¹ Petujjanenú barrükuikuijai Moises Aaron beje javabelia, jumaitsi: ² tsipibarre isrrael tomarra pijivi javabelia, nejjata jumaitsimútsane: pakujinae itajjutema pebi vekua pitsapatsi piabejerra peperrabuto vekua , bajarraponú naviata piajjuirranú. ³ piaja piajjuirra java rabaja bajarra verrena pepitsaparrukaejava piabejejava. saya baja peperrabuto java pitsapa itsajume núkajopa, baja ajuirra . ⁴ Dajjita piaja cama itsajota bajarraponú bokabiaba ajjuirratsane, nejjata dajjita itsajota bajarraponü ekaena ajjuirratsane. ⁵ pajiviyo baja itsajayatsiana piaja cama bekiata piaja eseto bajarrapakuenia sayabaja merrata navaijitsipa, bajarraponü-ra nejjata ajjuirratsane kaniviyo-epatota. ⁶ itajjutejema jiviyo itsa-ekajopaena pemerra pitsapaenü pe-ekabiabijavata papebi, bajarra pajiviyo rabaja kiatsiana piaja esetonü nejjata navaena bajarrapakuenia soyabaja merrata, nejjata bajarraponü ajjuirratsane kamiviyo epatota. ⁷ itajjutejema jiviyo itsajayata pe perrabuto ponü pevekua pitsapaejavatsi piabejerra penabijanaekuene bekiatabaja piaja eseto nejjata bajarrapakuenia navaena merrata, nejjata kaniviyo epatojavato ajjuirratsane. ⁸ Pina pabisiakuene pejjainanü itsasuaba apo pejjainaejiviyo javabelia itsakuenejava, nejjata baja bajarra pajiviyo piaja eseto kiatsiana bajarra pekuenia navaena merrata, nejjata bajarra ponü ajjuirra tsane atakaniviyo epatojavata. ⁹ Itajjütejema, siyata pejunabiabijava petopitopijainü junaina bajarrajota bajarrajjua rabaja ajjuirratsane. ¹⁰ Itajjutejema jiviyo itsajayatsiana pebüjjüpanata bajarra pajiviyo pebókanükaejava ajjuirratsane kaniviyo javabelia, nejjata itajjutejema jiviyo itsaka ponaena bajarrajjuanü nejjata piaja esetonü kiatsiana bajarrapakuenianua navaena merrata; bajarraponü rabaja ajjuirratsane at kaniviyo javata sayabaja. ¹¹ Itajjjutejemanü ponü bajjarrajuajjaina peya merra pitsapaejava itsajayata apo nakobekiatsianejeva merrata, pajiviyo baja jayatatsi bekiatabaja piaja esetonü bajarrapakuenia merrata navaijitssia-ata, nejjata bajarraponü ajjuitsane ata kaniviyo javata. ¹² Itajjutejema atsananivajji itsajayata pamerra pepitsapaejava ponü javaverrena porra bajarra jjuabaja natojjotsiana, nejjata dajjita piniji naijava vajji merrata baja nakiatsiana. ¹³ Pakuijinae baja bajarraponü vekua ajibi-ejjanaenatsi pemerra navotsijava, nejjata ikatsia bajarraponü tsipaebiana bajarrapakuenia siete pamatakabibeje peniojuiyabarra: jjuakujinae bajarraponü kiatsiana piaja essetonü bajarrapakuenia kiatsiana peperrabuto pekujinaerrukae javabelia. Nejjatabaja bajarraponü niojaitsane. ¹⁴ Ocho matakabita bajarraponü pitsiana najua tortolabeje itsajúme najua palomabeje pejananü nejjata renatsane pitabünejeva petujjanenü penakaetuatsibó itapájavaberrena; bajarrajota bajarraponü rajutsiana ukokutobeje sacerdotenü javabelia. ¹⁵ Sacerdotenü baja tsitajütsiana, kaenü bé ofrenda piajjuirrajava piajava itsajava pijinia de ofrenda petsakiapaijava nejja, nejjata sacerdotenü to-itsitsane pematamonejja bajarraponü yabarra pitabünejeva petújjanenü petsiperrabu-pitsapaejjaepemerra. ¹⁶ Itsapebi ata itsajjaena petsipitsapaejavatsi pepá merrajava, nejjata baja bajarraponü dajjita peperrabukiatsiana merrata; ajjuirrabaja tsane ata kaniviyo javata. ¹⁷ Dajjita piaja esetonü itsajúme penatabukapa tsijava itsajota jjaina pepámerrajava nakiatsianabaja nejjata merrata; ajjuirratsane kaniviyo epato javata. ¹⁸ Itsanajua majitabeje pebi yajava petirriva nejjata itsa tsiperrabu panepaliatsi peparra bajarra-povajabelia, najuajivibeje nejjata naveana merrata; bajarra pajivibeje rabaja ajjuirrabeje tsane ata kaniviyo epatojava. ¹⁹ Pakujinae baja petirriva nabojjonoba, piaja piajjuirrakuene najetarrükabiabiana siete pamata kabibeje javata, nejjata itajjutejemajiviyo ata itsajayata bajarrapová ajjuirratsane ata kaniviyo epatojava. ²⁰ Dajjita pebokabiabijavata bajarrapová penabojjonabi juemeto javata ajjuirratsane: dajjita itsajota bajarrapová ekabiaba bajarrajjua-ata rabaja ajjuirratsane. ²¹ Itajjutejema jiviyo itsatójaitsiana bajarrapová piaja cama piaja-esetonü rabajakiatsiana nejjata navaenana merrata; bajarra pajiviyo ajjuirratsane ata kaniviyójava. ²² Itajjutejema jiviyo itsajayata bajarrapová pe-ekae kovüta nejjata baja piaja esetonü kiatsiana bajarrapakuenia navaena merrata; bajarra pajiviyo rabaja kaniviyó epato javá ajjuirratsane. ²³ Jjua itsaboka piaja camajavata itsajume itsajota bajarrapová ekabiaba, itsa bajarraponü jayatsiana, bajarrapajiviyo rabaja kaniviyo epatota ajjuirratsane. ²⁴ Itsa pebi-ata bajarrapová itsa-yajava majita, nejjata itsa piaja piajjuirrarra itsajayatatsi, bajarraponü nejjata ajjuirratsane siete pamatakabibeje ta. Dajjita piaja cama itsajota bajarraponü bokabiaba ajjuirratsane bajarrajjua. ²⁵ Pettirriva itsa pejana tsaponae piaja juameto pevajunaeya, itsajúme bajarra pová itsajjaina itsa juametota penabojjonobijava, dajjita matakabibeje pevekua navótsi javatsi piaja piajjuirrajava, bajarra pová raja bé penabojjonobi matakabi kueniatsane. Bajarra pová baja ajjuirratsane. ²⁶ Dajjita pa camata itsajota bajarra pová bokabiaba, dajjita penalbojjonobi janarra pamata kabibeje bajarra povánejjatsane pakuenia bajarrapová pebókabiabi pa camajavata penabojjonobi epatota, nejjata dajjita itsajota bajarrapová ekabiabi ajjuirratsane, jjanevaetsia kuenia pakuenia bajarra pová piajjuirrajava. ²⁷ Itajjuitejema jiviyo-ata itsabajarrajjuanü jayatsiana ajjuirratsane; bajarraponü rabaja kiatsiana piaja esetonü bajarra pakuenia navaena merrata, nejjata bajarra ponü ajjuirratsane kaniviyo epatota. ²⁸ Beitsijane itsabajarrapová vekua kiatatsi pena bojjonobi janavekua, nejjata ikatsia bajarrapová paebiana piaja kueneta siete pamata kabibeje, nejjata bajarrajjuakujinae bajarrapová niojaitsane. ²⁹ Ocho matakabi bajarrapová pitsiana najua tortolabeje itsajume najua palomabeje péjananübeje nejjata kaponaena bajarraponü beje sacerdotenü javabelia penakaetuanaebo vüpa javabelia. ³⁰ Sacerdotenü tsitajutsiana kae ukukuto pabisiakuene be piaja ofrendakuenia itsajava pijinia be piaja ofrenda petajuitsijava, nejjatta bajarra ponü matamo to-ejjanaenü bajarra pováyabarra petujjanenü pitajabünejeva piajapiajjuirra jana yabarra. ³¹ Bajarra pakuenia rabaja pajjamü bepatsaname Israel tomarra pijivi piaja piajjuirravekua, bajarra pakuenia nejjata bajarrapamonae petüpaeyaniva piajjuirra java yabarra, itsa apo netó yaüyatae taja pekaetuata biabibo, itsajota jjanü ponaponaju bajarra pamonae petuatuajüta. ³² Majjuanüje pelivaisijavanü pamonae petsipitsapaevitsi peporra nejja, itajjütjema pebi javá ponü javaverrena peparra pitsapa nejjata ata ajjuirra ejjanaena. ³³ Itajjütejema petirra itsajjaina penabojjonobi matakabibeje, itajjutejema penavótsijava yajava penavótsi javaverrena, pebi ata itsajúme petirriva, nejjata itajjutejema pebi ata itsa barrümajita piajjuirra petirriva."