¹ Nejjata Miriam Aaron beje barü natsipaiba beje Moise pepitsi jjae kusita wiriawa. ² Nejjata jumaitsi beje: "¿DIOSO tsa kuikui jai tsabiabi kaenüta Moise jawabelia? ¿DIOSO tsaja wajjaitsi beje apo naka barü kuikui jai beje?" Nejjata bajarajjüa DIOSO jumetane. ³ Moise nejjata bitso bewelia jamatabü kuenenü mata tojjenetsia dajjita jiwi wekua pa irata je. ⁴ ejjata DIOSO juamitsi Moiseta, Aaron yajawa Miriam jawabelia: "Pa pomainame pajjamü akueyabi pa jiwimü beje, pena kaituatsi boo jwabelia nejjata baja bajara pa akueyabi pa jiwi beje pona bajarabelia. ⁵ Nejjata DIOSO runaika pepo pitayai pajubota. nuka pena kaitutsi boo itapata baja werena jutatsi beje Aaron yajawa Miriam beje. nejjata imojjoyolia najua jiwi beje. ⁶ DIOSO nejjata jumaitsi: ''Pane jumetaima beje taja liwaisi. itsa taja profetanü pajjamü jawata itsa ponapona, jjanü tsitajutajü taja liwaisi be majitsinaibo kuenia. ⁷ Itsiata Moiseta apo itsi. jjaniawatsia tane nakuenebinü taja boota. ⁸ Jjanü barü kuikuijanü Moiseta tajakuata tsabiabi jumenapabetsiaya apo itsa kuenia. Bajara ponü ne tane ta kuene. Nejjata, ¿detsa jjüijitsia apo pa jume junawimü beje pane baranatsipaibi jawa beje taja jiwitonü Moise?" ⁹ DIOSO bara anaipana bajara pa jiwi beje, DIOSO nejjta pona. ¹⁰ Nawüyota Pajubo wekua bobürütoyo, nejjata Miriam jemata tsabanaya, niojai be papaüpüto. Itsa Aaron naükota Miriam jawabelia, tane pe tsabanai jawa. ¹¹ Aaron jumaitsi Moise jawabelia: "Tajatujjanenü, pane itajjüto tsonia taima beje pütsa pane nanekonitsi ejjaname beje. saya jima kuenia panatsi itsinü beje pabitsia kuene. ¹² Kawajutatsi, putsa kopatame bajara powa pe tüpai jawa be peejana naitajutsi nakuetoyo itsa wekua pitsapa pena pe kototota bekua." ¹³ Nejjata, Moise ayai kuenia wajüta DIOSO jawabelia. Jumaitsi: "Pejjania kuenia kawajütatsi tane to jume nejja, DIOSOMÜ.'' ¹⁴ DIOSO jumaitsi Moiseta: "Bajara powa pajja itsa itabara suabatsi, bajara powa aura tsipae siete pa matabi beje. Kapitsa painame tajjünai wekua siete pa matabi beje kuenia. bajara jjüa kujinae ikatsia kanawiatsianame ikatsia." ¹⁵ Nejjata, Miriam kapitsapatsi siete pa matabi beje tajjünai wekua. nejjata bajara pamonae apo natijjibi a ta bajara powa pe patsi jawabelia. ¹⁶ Bajara jjüa kujinae, bajara pamonae natijjiba Hazerot wekua nejjata pata othopa Paran tusato nakua jawata.