¹ PETUJJANENÜ jumaitsi Moisé jawabelia--majjua je petupai kujinai Arón pejjunato beje petüpai kujinai beje, pakujina imojjoyotabeje PETUJJANENÜ nejjata bajarra pakuenia tüpa beje. ² PETUJJANENÜ jumaitsi Moisé jawabelia: barru kuikuijamü jamü Aarón, nematapijinü, jumaitsimaürre pütsa baja renamü bitso santo ünuaberrena cortina tutujuaberrena itajjutejema jawata, pewajünaya penajjania waitsi jawa arka. Itsa bajarra ponü itsi tsane, nejjata baja thupaina, tsipaji baja jjanü naitajütsianajü pajubota pematapata pena jjaniatsi jawata. ³ Ma pakuenia Aarón jonena santo tajjunain jawabelia. Bajarra ponü yajawa jonena kai peéjana toro yajawa penanekotsi ofrenda jawa yabarra, bajarra pakuenia ata kai oveja pebito pe be tajuitsi ofrenda jawa. ⁴ Bajarra ponü najjatatsiana santa tunikanjawa linon jawa, bajarra ponü piaja kueneta najjatatsiana piaja kueneta büpü lino jawa. Bajarra ponü naperrabü kiatsuana merrata bajarra jjua kujinai najjatatsiana bajarra pakueneta. ⁵ Bajarra pitsiana penakaituatsi jawata israel jiwi najuan chivo beje be ofrenda kuenia penanekonitsi yabarra bajarra pakuenia ata kai pebito be petajuitsi ofrenda jawa nejja. ⁶ Bajarra jjua kujinai, Aarón tsitajütsiana toro be ofrenda penanekonitsi jawa kuenia, bajarra ponü nejja, penajjania waitsi nejja piaja monai nejja ata. ⁷ Nejjata bajarra ponü pitsiana najua chivo beje nutsia beje pitabü nejewa PETUJJANENÜ pena kaituatsi baupa jawata. ⁸ Bajarra jjua kujinai, Aarón nakuen üjübiana najua abra beje pebito beje yabarra, kainü PETUJJANENÜ nejja itsanü baja pijinia pena jjaniawaitsinü nejja. ⁹ Aarón, nejjata, to ka ponaina cabara pebito ponü baja jopa pe kanajubi jawa PETUJJANENÜ nejja, pe rajutsi nejja cabra pebito pe rajutsi nejja penanekonitsi ofrenda jawa nejja. ¹⁰ Baitsi jane bajarra pa pebito jjua ponü jawata pe kanatsi jawa pejjania waitsi nejja bajarra ponü naka ponaina PETUJJANENÜ jawaberrena piasaünü, pejjania waitsi nejja pe itorrobi jawata tajü belia pe jjania waitsi pebito petusato jawata. ¹¹ Bajarra jjua kujinai, Aarón to kapona toro piaja nekoni pematamatsi nejja, tsipaji bajarra jjua nejja. Bajarra ponü to jjaniawaitsiana pijamonai nejja, nejjata bajarra ponü beyajjuabiana toro be ofrenda kuenia pematamo yabarra. ¹² Aarón tijjitsiana jjua incienso pe jeba biabi jawa pe ita irre Altar jawata piajawa PETUJJANENÜ, kobena ponaina pe tujjutujjuwi incienso jawa pejjania pe kakiatsi jawa, bajarra jjua pe unuberrena itsa berrena kortina ruka. ¹³ Bajarra jota, bajarra ponü buatsiana incienso jawa isoto jawata pitabüta PETUJJANENÜ nejjata bajarra pa incienso tsüjjü pejunai nejja pe mata pümü jawabetsia pena jjaniawaitsi jawata pakuenia baja najume kopata. Bajarra ponü bajarra jjuaitsin tsane pe tüpai yaniwa. ¹⁴ Nejjata, bajarra pónü kaponaina pejana toro katinibabena pekobesitota pewajünaya pematajjatatsi jawa piaja nekoni matamo notsi tajjunai jawata. Bajarra ponü katinibabena pejana yajawünü jawata pekobesitota siete jjua beje pena jjaniawaitsi wajünaya. ¹⁵ Bajarra jjua kujinai, bajarra ponü beyajjuabiana cabra pebito penanekonitsi ofrenda matamo yabarra bajarra jjua piaja jiwi nejja karrena tsane pijana pe unuberrena itsa jota ruka cortina. Bajarra jota bajarra pinü itsi tsane pijanata pakuenia itsi toro janata: bajarra ponü tsikabiana pemata jjatatsi jawata penajjania waitsi jawata nejjata baja bajarra jjua pemata jjatatsi jawata. ¹⁶ Bajarra ponü itsi tsane penamatamotsi nejja barra pa santo tajjunai bitso pabisia kuene pe ejjanai yabarra israel pijiwi. Penatsi yabarra anai panai jawa penekoni. Bajarra ponü bajarra itsi tsane penakaitutsi bo jawata, itsa jota PETUJJANENÜ bajarra pamonai tutuju jawata, itsa jota pawisia kuene itsi bajarra pamoai. ¹⁷ Itsa jiwiyo ata apo nukai tsane penakaitutsi bo jawata pakujinai Aarón bajarra jjoyo jonena penajjania waitsi nejja bitso santo tajjunai jawata, ata pe pitsapai jawabelia baja itsa baja werreta pena jjaniawaitsi jawa piaja kueneta piajamonai nejja ata, bajarra pakuenia ata dajjita pena kaitutsia jawata israel poijiwi. ¹⁸ Bajarra ppnü wekua pitsapaina Altar wekua jjua baja nuka PETUJJANENÜ bajarra ponü yabarra, bajarra ponü yajawünü pitsiana toro jana bajarra pakuenia ata cabra jana pe rubi nejja Altar mataeto jawata dajjita llenepana jawa. ¹⁹ Bajarra ponü tsikabiana bajarra pa janatapekobe sitota, siete jjua beje penkiatsi nejja, pe tsatsi nejja PETUJJANENÜ nejja, itsa belia apo itsi pabisia kuene israel pijiwi. ²⁰ Pakujinai baja bajarra ponü jjaniawaitsi santo tajjunai nejja, pena kaitutsibo, pakuenia ata Altar, bajarra ponü itajütsiana pebito cabra. ²¹ Aarón nakobe buatsiana najua kobe beje bajarra ponü pematabokota pebito cabra, pe bai nejja piaja nekoni yabarra jjua dajjita pabisia kuene pe itsi jawa israel pijiwi, dajjita penayabarra anai panai jawa, yajawa dajjita penekoni. Nejjata bajarra ponü bajarra panekoni buatsiana bajarra pa matabokotota cabranü nejjata baja itorrobiana tajü, pe ewetsi ewewtsi petusato jawabelia. ²² Bajarra pa pebito cabranü kaponaina pija kueneta dajjita jjua penanekotsi yabarra jawa pesajinai tajjuanai jawabelia. Bajarra jtalia petusato jawatalia, nejjata baja pebi kopatsiana bajarra jotalia. ²³ Bajarra jjua kujinai, Aarón nawiatsiana pena kaituatsibo jawaberrena nejjata baja najonotsiana piaja lino jawa ikatsia baja najjatatsiana pe joine wajünaya santo tajju nai jawabelia, bajarra ponü baja kopatsiana bajarra jota. ²⁴ Bajarra jota bajarra ponü naoerrabü kiatsiana santo tajjunai jawata, penajjatatsi nejja itajjutejema eseto; nejjata baja pitsapaina bajarra jjua kujianai pe rajutsi nejja petajuitsi ofrenda jawa bajarra pakuenia ata baja petajuitsi jawa ofrenda piaja jiwi pijajawanü ata, bajarra jjua itsi piaja kueneta pena jjania waitsi nejja pijajiwi ata. ²⁵ Bajara ponü tajuitsiana penasitsi piojo nekoni yabara. Altar jawata. ²⁶ Bajara pa pebi copata chivo pebito piaja mekoni caponaenü majuma ese kiasiana maberabü kiasiana merata; baja jjua be itsi cujinae, baja ponü mawiatsianna piaja tajjunaeyabelia. ²⁷ Patoro piaja nekoni nejja capona pabelito chivo piaja nekoni nejja capata, pajana capata piaja nekoni yabara pepopejjania tajjunaeta, caponaena piaja tajjunae wena. Bajara jata tajjuitsiana peboka, pewi, peümü piajawa. ²⁸ pabeli tajuito majumo esekiatsiana maberabü kiasiana nua merata; bajara jjua kujinae bajara ponü nawiatsiana piaja tajjunae jawabelia. ²⁹ Bajarra jjua baja kajena penajume itorrobi jume tsabiabi jawa tsane pajjamü pane itsi nejja dajjita siete juametota, die matakabita bajarra juameto jawata, pajjamü baja pajume kowütsianame apo panakuenebimü tsane, kopiaya pe ponaponainü ata, itsa jawa werrena pe patsinü ata pajjamü jawata ponü ba na ponapona. Ma ³⁰ jjuaje tsipaji bajarra pa matabita, najjaniawaita pajjamü nejja, pa peka jjania waitsi nejja pane nanekonitsi jawa yabarrami, pane jjanepanai nejja PETUJJANENÜ pitabü nejewa. ³¹ Bajarra pa matakabita panajamatabüna pitsianame pane nakuerro ewetsi matakabi pajjamü, nejjata pajjamü pana bijiobi ejjanainame panija kueneta apo pana kuenebimü tsane. Bajarra jjua baja pa itsimü tsabiabi tsane pe pekato najume kopatsi kuete baja pajjamü nejja. ³² Penamata kaitorrobinü, sacerdotenü, ponü baja ejjabijitsiatsia pe itorrobi nejjatsi penamata kaitorrobinü nejja pajja pekowü tajjunai jawata, bajarra ponü baja najjaniawaitsiana pena jjatatsi nejja linojawa, bajarra jjua, raja santo jawa. ³³ Bajarra ponü najjaniawaitsiana santo tajjunai yabarra; bajarra pakuenia ata bajarra ponü najjaniawaitsiana pena kaituatsibo nejja bajarra pakuenia ata Altar jawa nejja, bajarra pakuenia ata itsi tsane sacerdotewi nejja bajarra pakuenia ata itsi tsane dajjita penakaituanaiwi nejja. ³⁴ Bajarra baja itsimü tsane peka itorrobi jawa, pakuenia neto matamatsi nejja Israel monai penanekonitsi yabarra, kai wai kanakujitsia'' bajarra pakuenia rabaja itsi PETUJJANENÜ Moiséta.