¹ Pamonai pe naitajübi ponaiwi Noé piaja wirriawi, bajarra pamonai, Sem, Cam, Jafet bajarra pamonai raja to nakojji witsata nakua pe bubutsi kujinai. ² Jafet pejji ma pamoanije Gomer, Magog, Madai, Javan, Tubal, Mesec nejjata baja Tiras ata. ³ Pijiniia baja nejjata Gomer pejjije Askemaz, Rifat Tgarmá. ⁴ Javan pijinia pejjije Elisa, Tarsis,Quitim Dodanim. ⁵ Ma pamonaije, pajiwi na tsana pona piaja irra jawata, kai jiwi kanakujitsia pe kuikuijai kuenia, pakuenia baja tsita kuikui jaitsi pajamonai, piaja nakuanü jawa. ⁶ Pijinia Cam baja ma pejjije Cus, Mizraim, Fut Canaán. ⁷ Pijinia Cus pejjije Seba, Hvila, Sabta, Raama Sabteca. Raama baja pejjimije Seba Dedán bajarra pajiwi beje. ⁸ Cus Nimrod pajjami, ponü baja kopiaya ira ya enebinü. ⁹ Bajarra ponü kpiaya pejjania kuenia penarrujaitsinü waja TUJJANENÜ pitabü nejewa. Bajarra jjuata jumaitsi tsabiabi: ''Be Mimrod baitsi kajena penarrujaitsinü waja TUJJANENÜ pitabü nejewa.'' ¹⁰ Pepo kopiayami tutuju piji reinowi rajaje, Babel, Erec, Aab Calmet ata Sinar irra jawata. ¹¹ Bajarra pa irra kujinai bajarra ponü pona Asiria jawabelia bajarra jotalia nakueneba Nínive, Rehobot, Ir, Cala, ¹² Resén, jjua baja eka Nínive jawata yajawa Cala. Bajarra jjua piniji tomarra jjanetomi. ¹³ Mizraim piojinia pajja ludimitawi, anamita pijiwi, lehabita pijiwi ata. naftuhimitapijiwi ata, ¹⁴ Bajarra pakuenia patrusimitawi, caslumitawi ata (nejjata de werrena pitsapa filisteowi) caftorimita pijiwi jawa errena. ¹⁵ Canaán pijinia pajja Sidón, pejjunato matapijinü, Het beje, ¹⁶ Bajarra pakuenia jebuseowi werrena pítsapa, amorreowita, gereseowita ata, ¹⁷ heveopijiwi ata, araceowi ata baja kajena, sineowin ata, ¹⁸ arvadeowi ata, zemereowi ata, hamateowi ata. Cananeowi kujinai bajarra pamonai natsana. ¹⁹ Peto irra kopatsatsi jawatsi kajena bajarra pamonai Sidón jawaberrena kujinai, Grerar jawabelia to pümü kopia rukatsi, bitso baja kajena tajü be Gaza, pakuenia be ponatsi Sodoma, Gomorra, Adma Zeboim jawabelia ata, bitso baja kajena tajü be Lasa jawabelia ata, ²⁰ Ma pijinia Cam pejjimi je, piajamoai yabarra, pakuenia bajarra pamonai kuikuijai, piaja irrata, piaja nakuanüta. ²¹ Bajarra pijinia pakuenia to naitajübatsi Sem pejji, Jafet pematapijinü. Sem ata baja kajena kopiaya matatijjenetsia pe ponponainü Heber pijiwi. ²² Sem pejji baja kajena Ela pijiwi, Asur, Arafaxad, Lud Ara, ata. ²³ Pijinia Aram pejjimi, Uz,Hul, Geber Mas. ²⁴ Arfaxad baja pijinia pajja Sela SeLa baja pijinia pajja Heber. ²⁵ Heber baja pijinia jjaina najua nakueto beje. Pewünü baja kopiaya jiwi Peleg, tsipaji pakujinai naitajüta irra natsana. pijiyapijnü baja pijinia pewünü Joctán. ²⁶ Joctán pijinia pajja Almodad, Selef, Hazar Mavet, Jera, ²⁷ Adram, Uzal, Dicla, ²⁸ Obla, Abimael, Seba, ²⁹ Ofir, Havila Jobab janebaja. Dajjita bajarra pamonai Jctan pejji. ³⁰ Pajinawonopai irra tajjuaba Mesa nakua kujinai Dafer jawabelia, itsa jota nawita petsutonü pemutuaberreka. ³¹ Ma pamonai pijinia Sem pejji, pakuenia bajan piajamonai witsatatsi, pakuenia kuikuijai, piaja nakua jawa, piaja tomarrata. ³² Ma pijinia pamonai je Noé pejji piajamonai je, pakuenia baja pakuenia baja napiaja wirria tsanajetarrukai, piaja irranü jawa. Ma panakua pijiwimi je natsana dajjita irra jawa pe bubutsi kujinai.