¹ PETUJJANENÜ barru kuikuijai, jumaitsi: ² ''Pakujinai itrsa jiwiyo nanekonita apo jeiyatai jjua itorroba PETUJJNENÜ jawa itsi nejja, pakuenia baja yamajju itojorrobi kuenia barru kukuijai peyapütainü, pakuenia bajarra ponü yabarra, itsa baja yamajju itojorroba itsa baja to nakobe tojjota, itsa baja bitso jamatabü itonota pemujjuneneta pe patsinü. ³ Itsa baja pitabuata pe to najjubi jawatsi pe mujjuneneta pe patsinü itsiata baja yamajjuitojorroba bajarra jjua yabarra, tsipaji bitso jitsipa pabusia kuene jawa, bajarra jjua yabarra raja jiwi nanekonita, ⁴ Nejjata baja itsa pabisia kuene itsi nejjata baja nanekonita, jjaniawaitsiana bajarra jjua yabarra pe nakobetohhotsi jawa pe saüta, itsa jue baja itsa pita pepitabuatsi jawa baitsi jane apoto kanawiatsi. ⁵ Itsa baja yapütane bajarra jjua yabarra, bajarra ponü baja to kanawiatsiana jjaniawaitsia kuenia bajarra pakuenia tsimatajjuabana matatojjenetsia pe matamotsi nejja ponü baja amoneyaba, pa matakabita kobe wünüjonatsi. ⁶ Bajarra jjua kujinai, karrena tsane piaja ofrenda jawa penanekonitsi yabarra PETUJJANENÜ jawabelia: oveja pebito karrena tsane apo pe kapanapanainü piaja bitsaüto yajawü penamatsinü ajenakonojjaita, be ofrenda kuenia rajutsiana penanekonitsi jawa sacerdotenü jawabelia. ⁷ Nejjata sacerdotenü jjaniawaitsiana pitabü nejewa PETUJJANENÜ, nejjata bajarra ponü itajjuto tsonia taina penanekonitsi jiwimi. ⁸ Bajarra jjua kujinai barrü kuikuijai Moisé jawabelia, jumaitsi: ⁹ Itorrobarre Aarón pejji yajawa, jumaitsimürre: 'Ma pa liwaisije ofrenda petajuitsi yabarra jawa: ofrenda petajuitsi yabarra jawa bajarra jjua raja itsi tsane Altar jumata dajjita merrawi ata peyanania jawabelia, Altar jawata pekoria jurruajawiana. ¹⁰ Sacerdotenü najjatatsiana lino jawa, bajarra pakue ia ata najjatatsiana büpünü lino jawa. Bajarra ponü kaituatsiana ipumana jjua baja nakopata petajuitsi kujinai ofrenda jawa Altar jawata, bajarra ponü etsiana Altar mujjuneneta. ¹¹ Bajarra jjua kujinai bajarra ponü na jonitsiana penajjatatsi jawa nejjata baja itsa jawa najjatatsiana pe kaponai nejja ipumana itsajawabelia panabo pe pünüyabelia, pejjanepanai jawabelia. ¹² Altar jawata apo kotia kpatsi tsane. Apo be oitajjuapai, sacerdotenü tajuitsiana naijawanü bajarra jota, dajjita bajayakanua. Bajarrra jjuata jjaniawaitsiana ofrenda pe tajuitsi jawa, pe jitsipai kueneta, itsakatsia baja tajuitsiana penasitsi bajarra jota jjua rajuta pejjania kuenia pe ponaponai nejja. ¹³ Isoto baja apo be otia kapatsi Altar jawata napüna. Bajarra jjua apo be itajjupai. ¹⁴ Ma pa liwaisije pejju ofrenda jawa yabarra. Aarón pejji rajutsiana PETUJJANENÜ pitabü nejewa, Altar itabarrata. ¹⁵ Sacerdotenü pitsiana kai kobe jawapato kuenia pekiatsi jetsa beno ofrenda jawa pejju jawa jjua tsitajurrüata aceiterra inicienso yajawa, jjua baja yajawa rajuta ofrenda pejju jawa, bajarra ponü baja tajuitsiana Altar jawata pejjania jjaikaitujju pekapitsapai nejja jjua baja rajuta ofrenda bajarra pamonai. ¹⁶ Aarón pejji yajawa jjaina ofrenda jawa peyajawünü nakopatsi jawa. Bajarra jjua be jjane itsa kuene aapo tsimata jjuabi nejewa santo tajjunai jawata. Bajarra pamonai jjaina pena kaituatsibo jawata. ¹⁷ Apo beya be anopai itsa kuene jawa yajawa. JJua baja jjanü rajutame ofrenda jawa yabarrajjua baja isitsinü isotota. Bajarra jjua ata baja santo jawa pakuenia baja penanekonitsi jawa yabarra pakuenia ata pe nekonitsi jawatsi yabarra. ¹⁸ Dajjita matakabi jawabelia nejja pamonai waja wajunai werrena najetarrubena nija tomarra pijiwi yabarra, dajjita pebijiwi Aarón piaja wirriawi pamonai baja kuene kaüjuoatsi pena jjainejja, jjua baja yajawünü pita ofrenda jawa PETUJJANENÜ piajawa, jjua baja isotota itsi. itsa jiwiyo baja itsa jayata sant7o jiwiyo baja tsane.'' ¹⁹ Nejjata baja, PETUJJANENÜ jumaitsi Moise jawabelia, pakueniaje, ²⁰ ''Ma jjuaje piaja ofrenda Aarón pejji yajawa, jjua bajarra pamonai rajutsiana PETUJJANENÜ pakujinai baja Aarón pejji to ejjabianatso: 3.7 pa kg pa beno beje pe katsi jawa pakuenia ba rajuta pejju, kai epato bajaya kai epato pijinia kaniwiyo bja pijinia. ²¹ Bajarra jjua itsi tsane aceiterrata hierro jawata peyarrujaitsu nejja. Pakujina baja jipa jipainaina, jjamü karrenamü tsane pe ünü berrena. Kai epato kanakujitsia bajarra jjua yajawünü jawa ne rajutsi nejja pejju jawa pejjania jjaikai tujju jawa PETUJJANENÜ nejja. ²² Pejjunato piniji sacerdotenü ponü baja najjaniawaita bajarra pakueta piniji sacerdotenü nejja bajarra ponü rajutsia. Pe itorrobi kuenia dajjita matakabi jawabelia, dajjita bajarra jjua baja tajuitsiana PETUJJANENÜ nejja. ²³ Kai sacerdotenü piaja ofrenda kanakujitsia baja pe tajuitsia jawa tsane. Apo be jjaijawa itsa jiwi ata. ²⁴ PETUJJANENÜ barru kuikui jai Moiseta ikatsia, Jumaitsi: ²⁵ '' Barru kuikui jamürre Aarón pejji baja yajawa mjumatsimürre 'Ma pa liwaisije penakonitsi pijiwi nejja je: Pa ofrenda baja penanekotsiwi nejja yabarra jawa bajarra jjua baja petajuitsi jawa tsane pa tajjunai jawata baja tajuita biaba PETUJJANENÜ nejja. ²⁶ Bajarra pa tajjunai bitso santo tajjunai. Sacerdotenü ponü baja rajutsiana penanekonitsi yabarra bajarra ponü baja na jjaina. Be jjane santo tajjunai jawata pena kaituatsi bo panabota. ²⁷ JJua baja itsa jayatsiana pewito naitothianaiana santo jawa, itsa baja tsikabatsi penajjatatsi jawata, bajarra jjua be kiata, itsa jota baja tsikatajjuabatsi, santo tajjunai jawata. ²⁸ baitsi jane pesetsi kanalitota pa wajita jjorrapa bajarra pa wajji pe tojjotajarraba. Itsan baja pijinia jjorrapa bronce wajjita, nejjata baja be itapa kiata tsewiapaina kiatsia merrata bajarra jjua. ²⁹ Itajjutejema pebi sacerdotewi tutujuta bena jjane tsikirri jawayo, tsipaji bajarra jjua santo jawa. ³⁰ Baitsi jawane itajjutejema ofrenda jawa penanikonitsia jawa yabarra, bajarra pa jana beka ponarrena penakaituatsibo jawawerrena pena jjaniawaitsi jawawerrena santo tajjunai jawawerrena, bajarra jjua apo be jjai. Bajarra tajuitsiana.