¹ Nejjata DIOSO naükota pejjania kuenia bajarra pakuenia pejji ata, jumaitsi jarra pakuenia: ''Panaya wiarre, pa ayai bitsaüto mürre, pa wünürre irra. ² Pajjamü paka kujunawiana dajjita unu piji dujai irrata pe jinawonopaiwi, bajarra pakuenia paka kujunawiana dajjita pe pünaiwi athübüyo, bajarra pakuenia irriyo pe pünaiwi, bajarra pakuenia ata dajjita manua mene piji dujai. Bajarra pamonai katsi kobe rajuta jjamü nejja. ³ Dajjiata jjua ba nakujirruba jjua ba asaü bajarra jjua pakato kopata pane jjai nejja pajjamü Pakuenia pa ka rajutatsi peéjana juwi jawa, bajarra pakuenia ajena paka rajutatsi dajjita. ⁴ Baitsi jane apo be pa jjaimü ya asaüya--tsipaji bajarra jjua pijana-- büpünü piji jawa. ⁵ Baitsi jane pajjamü pane jana, pa jana pakujinai itsa pa saümü, JJanü bajarra jjua matamo jitsipainajü. Bajarra pakuenia ata jitsipainajü dajjita unupiji dajubi matamo. Itajjutejema pebi kobe ata, bajarra jjua raja, pakuenia pebi ba beyajjuaba piajamoanü, jjanü raja matamo wajütsianajü bajarra pa pebi. ⁶ Pa jiwiyo pebi beyajjuaba pewünü pebi jana kayajitsiaya, bajarra pakuenia pewünü pebi juya jana kayatsianatsi, tsipaji DIOSO pena jumape jüpai kuenia bajarra pakuenia pebi makuenebatsi. ⁷ Pajjamü baja pijinia, pejjania kuenia panaya wianarre pana ayaibitsaüto ejjanarre, panatsanarre dajjita irra jawa pana ayaibitsaüto ejjana pa irra jawataje.'' ⁸ Nejjata DIOSO barru kuikuijaitsi Noéta yajawa pejji jawabelia, jumaitsitsi: ⁹ ''jjanü baj pijinia, ¡Pajumetaima! JJanü najume kopatsianajüj jjamü jawabelia bajarra pakuenia jjamü kujinai pamonai jinawonopaina, ¹⁰ Yajawa pa pejewajji barru ponaponame jjamü, yajawa pepünaiwi, yajawa dajjita bakanü, yajawa dajjita peéjanwi pa irrata jinawonopana jjamü yajawa, pamonai yajawa pitsapame arca wekua, dajjita pa wirria jinawomopa pa irrataje. ¹¹ Ta nejamatabü kuene yanatsi jawa apo werrewerrekai tsane pajjamü jawabelia, kaito ata baja apo ajibi ejjanainü tsane dajjita pe asaüwi nerrata emajjanetota. Ajibi baja tsane emajjaneto irra pe werrebiabi nejja.'' ¹² DIOSOS jumaitsi: ''ma jjuaje katsitajutsianatsije ta jamatabü Liwaisi jjua baja pakato najume kopatsi, jjua baja JJANÜ itsinü pajjamü yajawa bajarra pakuenia yajawa dajjita dajibi pamonai pajjamü tajawa pa jinawonopame, bajarra pakuenia dajjiata kuene wirria, ¹³ JJanü nutajü awarralibo pajubo jawata, pane najamatabü napitsinejja jjua pakato najume kopatsi JJanü pa irrataje. ¹⁴ Ma itsi tsaneje pakujinai JJanü kopatsianajü pajubo irra jawabetsika bajarra pakuenia awarralibo pa tainame pajubo tutujuta, ¹⁵ Nejjata bajarra pakuenia JJanü najamatabü napitsianajü patakato najume kopatsi jawa, jjua baja yapütanetsi wajjaitsi yajawa dajjita piasaüwi dajubiwi. Merranü baja apo naitothianai tsane pe werrebiabi nejja dajjita piasaüwi. ¹⁶ Awarralibo nukaina pajubo jawata nejjata baja JJanü tainajü, nejjata bajarra pakueia ta najamatabüna patabiabi nejja dajjita matakabi jawabelia DIOSO bajarra pakuenia pejinawonopaiwi piasaüwi ma pa irrataje.'' ¹⁷ Nejjata DIOSO jumaitsi Noé jawabelia: ''ma jjuaje katsitajütatsije jjua baja JJanü najume kopatajü pakuenia baja JJanü yajawa dajjita pamonai jinawanapa ma pa irrtaje pitabü nejewa najume kopatajü.'' ¹⁸ Noé pejji pebijiwi ponüanü pitsapa arca wekua ma ponuanüje, Sem, Cam, Jafet bajarra ponü beje, Cam baja pijinia Canaán pajja. ¹⁹ Nejjata bajarra akueyabi (3) ponü beje Noé pejji, bajarra pamonai baja jiwi nayawiata dajjitairra jawa wünüka. ²⁰ Noé baja tajjujjuaba pe ubi jawa, nejjata baja uba piaja pabi. ²¹ Bajarra ponü natsi apa vinorra nejjata aitajibi. Nejjata boka jumasa piajabo ünüta jawata. ²² Nejjata Cam, Canaán pajja, tane jumasa pe bokai jawa pajja tsipaiba piajaonainü beje jawabelia bo pünü jawabelia. ²³ Nejjata Sem Jafet beje pita beje pepana natsi wütakarra buata beje najuanü beje, pona pepününenia bajarra ponü beje pe akatsi nejja beje pajja. Pitabarra beje itsa jawabelia naükota beje, nejjata bajarra pakuenia apo tai beje pajja jumasa pe bokai jawa. ²⁴ Pakujinai baja Noé aitajibi kopata, yapütane pejjunato juyapijinü jjua to ejjanatsi. ²⁵ Nejjata bajarra ponü jumaitsi: ''pabisia kuenia be kujirru jiobi tsane Canaán. bajarra ponü peto nakuenebinü pijamonai tsane.'' ²⁶ Jumaitsi ata: ''waja TUJJANENÜ, Sem piaja DISONÜ, pejjania kuenia naükotsianatsi, baitsi jane Canaán to nakuenebianatsi. ²⁷ DIOSO to nakobe apia ejjanainatsi to piniji tomara nejja Jafet, peto koptsi nejja pe ponaponai najja piaja bo jawata Sem, baitsi jane Canaán piaja pianinü to tsanetsi beje.'' ²⁸ Pe bubutsi kujinai, Noé ponapona treciento cincuenta (350) pa wai beje. ²⁹ Dajjita penaitajütsi kujinai Noé ponapona NOveciento Cincuenta pa wai beje bajarra jjua kujinai thupa.