¹ Moisé junata Aarón, kaikobe pematatsunüa akueyabi pa matakabi bejeta, pejji baja yajawa bajarra pakuenia ata ancianowo Isarel pijiwi. ² Bjarra ponü jumaitsi Aarón: ''Yajawünü pirre peéjana bakanakueto nija bitsauto pijiwi nija ofrenda nejja nenanekonitsi yabarra jawa, bajarra pakuenia ata peéjana oveja nakueto apo penajjuirrabinü petajuitsi ofrenda jawa nejja, bajarra jjua baja rajurre PETUJJANENÜ. ³ JJamü baja barru kuikui jamü tsane Israel pijiwita: Pa tsatsianame pane rajutsi nejja ofrenda kuenia pane nakonitsi yabarra bajarra pakuenia ata peéjana bakanakueto bajarra pakuenia ata oveja nakueto, bajarra ponü beje kai wai pe jjainainü bejeb tsane apo pe ajjuirranü beje, petajuitsi ofrenda jawa nejja; ⁴ Bajarra pakuenia ata pitsianame bueynü oveja ata ne rajutsi nejja ofrenda pejjania kuenia ne ponaponai nejja bajarra jjua rajutsianame bijiobi kuenia pitabu nejewa PETUJJANENÜ, pijinia bajarra pakuenia ata rajutsianame pejju jawa pekakiatsia jawa petsimata jjuabi jawa aceiterra, tsipaji raja pajjamü pakatsita naitajutsiana PETUJJANENÜ.'' ⁵ Nejjata bajarra pamonai kaponarrena dajjita pakuenia Moisé baja itorroba penakaituatsi bo jawata, dajjita penakaituatsi jawata Israel pijiwi ata na imojjoyoba PETUJJANENÜ pewajunai nubena. ⁶ Nejjata Moisé jumaitsi : '' Ma jjuaje itorroba PETUJJANENÜ pajjamü pane itsi nejja, pa pekatsitajütsi nejja piaja pejjania kuene pajjamü nejja.'' ⁷ Moisé jumaitsi Aarón jawabelia:'' Naimojjoyorre Altar jawaberrena rajurre nija ofrenda nija nekoni yabarra bajarra pakuenia ata nija ofrenda petajuitsi jawa. nija kueneta baja na jjanepanai ejjanarre bajarra pakuenia ata jiwi jawabelia, bajarra pakuenia ata rajurre jiwi nejja bajarra pakuenia ata pejjane panai nejja bajarra pamonai, pakuenia baja itorroba PETUJJANENÜ.'' ⁸ Nejjata Aarón naimojjoyota Altar jawabelia bajarra jota beyajjua peéjana bakanakueto pe rajutsi nejja penanekonitsi yabarra jawa, bajarra jjua baja bajarra ponü nejja. ⁹ Aarón baja pijinia pejji rajutatsi dajubijana, nejjata bajarra ponü nakobesi jabüta bajarra pa jana jawata bajarra jjua kujinai ruta Altar mataeto jawata; bajarra jjua kujinai pijana epaka Altar tabü topa jawata. ¹⁰ Baitsi jane, bajarra ponü tajuita penasitsi, pemarra uthutonü, bajarra pakuenia ata pekojjojjowi Altar jawata pakuenia ofrendaba penakinitsi yabarra, pakuenia baja PETUJJANENÜ itorroba Moiseta. ¹¹ Pewi peboko ata, bajarra ponü tajuita piaja panabo wekua. ¹² Aarón beyajjuaba ofrenda jawata petajuitsi nejja, pejji baja pijinia rajutatsi pijana, nejja bajarra jjuata tsikaba kai yenepana kanakujitsia Altar. ¹³ Nejjata bajarra pamonai rajutatsi ofrenda petajuitsi jawa, kai epato kanakujitsia, pematabokoto yajawa, nejjata bajarra ponü tajuita Altar jawata. ¹⁴ Bajarra jjua kujinai kiata pebi büjjupa pijijawa bajarra jjua ata baja tajuita ofrenda pünü jawawerreka jjua tajuita Altar jawata. ¹⁵ Aarón itajuta bajarra pakuenia ata jiwi bijiobi kueneta pena rajutsi jawanü Cabra pebito, nejjata baja pita bajarra pakueneta bijiobi kueneta penekoni yabarra nejja baja beyajjuaba; bajarra ponü beyajjuaba penekoni yabarra, itsi baja kopiaya pakuenia pa Cabra itsi. ¹⁶ Bajarra ponü tsitajuta petajuitsi ofrenda jawa pe itorrobi kuenia baja PETUJJANENÜ. ¹⁷ Bajarra ponü ofrenda itajuta pejju jawa; bajarra ponü nakobe wünüta bajarra jjua ata tajuita Altar jawata, yajawa jjua tajuita bajaya kunua. ¹⁸ Bajarra beyajjuaba buey yajawa beyajjuaba peéjana oveja, pe rajutsi nejja ofrenda pejjania kuenia pe ponaponai nejja, bajarra jjua baja jiwi nejja. Aarón baja nejjata pejji peéjana rajutatsi, bajarra jjuata bajarra ponü tsikaba Altar kai yenepana kanakujitsia. ¹⁹ Baitsi jane, bajarra pamonai kaukuba baka penasitso bajarra pakuenia ata itsi oveja, peboso nasi jawa, jjua baja ya akata peunu nasitsi jawa, pemarra uthutotonü, yajawa ata pekojjojjowi jawa. ²⁰ Bajarra pamonai nota jjuanü baja tsanejeba pe kaukubi jawanü yajawa jeba pemipabü jawanü, nejjata baja Aarón tajuita bajarra pa nasitsi Altar jawata. ²¹ Aarón jiarrata pemipabü jawa yajawa petsaweno thaüto pakuenia ba itsi pe jiarratsi ofrenda jawa pitabü nejewan PETUJJANENÜ, pakuenia baja Moisé itorroba. ²² Nejjata Aarón jiwi jawa belia nakobeyota pejjania kuenia naükota wajuta; nejjata bajarra ponü runaika pe rajutsi kujinai ofrenda penakonitsi jawa yabarra, ofrenda petajutsi jawa, jjua ofrenda pejjania kuenia pejina wonopai nejja. ²³ Moisé Aarón beje joneya beje pena kaituatsi bo jawabelia, bajarra jjua kujinai ikatsia pitsapa beje bajarra jjua kujinai jiwi pejjania kuenia, nejjata baja PETUJJANENÜ piaja pejjania kuenia to naitjutatsi. ²⁴ Pekotia pitsapa PETUJJANENÜ jawa werrena bajarra pa kotia baja ajibi ejjana petajuitsi ofrenda jawa jjua ata boka Altar matsunüta. Nejjata baja itsa bajarra jjua tane dajjita jiwi, bajarra pamonai wawaka pematabajata othopa irrabtaitsia.