. ⁹ aatsianai kashape nanu pipekuriku napekukaru iirai jnite jnaija piawakadariku ¹⁰ limatsiuranka jliaji pjiniri likada pikapani, naushuanika ruinai shuaji inaru jinaita matsidali rudadashu. ¹¹ aatsianai jinaitakape matsi ruapiya shuaji linu jliaji yufakada pikudapi, jnite jnaji aatsianai imatsiketakada rudaki shuaji lirinu, aatsianai imatsiketakada rudaki shuaji likitsidua, lirana jliniri jnite jlidua iitu, kalaimi jnaji akanjaji pidakiriku. ¹² jnaji aatsianai jnepaka nakauyakadanakunaa narukaru iiranati pinaku. naupjani jnite kanani pjakana, namatsiketaka jnaji yufakape nakudapi namenaketakana, jnite kurin nawaupia jnua, Jliaji liaku jliaji waminali Dios. ¹³ ¡Pikapa! Jnukapitsu jnuñaka jnaji jitani jinaitanda matsidalitsu, jnite yaruka iirai ipamuyuaka. ¹⁴ ¿kapakja jliretakautsau jliaji pjikaule, kaidakautsa jnaji pjikapi jnunukaule jnukukuemata pjia? Jnua, iiminaliti jnukaiteka, jnite jnunaitan. ¹⁵ Jnukadawatsa yawa pafee yakalerikule jnite paana jipai jnakule. Jnunaitakadanaku kaiji, katsa jnutaka imatsikana. ¹⁶ Pjipadamautsau matsidali jnatiriku jnaji paana yakale.Jnanikaru jnuakatsa iminaliti." ¹⁷ Jnite jlinu jliaku jliaji jnuminali jlikaite jnusru: ¹⁸ Aatsia iiri, ljipana njiaji Israel jlinujlinaita nushu matsidali. jlitepenkana jliajin bronze, estaño, jnite tsipala pipamuyuaka. naitepenkana pjimaitakarudariku. ¹⁹ Nini jliaku jliaji Iminaliti likaite kainji: "Nini pjiumi shaa kaikatsa jlitepen shu, panaya yapakawa ! stumitsa nuwaketakaruna lipamuyuaka jliaji jerusalen ²⁰ Kaiji pamatsietanipetsu palata jnite bronce, tsipala, plomo, estaño jlipamuyuaka jliaji pamaitakaruda jlirutsa jlipiakani jliaji tiyee, jnukuduetautsa pjia. Kaiwatsa jnuniwakapjia jnuiruariku jnite keruakadanaku. Jnukadawatsa pjia jnukeratautsa tiyee jnukuduetakarupjia; kaiwatsa jnuniwakatsa keruakadanakunua jnite jnuiruariku, jnukadatsa pjia jnite jnuarukapjia. ²¹ kaiwatsa jnuniwakatsa jnite jnupjiaka ikjuete tiyee jnuirua jnuarukarun ipamuyuaka. ²² kaiji pakuduetakapitsu palata jlipamuyuaka jliaji pamaitakaruda, jlipamuyuaka ikudukautsau, jnite yanikautsa, jnua iminaliti,¡Jnuaruka jnuirua ikjuete!" ²³ Jliaku jliaji jnuminali Dios jlinu jnuikaule, jliakaiteka: ²⁴ " Atsia iisri, pjiakaiteka rusru: Pjiakatsa jipai kuridarutua jnakutsuka.¡Kuripakapaka iiya keruakadanakunua! ²⁵ Kakupeka jnaji inuparutakape jnapekuriku, kaiji leon keruani jliñakadanaku jliwini. Jnainuka inaiki jnite jnapaka jnaji jnanani kakuadape;¡ juree jnaji maduiyuanapen jnainai! ²⁶ Jnaji sacerdotenai jnamatsiketa jliaji jnunanda jnanaitaka,jnamatsiketa jnaji inaniti matsiaperi, jnite kurin nakanantaka jliaji matsiadali jliuya jliaji matsiadali. jnadawa nekua jliuya jliaji nufetakaruda, jnamatsiketa karu jnua napekuriku. ²⁷ jnaji iminalitipe yenpetipetua jnamatsiketaka kainji tsinu awakadeta shu naijakadanaku jnaawini. naru iranati jnite jnata naiki, fanaitakaru naniniwa matsidalishu. ²⁸ Jnaji inuparutakape napintaka nanaku calshu; nakapaka napjeyajle nashashu jliaji nakaiteperi kustsa aajadalika. nakaiteka: " Jliaji Naminali ikaite", yakuti kuridalitsa limenakaka jliaji waminali. ²⁹ Jnaji naiki yufakape jiipai naku jnata kanananiwa nañaiteshu, jnaniata matsi jlishu jliaji kjenadali yumakadapja injau nauya, jnite namenata jliaji kuridalitsa nayakaleta. ³⁰ Numa nanakjuite ape aatsia jlisretakaru nadanau jnite jliema karu nukjute aaji inipuriku kurinkaru nuinuna, kurin nuketaka ape nanakjuite. ³¹ nuaruka nuirua nanaku. nuwayaketanaa tiyeshu nuiruashu jnite nukadawatsa iinipu jnawidanaku, kainji liaku jliaji Waminali.