¹ Petujjanenü barrü kueikueijei Moises, javabelia jamaitsi: ² ''karrenamürre Aarón bajarra ponü pejji yajawa, penajjatabi jawa yajawa aceite pe ejjabi jawa, toronü ofrenda nejja pija nekoni yabarra anija carnerobeje, yajawa pan licibo. ³ Kaetuarre dajjita tomarram nuitsajota na kaetueta nubiebipevoupata ⁴ Nejjata Moises itsa pakuenia PETUJJANENü itorrobatsi penakuetautsi javata najuá ponarrene pevupata. ⁵ Njjata Moises jumeitsi penakaetuetsi javata. '' marrapakuenia PETUJJANÜ itorroba pena itsinejja.'' ⁶ Moisés karaena Aarón yajava pejji kieta bajjarra ponae merrata. ⁷ Barrajjua kuijinae Aarón jumajjatata tanica yajava epa küta pe epasito mujjunenia matatórotsia, efod yajava juma jjatata bajarra ponü, bajarra jjua kujinai efod tsi juma küta matatoyorrotsiaya pejjania kuenia pe kiobi jawa kai jawata bajarra ponü ⁸ Bajarraponü tsi mipabürruta penatsi mipa rubi jawa,pemipata javata ruta urim yajava tumim jawa yajawa. ⁹ Bajarra ponü tsimaruta pepana turbante wünü jawa, pitapatjeito jawata ruta, bajarra ponü pebine jai plato ata ruta, santa kepi pakuenia PETUJJANENÜ peitorrobi kuenia. ¹⁰ Moisés pita aceite de pe ejjaibi jawa nejja, tabernaculo yajava dajjita be bobenai java bajjarra pabo unuta yajava itapeta PETUJJANENÜ nejja. ¹¹ Bajjarra ponü tsikata bajjarra pa aceite altar javata kabe anija kobesitobe kuenia jjuábeje, yajawa tsi juma tsikaba Altar yajawa juanü dajjita pekana nakuenebi jawa, jjua boka bajarra jota bronce jawa, yajawa peka babatsi jawa, pe tsatsi nejja PETUJJANENÜ nejja. ¹² Bajarra ponü yajawünü epana aceiterra pe ejjabi jawa nejja tsimata epnatsi Aarón nejjata baja ejjabatsi pe tsatsi nejjatsi. ¹³ Moise barru rena Aarón pejji petsi juma rubi nejja tunica. Bajarra ponü epasi küta faja wünü jawata bajarra jjua lino panata mata küba, pakuenia baja PETUJJANENÜ itorroba. ¹⁴ Moise karrena baka pebito toro ofrenda nejja penanekonitsi yabarra jawa nejja, pijini baja Aarón pijji yajawa nakobe nuba toro matabokoto jawabelia pa toro kaponarrena ofrenda nejja pena nekotsi jawa yabarra. ¹⁵ Bajarra beyajjuaba, kaituata pijana pe ejjabi nejja pekobeta Altar pemata eto pe kobesitota, kiata Altar, epana pijana Altar petabutopa jawata bajarra pakuenia jjainaiwaita Dioso nejja nejjata bajarra pakuenia to jjanepanitsi bajarra pamonai. ¹⁶ Bajarra ponü pita dajjita penasitsi jawa büpünü jawa, jjua ba mata fobina pe kojjojjowi jawa, bajarra pakuenia ata pe marrajjuto jawa beje yajawa bajarra jjua penasitsi, Bajarra jjua dajjita Moiaé tajuita Altar jawata. ¹⁷ Baitsi jane pepo toro, peboko, pewi petasi saikaya tajuita woyofo pünüyabelia, pakuenia baja PETUJJANENÜ itorroba. ¹⁸ Moisé itajuta oveja pebito ofrendanü petajuitsi nejja, Aarón pejji yajawa nakobe jeba bajarra pa oveja pemata bokoto jawabelia. ¹⁹ Bajarra ponü beyajjuaba nejjata pijinata tsikaba kai yenepana kana kujitsia Altar. ²⁰ Bajarra ponü oveja titiba bajarra jjua kujinai tajuita pematabokoto dajjita yajawa pewi penasitsi yajawa. ²¹ Kiata peebíkana kijitsia jawata merrata, nejjata bajarra ponü tajuita Altar jawata. Bjarra jjua petajuitsi ofrenda jawa pejjania tujju peka pitsapai jawa, pa ofrenda pe itsi jawa isotota PETUJJANENÜ nejja pakuenia baja PETUJJANENÜ itorroba Moisé jawabelia. ²² Nejjata Moisé itajuta itsa oveja pebito, pa pebito petsatsinü pejjania kuenia, Aarón pejji yajawa nakobe jeba bajarra pa oveja pemata bokoto jawabelia. ²³ Aarón beyajjuaba nejjata Moisé pijana yajawü pita itsa abajju totopi jai tsimujju ruta pe kuja mujjuyorroto jawabelia Aarón, bajarra nenia ata piniji kobesito jawata itsi bajarra pakuenia ata piniji tajju wüsito petajju kuja nenia. ²⁴ Bajarra ponü barru rena Aarón pejji, bajarra pakuenia ataitsi pijana pe kuja mujjuyorrota jawata, bajarra pakuenia ata pekobe kuja nenia piniji kobesitota jawata itsi bajarra pakuenia ata piniji tajju wüsito jawata petajju kuja tajju nenia dajjita bajarra pamonai. Moisé nejjata tsikaba pijanata dajjita yenepana Altar jawa. ²⁵ Moisé pita penasitsi, piniji penasitsi bosoto, dajjita pe unu jawata jjua jjaina penasitsi jawa, jjua ba matafobita pekojjojjowi jawa, najua pe marra uthuto jawa ata penasitsi jawa bajarra pakuenia ata pethaüto pekuja nenia jawa ata. ²⁶ Pijinia mapirri perri jawa jjua baja eka Petujjanenü pewajünaya, bajarra ponü nejjata yajawünü pita malicika perri mujjunenepa, bajarra pakueia ata pita perri mujjupa pekatsapatsi jawata penaitsi jawata bajarra itsi tsikirri perri jawayo ata, nejjata bajarra itsi jjua kujinai buata pethau matatunü werreka. ²⁷ Bajarra ponü dajjita tsikobe buata Aarónta bajarra pakuenia ata itsi pejji jawabelia najjata bajarra pamonai ya jiarrata PETUJJAENÜ pitabü nejewa. ²⁸ Nejjata Moisé wekobe pita bajarra pamonai bajarra jjua kujinai tajuita Altar jawata itsa jota jajuita ofrenda jawanü. Bajarra jjuanü baja saikaya pe tsatsi jawanü pejjania tujju itajuta jawa. Bajarra pa ofrenda jawa pe itsi jawa isotota PETUJJANENÜ nejja. ²⁹ Moisé pita pe mipabü jiarrata penayapütainnejja pe jiarratsi ofrenda jawa yabarra PETUJJANENÜ nejja. Bajarra pa oveja yajawújnü Moisé yajawünü pita petsi kobetsanai nejja acerdotewi, pakuenia baja PETUJJANENÜ itorroba. ³⁰ Bajarra pakuenia ata Moisé yajawünü pita acete pe ejjabi nejja jawa pijana ata jjua Altar pematatsunüta eka; bajarra jjuata tsikaba Aarón, pena jjatatsi jawa yajawa, bajarra pakuenia ata itsi pejji, pejji ata penajjatabi jawa yajawa. Nejjata baja nayapütane pe tsatsi jawa Aarón penajjatabi jawa yajawa, pejji ata baja peyawaja penajjatabi jawanü PETUJJANENÜ nejja. ³¹ Nejjata bajarra jjua kujinai Moisé jumaitsi Aarón jawabelia pejji yajawa, ''Pa jjorraarre pewi penakaitutsi biabibo baupa jawata, bajarra jota pa jjaima yajawa pa perri boka mapirrita petsatsi jawata, pakuenia baja paka otorrobatsi, jjua jumaitsinü, ' Bajarra jjua Aarón pejji yajawa jjaina.' ³² JJua pawi yajawünü nakopatsiana perri ata pajjamü pa tajuitsianame. ³³ Pajjamü baja apo pa pitsapaimü tsane siete (7) pa matakabi beje penakaitutsibo wekua, ata pe kopia rukai jawabelia pa matakabi beje pakato kopia ruta. Tsipaji baja PETUJJANENÜ pa itapetsiana siete(7) pa matakabi beje kueia ata. ³⁴ JJua baja itsitsi pa matakabitaje, jjua baja PETUJJANENÜ pe itorrobi jawa pane na jjaniawaitsi nejja pajjamü. ³⁵ Pa nubenainame siete pa matakabi beje kuenia bajarra pakuenia ata siete pa merrawi beje kuenia ata pa nubenainame pena kaituatsibo baupa mujjuneneta, baja ejjata pa jjania waitsianame jjua PETUJJANENÜ pena jume liwaisi kopatsi jawa, pane thupai yaniwa, tsipaji baja bajarra pakuenia itorroba.'' ³⁶ Nejjata Aarón pejji yajawa itsi jjua dajjita kuene itsi jjanatsi jjua baja PETUJJANENÜ itorroba Moiseta.