¹ DIOSO brü kuikui Moisés. jumaitsitsi pakueniaje: ² "Jumaoitsimüre Aaron. bajara ponü pakuenia je: 'siete 7 pa lampara beje naitayotanü benaina imojjoyo kandelero jawata pakujinae itanaja kaina."' ³ Aaron jjüa itsi je. Itanajata lámpara candelero jawa pe naitayotsi nejja bajara pa candelero, pakuenia Dioso itiroba Moiséta. ⁴ Bajara pa candelero jawa nakueneba pakueniaje Dioso tsi itajüta Moise jawabelia pakuenia itsi jitsia. Pe nakueneba pikani orojawata pe tsakitsi jaawa e tabütopa kujinae a ta pekopiata, yajawa coopajji be pematono pejüpai jawanü. ⁵ Ikatsia Dioso barü kui kui jai Moise. jumaitsi: ⁶ "Kaituare levitawi iraelitawi wekua ne anekoni jibi ejjanai nejja. ⁷ JJüa itsimure ne anekoni ajibi ejjanai nejja: tsikabare meerata na tsikaabiana bajara pamonae. Na sibi ejjanare dajjita perabüto, kiatsiana piaja ese, bajara pakuenia anekoni ajjibi tsane. ⁸ Nejjata, to kopare becerro peebito pe itsinejja ofrenda yajawa rajure yetsa matabü aceite yajawa. To kopare ikatsia pe pitsinejja itsa becero piaja nekoni yabara ⁹ JJmü barü renamü tsane jevitawi pena kaitüatsi boo pewajünaya berena yajawa kaituatsianame tajjiata Israel pijiwi. ¹⁰ Itsa karena mü tsane Levitawi itabünejewa Dioso, Israel pijiwi nakobe rajutsiana Levitawi jawabelia. ¹¹ Aaron baja itajütsiana Dioso jawabelia, be ofrenda pe tsi jjane panai jawatsi irael pijiwi, nejjata baja pena kuenebi nejja Dioso. ¹² Levitawi nakobe nubiana becero pe matabokotonü jawabelia. JJamü itajütsianame kai becero pe ofrenda pe nekoni yabara itsanü pijinia jjanü taneto cebinejja jjanü nejja, pe anekoni ajiibi nejja Levitawi. ¹³ Tsitajüre Levitawi Aaronta pejji a ta, yobare be ofrenda jjanü nejja. ¹⁴ Bajara pakuenia tsanainame levitawi Israelitawi wekua. Levitawi baja ü jjanü nejja. ¹⁵ Bajara jjua kujinae, levitawi, ponaina taneto nakuenebi nejja pena kaitüatsi boo jawata. be ananekotsi ajibi nejja. Raajutsianame ofrenda cuenia. ¹⁶ Jjüa ejjanare, tsipaji baja kajena taja jiwi tsawanapai israelitawi tutujuta. Bajara pamonae nubenaina petajjünaeta pa pebi nüjji kopiaya ünü yereta, matapijinüjji Israel Israel wiriawi. JJanü baja pitajü levitawi jjanü nejja. ¹⁷ Dajjita matapiji nakuetojji Israel tutujata pe naitajübiwi jjanü rebaja taja jiwi, pakuenia jiwi bajara pakuenia pijinia ata dajubi. Pa matakabi jjanü wajütsianajü dajjita matapiji nakuetonü egipto irata, jjanü itapetajü jjanü nejja. ¹⁸ JJanü pitajü levitawi Israel tomara wekua, peejana naitajübiwi pe tajjünae jawata. ¹⁹ JJanü baja rajutajü bajara pa Levitawi Aaron bajara pakuenia pejji. JJanü pitajü bajara pamonae Israel pijiwi wekua peto akuenebi nejja Israelitawi pena kaitüatsi bo jawata. JJanü rebaja to kopatajü bajara pamonae tsikabinejja Israel pijiwi itsa wiria domae ata pe tsi jopae yaniwatsi pakujinae imoyotsiana santo tajjünae. ²⁰ Moise Aaron beje, dajjita pa jiwi beje jina wonopa Israel jawata jjüa itsi levitawi ta je. Itsi dajjita jjüa Dioso itoroba Moiséta pe itsi nejja levitawi. Israelitawi ma jjüa itsi bajara pamonae jawabelia. ²¹ Dajjita Levitawi baja bajara pakuenia anelkoni jibi quita nuaba piaja ese, Bajara pakuenia Aaron tsitajüta ofrenda kuenia Dioso jawabelia tsikaba bajara pamonae pía nekoni jibi nejja. ²² Bajara jjua kujinae, Levitawi ponaina e to nakuenebi nejja pena kaitüatsi boota Aaron pitabünejewa yajawa pejji Aaron. tsiapaji bajara pakuenia itoroba Dioso Moiséta Levitawi nejja. Bajara jjüata dajjita Levitawi itsitsi bajara pakuenia. ²³ Dioso ikatsia barü kuikuijai Moisé. nejjata jumaitsitsi: ²⁴ "Ma jjüa je dajjita ü Levitawi nejja pamonae jjaina 25 pa wai beje pe jjainaiwi. ü pena nakaituatsinejja pero nakuenebi nejja pena kaitüatsi boota. ²⁵ Be kopaba pe nakuenebi jawa itsa baja jjaina 50 pa wai beje. Itsa Baja jjaina bajara a wai beje apo be nakuenebi. ²⁶ Saya baja be yawenona piaja monae pe nakuenebi nejja pena kaitüatsi boota, baitsi Jane baja apo be nakuenebi. JJamü baja levitawi mata kaitorobare dajjita bajara pa santo jawanü.