¹ Itsa matabi bajara pamonae anaya kuenia kuikuijai piaja liwaisi yabara nejjata DIOSO bajarajjüa jumetane. DIOSO bitso anaipana bajara pamonae jawabelia. Isoto DIOSO tsi itoroba kai epato yajawünü tajua bajara pa tajjünae jawata. ² Bajara pamonae junata Mose, nejjata Moise to wajüta DIOSO jawabelia, nejjata baja isoto apo tajue. ³ Najjata bajara pa tajjünae wünü ruta Tabera, tsipaji DIOSO piaja isoto bajara jota tajua bajara pamonae jawata. ⁴ Itsa monae tajü pijiwi pata pona bajara pa tajjünae jawata Israel wiriawi yajawa. Bajara pamonae jitsipa pejjania pejjai jawa pe jjai wanapai nejja. jjua kujinae Israel tomara pijiwi tajjü jjüaba pe nue jawa nejjata jumaitsi: "¿Detsa pajiwiyo nake rajitsiana pewi waja jjae nejja.? ⁵ Wajjaitsi jümatabü na jinawapatsi dujai jjua ba jjanetsi pejjania kuenia egipto jawata, pepino büanü, meloni büanü, puero yajawa, cebolla büanü ajo yajawa, ⁶ Aeconojjaeta baja waja jani paijawa baja ajibi, tsipaji baja wajjaitsi tanetsi ü jjüa je mana jawa." ⁷ Bajara pa Mana jawa jüpa cilantro jjü. Be resina jü. ⁸ Bajara pa tomara pijiwi ponabiba pe kaituatsi nejja. Nejjata bajara pamonae kakiatabiaba molino jawata, kuaba biaba wajubota, bajara jjüa kujinae setabiaba wajjianüta, nejjata nakueneba biaba peria anü. be pee jana oliva tujjü manteka oliwa tsabiabi ⁹ Pakujinae othopa biaba bajara pa tajjünae jawata merawi, bajara jota yajawa othopa biaba maná. ¹⁰ Moise jumetane piaja tomera pijiwi yajawa piaja monae pe nue jawa, nejjata kai pebi nuka biaba bojji itapata. DIOSO nejjata anaipana, baitsi jane Moise pitabünejawa bajara jjüa tsita abejetsi. ¹¹ Moise jumaittsi DIOSO jawaelia: "¿detsa jjüajitsia jjamü nija jiwitonü pabisia kuenia taneme? ¿Detsa jjuajitsia pejjania kuenia apo ne taimü? Jjamü nitorobame pa tomara pijiwi ta barü najetarükai nejja je. ¹² ¿ Jjanü tsiaji ejjanajü pajiwi je? japütai ejjanajü mtakabi pe tainejja jjamü tane jumaitsi nejjamü, ' kaponare isa ponare pakuenia pajja ba kapona pejji nakueto'? ¿kajena tsaena jjanü taka ponai jawa pa ira belia jjamü rajutsia paebame pamo pijimita mi? ¹³ Detsa jota jjanü namatájjünai jitsipajü pewii ta rajutsinejja ma pamonae je? bajara pamonae nua ta itabarata jjanü ne jumaitsi: ' Pane rajure pewi pa ta jjae nejja.' ¹⁴ JJanü baja apo ne kuene kaüjüpae kae nünü dajjita pamonae je. Bitso ayai bitsaüto jjanü nejja. ¹⁵ Wekai baja pakuenia ne kanajetarukame, baja kajena ne beyajjüare ajena konojjaeta, itsa baja nitajjüto tsonia taneme, takuene jiobi jawa baja piajibi nejja." ¹⁶ DIOSO jumitsi Moiseta: "Neto kare namüre setenta pa penaberetsinü beje Israel pijiwi. itapere liwaisi yapütainüanü bajara patomara pijiwi. barü renamüre bajara pamonae pena kaituatsi boo jawaberena penubenai nejja bajara jota jjamü yajawa. ¹⁷ JJanü runaerekajü kabarü kui kui jai jitsiatsi jjamü bajara jota. JJanü pitsianajü nija epiritu rajutsianajü pajara pamonae. Bajara pamonae kaponaena ¹⁸ Jumaitsimüre bajara pa tomara: 'pana jamatabü kuene jjaniawaere merawia nejja pajjamü baja pa jjaename pewi, tsipaji pa nuame DIOSO paka jumetane. Pajjamü pa jumaitsimü: '¿Jipatsa meta naka rautsiana pewi waja jjaenejja? Pikani baja pejjania kuenia jinawanapatsi Egipto jawata.' nejjata DIOSO paka rajutsiana pewi, bajara jjua pane jjae nejja. ¹⁹ Apo paka rajutsi tsane pewi pane jjae nejja kae matabi, najua matakabi nejja, kai kobe pa matabi beje nejja, najua kobe beje yajawa najua tajjü beje yajawa. ²⁰ Saya kajena pajjamü pewi pa jjaename kai juameto kuenia a ta pa peka tsipumü pitsa pai jawabelia. belia paka tsi beje tsane tsipaji pa bewelia taneme DIOSO, pane tuatuajüta pe pona ponainü. Pajjamü pa nuame pitabünejewa bajara ponü. pajjamü pa jumaitsimü: '¿Detsa jjuijitsia waja na jutsi Egipto wekua? ²¹ Jüa kujinae Moise jumaitsi: " jjanü 600,000 pa jiwi beje yajawa ponajü, jjamü pijinia jumaitsimü 'jjanü rajutsianajü pewi bajara pamonae pejjae nejja juameto.' ²² ¿Be pa beyejebajü oveja bitsauto pa ta jumatejema ya ejjanae nejja bajara pamonae? ¿be pataikajü dajjita manua mene dujai pata jumata jemeya ejjanai nejja bajara pamonae?'' ²³ DIOSO jumaotsi Moiseta: " ¿tsipaji tsa betsikiri cobeyonü? ahekonojjae rajane baja pa tainame taja liwaisi itsa jjanaiajanü itsa jume jai." ²⁴ Moise pitsapalia jumaitsi bajara pa tomara pijiwi DIOSO pe jume liwaisi. Kaituata setenta pa perujünü beje bajara pa tomara pijiwi mata toyorotsia nuba pena kaituatsi boo mujü nene jawa. ²⁵ DIOSO runaika pajubota nejjata jumatsi Moise jawabelia. DIOSO pita tsikiri espirituyo Mise jawata nejjata tsi ruba setenta pa perujunüanü jawabelia. Itsa nejjata espiritu tsi jamartabü junuatsi bajara pamonae jawabelia, bajara pamonae wajünai kopia tane saya baja bajara pa matabi. ²⁶ Anija pebi beje eweta beje tatajjünaibo, bajara jjua pe wünü Eldad yajawa Medad. Nejjata pijinia espiritu tsi jamatabü junüatsi beje bajara pa jiwi beje. bajara pa jiwi beje na wünü ruka beje bajara pa monae jawata, apo pitsapai nejewa beje penakaituatsi boo wekua. Itsiata, na wajunai tane beje piaja tajjünai jawata. ²⁷ Pebi pewujuato kujinai pona Moise jawabelia pe tsipaebi nejja: " Eldad yajawa Medad jawata na waju nai tane beje tajjünaibo jawata." ²⁸ Josue pejjunato Nun, Moise peyawenona biabinü, pe ita petsi pebi jai Moise jumitsi : "Taja tujjanenü Moise, jume ita were itsiata bajara ponü beje." ²⁹ Moise jumaitsi bajara ponü jawabelia: "¿Kuene ka uwame tsaja jjanü yabara? ¡ Janü jitsipajü dajjita DIOSO piaja jiwi pe wajünai taijawa bajara ponü dajjita be tsi jamatabu ruba espiritu! ³⁰ Bajara jjua kujinae Moise yajawa perujünüanü israel pijiwi nawiaba piaja tajüna jawaberena. ³¹ Jjua kuijnae jowibo jjaneto DIOSO yajawa ka najetaruka be tsakanitojji manua jawa werena . Tajjünae Imojjoyo jawata othopa, kaematakabi wajüto waja ponai kuenia itsapana belia. bajara pa tsakani bitsauto mata toyorotsia othopa tajjünaebo jawata be kai metro kuenia ira weku. ³² Bajara pa tomara pijiwi itso kuene enatsi pe kaetuatsi jawa bara pa tsakanitonü bajara pa matakabianü, yajawa bajara pa merawianü itsa matakabianü ata. Itsa jiwiyo a ta apo ya sajinae diez pa monae beje wü tsakani natsi kobetsana bajara pa tajjünae pijiwi. ³³ Itsa abajjü pewi wonua ena,itsa abajjü jjayena, DIOSO bara anaipatsi . Beyejebatsi piayai domaita bajara pa tomara pijiwimi. ³⁴ Bajara pa nakua wünü ruta Kibrot Htaava, tsipaji bajara jota pamonae müthüka pewi pejitsipaewimi. ³⁵ Bajara jota kujinae Kibrot Hataava kujinae pona a ta Hazerot, bajara jota baja pata.