¹ Dioso itajjutuajina Noé yabarra, yajawa dajjita matatsüpiji duajai unupijiwi, bajarra pakuenia yajawa dajjita pa baka junua arca ünüta yajawa nuka bajarra ponü. DIOSO nejjata najetarrukai ejjana jowibo jjaneto pe ufuni nejja bajarra pa irra, merranü baja nawiaba bajarra pakuenia pekowüya. ² Pena wotsi baja ita jjatata bajarra pakuenia itabojjo baja wetsika itajjata ema baja nejjata ajibi tsajopai. ³ Merra ema piji jawami baja kaüwia baja beajjayo natajayota pona irra wekua, pe werrewerrekai kujinai baja ciento cincuenta (150) pa matakabi beje kuinae, merra baja jowarreka. ⁴ Bajarra pa arca ya tsewa jopa septimo pa juametota, diecisiete pa matakabita bajarra pa juametota, Ararat unu matatsinuta. ⁵ Mera napüna tsewa najetarruka atabdecimo pajuameto jawabelia. Kopiaya matakabita bajarra pa juametota, unu matatsunüta napabeta. ⁶ Nejjatamcuarenta (40) pa matakabi beje kuajinae Noé mujünene ventana pata bajarra pa arca jjua baja bajarra ponü nalueneba, ⁷ Bajarra ponü itorroba woyofuabelia pünai ejjana kekerre nejjata bajarra ponüje pona pe tai nejja ikatsia penawiatsi nejja itsa teswa irra. ⁸ Nejjata bajarra ponü kopata woyofuabelia kai ukukuto pe tai nejja merra pe tsewi jawa irrata matatsunüta, ⁹ Baitsi jane itsiata ukukuto apo namatajjunai pena kuerro ewetsi jawa, nejjata baja nawiata araca jawabelia, tsipaji abajju merra dajjita irra yakajupa. bajarra ponü namajju yota pekajone nejja arca ünü jawaberrena. ¹⁰ Bajarra ponü eweta siete (7) pa matakabi beje bajarra jjua kujinai ikatsia pitorrobi nejja ukukuto arca wekua woyofuabelia. ¹¹ Ukukuto nejjata nawiata kaniwiyo jawabelia. Taima, pe pümüjjotota kanawiata najetarruka Olivo majjurranayo peéjana tsikanai jawa. Nejjata baja Noé bajarra pakuenia yapütane merra penatajayotsa jawa irra wekua. ¹² Ikatsia bajarra pakuenia eweta siete (7) pa matakabi beje, peéjana kuenia baja ikatsia otorroba woyofuabelia ukukuto. barrajane apo nawiatsi ikatsia bajarra ponü jawabelia. ¹³ Nejjata itsa majjua itsije seisto uno waita, kopiaya juametota, kopiaya makatabits kopiaya juametota, tsewa pina merra dajjita irrata. Noé araca baüpata, naükota woyofuabelia, jjua pina taneje, irra matatsunü pina baja tsewa. ¹⁴ Najua juameto bejeta, veintisiete matakabita bajarra pa matakabita, irra jawa tsewa. ¹⁵ DIOSO jumaitsi Noé jawabelia: ¹⁶ ''Pa wekua pitsaparre baja arca, jjamü, jjamü nijawa, jjamü nejji, bajarra pakuenia nejji pijawajiwi. ¹⁷ Yajawa kapitsaparre dajubi pena jonewi jjamüta, bajarra pakuenia pe pünaiwi, matsunü piji dujai, bajarra pakuenia pena robobokaiwi irrata, dajjita irranpewünükai nejja, bajarra pakuenia penayawiatsi nejja irrata.'' ¹⁸ Nejjatab baja Noé barru pitsapa pejji, pijawa bajarra pakuenia pejjinpijawajiwi yajawa barru pitsapa bajarra ponü. ¹⁹ Dajjita pe asaü dajubi, dajjita penarobobkaiwi, bajarra pakuenia dajjita pe pünaiwi, yajawa dajjita pena kujirrubiwi irrata, dajjita baja pamonai pe jonewi arcata. ²⁰ Noé nakueneba kai Altar PETUJJANENÜ nejja. bajarra ponü yajünwünü itapeta dajubi matatsunü matsunü pijinü pejjane panainü bajarra pakuenia pe pünainü pejjane panainü, nejjata baja to tajuita Altar jawata ofrenda kuenia. ²¹ waja TUJJANENÜ tujjune pejjania jawa nejjata jumaitsi pejamatabü kueneta: ''Ikatsia baja apo abeje ejjanainü tsane irra jiwitonü pejamatabü kueneta pe itsi jawa pabaisia kuene, pejewajjinü kujinai pabisia jawabelia jamatabü najjorrota. Itsiata baja bajarra jjuan itsi ata apo ajibi ejjnainü dajjita pejinawonopaiwi pakuenia itsinü. ²² Itsa abajju irra tsiteka, pakujinai pe ubi matakabi bajarra pakuenia pe notsi natakabi, pekainejebi matakabi piataju matakabi, emarrapai bajarra pakuenia wai, bajarra pakuenia matakabi merrawi ata apo ajibi tsane.''