¹ Ma pijiniaje pa liwaisije jjua ba rajuta ofrenda penanekoniti jawa yabarra. Bajarra jjua bitso santo jawa. ² Bajarra pamonai baja beyajjuabiana ofrenda jawa nejja jjua pena nekotsi jawa yabarra bajarra jjua petajjua nai jawata nejjata bajarraámonai tsikabiana bajarra pa janata kai yenepana kanakujitsia Altar. ³ Dajjita penasitsi jawa yajawa bajarra jjua rajutsiana: Pe boso nasitsipajawa, penasitsi jawa ata büpünü jjua jjaina, ⁴ Bajarra pakuenia ata najua marra uthuto beje yajawa pesitsi, jjua baja pejumasirri jawa, jjua ata baja pekojjojjowi jawa panasitsi jjaina, bajarra pakuenia ata pemarra uthuto jawa, dajjita bajarra jjua wekua tijjiba. ⁵ Sacerdotenü baja tajuitsiana bajarra jjua Altar jawata pakuenia baja ofrenda jawa pakuenia baja itsi isoto jawataPETUJJANENÜ nejja. Bajarra jjua penakonitsi ofrenda jawa. ⁶ Kai pebi kanakujitsia sacerdotewi jawata pe jjane bajarra jjua. be jjane santo tajjunai jawata tsipaji bajarra jjua bitso santo jawa. ⁷ Ofrenda jawa jjua penanekonitsi jawa bajarra pa ofrenda jupa pakuenia penekonitsi jawa. Bajarra pa liwaisi najupa beje najua jawa beje. Bajarra jjua pijinia tsinakopatatsi sacerdotenü pe ikinai nejja bajarra jjuata. ⁸ Pa sacerdotenü rajutiana ofrenda petajuitsi jawa itajjutejema jawa, tsi nakopatatsi pebokoto bajarra pa ofrenda jawa. ⁹ Kai ofrenda kanakujiatsia pejju jawa jjua pe anopai jawa piataju jawata, bajarra pa ofrenda jawa anopa piatju kalderrata jjuajawata ba kasubatsi sacerdotenü piajawata saccerdotenü bajarra jjuata rajutsiana. ¹⁰ Kai ofrenda kanakujitsia pejju jawa, bajarra jjua pe tsewi jawa petsimata epanai jawa aceiterra, bajarra jjua tsinakopatsianatsi Aar+on pejji. ¹¹ Ma paliwaisije jjuanbijiobi kuenia ba rajuta ofrenda jawa pejjania kuenia pe jinawanapai nejja, jjua baja rajutsiana PETUJJANENÜ. ¹² Itsa baja itsa jiwi rajutsiana pejjania kuenia pe ponaponai jjai, nejjata bajarra ponü, rajutsiana bijiobo kuenia perri malicika jawa, baitsi jawa tsimata epanaina aceiterrata, bajarra pijinia bajarra pa perrianü pijinia itsi tsane jetsa benota pekakiatsi jjua baja yajawa matajürrüata aceiterra. ¹³ Bajarra pakuenia ata, pejamatabü rajutsi nejja pejjania kuenia, bajarra ponü rajutsiana ofrenda pejjania kuenia pe onaponai nejja perri mujjupajji pejja itsi jawa mulujui yajawa. ¹⁴ Bajarra ponü rajutsiana kai ofrenda kanakujitsia tsitajutsiana PETUJJANENÜ. Bajarra jjua tsinakatsianatsi sacerdotewi pamonai tsikaba biaba pijanata jjua rajuta ofrenda pejjania kuenia pe ponaponai nejja Altar jawata. ¹⁵ Pajiwi itajuta piaja ofrenda jawa pejjania kuenia pe ponapopnai nejja jawa pejjania kueia pe rajutsi nejja, be jjane pewi pa matakabi rajuta ofrenda bijiobi kuenia. Bajarra ponü apo beyajawünü kopatsi pejjai nejja merrawia nejja. ¹⁶ Baitsi jane itsa bijiobi kuenia perrajutsi ofrenda bajarra jjua peto jjane panai nejja jjua najamatabü jjaina, bajarra jjua baja rajuta perrajutsi jitsipai jjai, pewi baja jjaina bajarra pa matakabi pa matakabita bijiobi kuenia rajutsiana, jjua baja pijinia bajarra pa matakabi yajawünü nakopata nejjata baja jjaina merrawi pamatakabi tsane. ¹⁷ Baitsi jane, pawi penakoptsiwi jjua rajuta bijiobi kuenia nakopata akueyabi matakabita bajarra jjua natajuitsiana. ¹⁸ Itsa baja pajiwi peyajawünü nakopatsi jawa jjua rajuta ofrenda bijiobi kuenia ponaponai nejja pejjania kuenia itsa baja jjane bajarra jjua akueyabi matakabita, apo pitsi tsanetsi, bajarra pakuenia ata apo yapütai tsane pajiwi rajuta jjua yabarra. Saya baja be waja itajunawi jawa, pajiwiyo baja jjaina bajarra jjua baja nanekonitsiana anekoni jibia. ¹⁹ Itsa jiwi apo be jjai pawito jayata peajjuirrawi. Bajarra jjua tajuitsiana. Itsawi peyajawü naopatsi jawa, jjuan baja pe jjanepanai jawa bajarra jjua jjaina. ²⁰ Baitsi jane, pajiwi pabisia kuene pe itsijiwi itsa na jjane jjua bijiobi kuenia rajuta ofrenda pe ponaponai nejja jjua baja PETUJJANENÜ piaja bajarra pajiwi natsatsiana pena ponaponai yaniwa piaja jiwi jawata. ²¹ Pajiwi baja jayatsiana pabisia kuene jawa peajjuirra jawa bajarra pa pebi baja ajjuirra tsane, bajarra pakuenia ata piayainü pabisianü, pabisia kuene ata jawa itajunawi jawa, itsa bajarra ponü pewi na jjane jjua bijiobi kueneta rajuta ofrenda pejjania kuenia pe ponaponai nejja jjua baja PETUJJANENÜ piajawa, bajarra pa jiwi baja natsatsiana tomarra wekua.''' ²² Nejjata baja PETUJJANENÜ barru kuikuijai Moise, jumaitsi: ²³ ''Barru kuikui jamürre Israel pijiwita jumaitsimürre: ' Pajjamü apo be pa jjaimü buey penasitsi bajarra pakuenia ata oveja bajarra pakuenia ata cabra nasitsi jawa. ²⁴ Pa dajubinü thupa apo rajutsi nejewa bajarra ponü ata penasitsi, pa dajubi pe beyajjuabi nutsi unu pijinü bajarra ponü ata penatsi, itsa kuene jawa nejja saya baja be itsi, baitsi jane pajjamü bajarra jjjua apo bepa jjaimü. ²⁵ Pajiwi a ta baja jjaina penatsi dajubi jawa jjua pebijiwi rajuta bijiobi kuenia ofrenda jawa jjua isotota itsi PETUJJANENÜ nejja, bajarra pa jiwi baja na wekua natsatsiana piaja monai wekua. ²⁶ Pajjamü baja pijana apo bepa jjaimü panija bonü jawa ata, pe punainü ata itajju tejema dujainü ata. ²⁷ Pajiwi baja jjaina pijana, bajarra pajiwi ata baja nawekua tsatsiana piaja jiwi wekua.''' ²⁸ Nejjata baja PETUJJANENÜ barru kuikuijai Moisé jawabelia jumaitsitsi: ²⁹ ''Barrun kukui jamürre jumaitsimürre: ' Pajiwi baja rajutsiana bijiobi kuenia ofrenda jawa pejjania kuenia pe oonaponai nejja PETUJJANENÜ jawabelia bajarra jjua baja to karrena tsane PETUJJANENÜ jawaberrena. ³⁰ JJua baja ofrenda jawa to karrena tsane PETUJJANENÜ bajarra jjua baja petajuitsi jawa isotota tsane, pekobeta baja karrena tsane. Bajarra ponü karrena tsane penasitsi pemipa yajawa, jjua baja pe jiarratsia ofrenda jawa pitabü nejewa PETUJJANENÜ. ³¹ Sacerdotenü baja tajuitsiana penasitsi jawa Altar jawata, baitsi jane pemipa tsinakopatsianatsi Aarón pejji yajawa. ³² Pajjamü baja pa rajutsianame petsaweno thaüto sacerdotenü be pe itajutsia jawa ofrenda jawa jjua baja pa rajutame bijiobi kuenia pe ponaponai nejja pejjania kueneta. ³³ Sacerdotenü, Aarón pejjunato yajawünü, ponü rajutsiana pijana ofrenda jawa jjua pejjania kuenia pe ponaponai nejja penasitsi yajawa jjua pethaüto kujanenia jawa rajutsiana piaja ofrenda nejja. ³⁴ Baja jjanü pitajü Israel pijiwi wekua, jjua pemipa peyajiarratsi ofrenda jawa, pethaü jawa baja pijinia petsanai jawa, bajarra pamonai baja rajutabAarón jawabelia Sacerdotenü pejji yajawa piajawajji. ³⁵ Ma jjuaje nakopatsi jawa Aarón nejja pejji yajawa ofrenda yajawünü jjua baja PETUJJANENÜ nejja itsi isotota, pakujinai Moise itajuta peto nakuenebi nejja PETUJJANENÜ sacerdotewi kuenia. ³⁶ Nejjata ma pakueniaje PETUJJANENÜ itorroba perrajutsi nejjatsi Israel tomarra pijiwita, pa matakabi bajarra ponü ejjaba sacerdotewi nejja. Nejjata bajarra pakuenia baja rajuta biabianatsi dajjita piaja wirria. ³⁷ Ma pa liwaisije jjua pa ofrenda petajuitsi jawa yabarra, jjua ba pejju jawa, jjuaba rajuta ofrenda pabisia kuene pe itsi yabarra jawa, jjua ba rajuta ofrenda penanekotsi yabarra jawa, jjua ba rajuta ofrenda peto natsatsi yabarra jawa, jjua ata ba rajuta ofrenda pe jinawonopai nejja pejania kuenia, ³⁸ JJua yabarra PETUJJANENÜ Moisé rajuta Sinai unu jawata, pa matakabita bajarra ponü itorroba israel pijiwita bajarra pakuenia peto itsi nejja PETUJJANENÜ petsewi tusato Sinai jawata.