¹ moséta pe tsevi Sinai nakua tsusato jawata, pena mátajjainae juametota pe püna rukae waita pe pitsapae kujinae egipto ira wekua. ² "Bajara ponü jumaitsi: ''To kopare israelitawi pe ejjanai nejja paskua pe jitsipa pakuenia najume yaquinae ejjanajü bajara pa matakabianü nejja yajawa pawaitanejja. ³ Katorse (14) jumekowünmatakabita bajara pajuametota, kaniwiyo, baja nakuenebijitsia paskua pakuenia to rutasi pawai matakabianü nejja , nakuenebiana baja pakuniaütsiaya pitoro bi liwaitsi, jumekonütsiana dajjita jjua yakinae ejjana jjuanejja je." ⁴ Nejjata, Moisés jumaitsi Israelitawi jawabelia penakuenebi nejja paskua fiesta. ⁵ Bajara pakuenia nejjata nakueneba, katorse matakabita bajara pa juametota, kaniwiyo, Sinaitsutota. Israelitawi jumekowünüta dajjita jjua itoroba Dioso Moiséta. ⁶ Jinawanapa Pebijiwi pejaya biwi pe tüpaenü. Apo kuene kajitsipaetsi pena nubenai jawa paskua fiesta jawata bajara pa matakabita. ⁷ Pona Moiséta yajawa Aarón beje jawabelia bajara pa matakabita. ⁸ Bajara pa pebijiwi jumaitsi Moiseta: "patujjütsaebajü pata jayabi kujinae pe tüpaenü. ¿Detsa jjüajitsia apo pa ne kopatsimü pata tajuitsinejja pa matabi paneto rutame bajara pawaita yajawa israeltawi?" Moisés jumaitsi:" pa ewere abajjü tane jumaitsi jawa Dioso pajjamü yabara." ⁹ Dioso jumaitsi Mose jawabelia. pakuenia je: Jumaitsimüre israel tomara pijiwita. ¹⁰ Jumaitsimüre: 'itsa pajjamü yajawünü tujjütsaebame wovopame petüpaenü yabara, itsa baja pa najetaru bename tajü namutua,abajjü paka kuene kajupa pane jone nejja Dioso piaja paskua jawata.' ¹¹ Nejjata paskua pa nakuenebianame pe püna rukae juametota,katorse matakabita, kaniwiyo. Nejjta jjaena pan apo pejjainai jawa lewadura yajawa piatsajja pona. ¹² Putsa pa kopabame merawia nejja, apo pa tsikanaimü tsane pesi. Pa jume kowünü tsianame dajjita jjua pa ka tsipaeba paskua yabara. ¹³ Baitsi jane itajjutejema jiwiyo peniojai jiwi apo pena wijatsi jiwiyo, jane baitsi itsa apo nakuenebiwi paskua jawa, bajara pa jiwiyo na ukutsiana bajara pa tomara wekua tsipaji apo to itsi pejitsipae kuenia Dioso pamatakabi ruta pawaitanejja. Bajara pa pebi piaja nekoni kapona ponaena. ¹⁴ Itsa wirianü itsa pona pona pajjamü jawata itsa na yawenona pe yeiya taaijjae Dioso, bajara ponü jumekowütsiana dajjita pakuenia najume ruta, ewetsiana pakuenia itoroba paskua jawa nejja, jumekowünütsiana pakuenia ruka bajara jjua nejja. Bajara pakueika dajjita itsamonae yawaja dajjita pamonae na itajüba bajara pa irata." ¹⁵ P matakabi matakota pena kaitutsi boo, pajubo mata akata, pena jume kapanae boota. kaniwiyo jawa ikatsia ruka pajubo pena kaituatsi boo matatsünüyo. Naitajüta biaba pemata tsunüta be isoto kotia ata bajaya jawabelia. ¹⁶ Najetaruka biaba bajara pakuenia . Pajubo karanata biaba pena kaitutsi boo ikatsia naitajütabia merawi be isoto kotia. ¹⁷ Pakujinae pajubo nawüyota biaba pena kaituatsi boo wekua, Israel tomara pijiwi bajara jota baja pikani ponai jitsipa. Itsa belia pajubo ruka jopa, bajara patajjünaita pe patsipa nejja. ¹⁸ Dioso pe itorobi kuenia. israel tomara pijiwi peponae nejja, pakuenia itorotsi, pikani baja bajara pa tajjünae jawata pe patsi nejja. Abajjü baja itsa pajubo ruka jopa pena kaitutsi boo matatsunüta, abajjü baja jina wana paijitsipa bajara pa tajjünae jawata. ¹⁹ Pakujinae pajubo rukajopa pena kaitusiboo jawata ayai matakabianü, nejjata Isael tomara pijiwi pikani be jume kowüta pakuenia Dioso itoroba pe ponai yaniwa. ²⁰ Itsa mata kabianü pajubo rukabiaba bajaya jebi pematatsünüta pena kaituatsi boo jawata, bajara jjüata nejjata, be jume kojünüta pakuenia Dioso najume kopata--be jume kowüta be pata bajara pa tajjünae jawata nejjata peejna kuenia be pona pakuenia itoroba. ²¹ Itsa jawata pajubo rukabiaba bajara pa tajjünae jawata kaniwiyo kujinae a ta pe yanania nae jawabelia. Itsa pajubo nawüyota biaba bajayakanua nejjata ponabiaba. matapania pajubo kai matabi yajawa kai merawi, nawüyota biaba matapania kopia pitabia pe ponai nejja ²² Itsa jawata pajubo rukabiaba pena kaituatsi boo ta najua matabi beje,kai juameto, kai wai, itsa abajjü bajara pakuenia ruka, Israelita biriawi abajjü be nubena othopa bajara pa tajjünaeta. baitsi jane itsa pajubo nayotabiaba matapania kuene kaüjüpatsi pe ponae jawa ikatsia. ²³ Rubena othopa biaba pe itorobi kueniatsi Dioso, najetarubena pitorobi kue niatsi, jume kowünüta pakuenia Dioso na jume kopata Moseta.