¹ PETUJJANENU jumeitsi Noé: "Najjatsia yajawa dajjita nieja monae, Arca pa jonemena, katanetsi pejjania kuene jawanü jjanü jawaberena pa wiria jawata. ² Pajjanepanae wiria dajubi pe jamatabü niojeiwi kaponaename siete ponubeje pebitowi yajawa siete pesorowabi. Itsa nüjji baja dajubi apo pe jamatabü niojeiwi, kaponare najua nubeje kanakuijitsia bajara pamona pieja wiria: pebito yajawa piejawa. ³ Yajawa pe korophe rubenaewi itabojjo pijiwi, kaponaename siete ponubeje pebitonu yajawa siete pesorowatojji, pe asounejja pieja wiria dajjita ira. matatsunuta ⁴ Tsipaji siete pa matakabita ema jopae ejjanainikajï ira jawatsika 40 pa matakabibeje yajawa 40 pa merewibeje. Ajibi ejjanaenajü ira jumata dajjita pe asouwita ejjanaewi." ⁵ Noé itsi dajjita pakuenia PETUJJANENU itorobatsi. ⁶ Noé jjeina 600 pa weibeje itsa najetaruka pe awajubuojawa ira jawata. ⁷ Noé, pijji, piejawa, yajawa Arca yawata pekobejjae mera pe awajubuo ejjanaejawa. ⁸ Pe jjanepanae dajubi yajawa pe abeje wiria, pepunaewi, yajawa dajjita ira jawata pe najeturubenaewi, ⁹ najua nubeje kanakujitsia pebito yajawa pesorowato, Noé kujibatsi nejjata junua arca unuolia, pekuenia Dioso itoroba Noé. ¹⁰ Jemata 7 pa matakabi kuijinae, diluvio mera runeika irabe tsika. ¹¹ 600 pa weibeje Noé pe asoujawata, akueyabi juometo jawata, 17 matakabita bajara pa juametota, bajara pa matakabita, dajjita mera puka ira bujjupana na pata, yajawa itabajjo ventana dajjita panapentatsi. ¹² Ema tajju jjuoba ira betsika 40 pa matakabibeje yajawa 40 pa merewi. ¹³ Bajara matakabita Noé yajawa pejji, Sem, Cam yajawa Jafet, yajawa Noé piejawa, yajawa akueyabi Noé pejji piejawanu yajawatsi, arca jawalia junua. ¹⁴ Bajara pamonae barü junua kaenu kanakuijitsia dajubi salvajewi pieja wiria kanakuijitsia tsitaepona, yajawa ira matatsunuta pe jinonopaewi pekotobujjuta peponaewi, pieja wiria kanakuijitsia, yajawa dajjita pe korophe rubenaewi, pieja wiria kanakuijitsia, dajjita wiria pe korophe rubenaewi. ¹⁵ Anijanubeje kanakuijitsia pejumali rubenaewi Noé kuijitatsi yajawa arca jawalia joneya. ¹⁶ Dajubi pe jonewi pebitanu yajawa peesorowabi pikani dajjita pewi rubenaewi; pamonae junua pakuenia Dioso itoroba jjanewaitsia kuene. Nejjata PETUJJANENU boupa jjatatajjuoba pepunu werena bajara pamonae. ¹⁷ Bajara jjua kuijinae pe awujubuo jawa najetaruka ira jawata (40 cuarenta) pa matakabibeje, yajawa mera junatabina yajawa arcamo kajuneinatsi yajawa kotaneina ir wekua. ¹⁸ Mera dajjita ira bubutá, yajawa arcamo kotanataba mera matatsunta. ¹⁹ - ²⁰ Mera ayekueneta juneina ira jawata pakuenia baja dajjita peopia jumatsuto itabojjo wetsia pe nubenae tsuto dajjita bubuta. Mera juneina quince (15) pa codobeje pejumatsuto wetsia kuijinae. ²¹ Dajjita pe asouwi pe jinonopaewi ira jawata tüpabobena: pe punaewi, baka, dajubi unupijiwi, djjita wiria pe asouwi pe jinonopaewi ayei bitsouto kuenia ira jumawata, yajawa dajjita jiwi. ²² Dajjita wiria pe asouwi ira jawata pe jinonopaewi, pena jumali notsiwi pe asounejja pe pumuta, tüpa. ²³ Bajara jjuota dajjita kuene pe asouwi bajayatami ira mata tsunuta beyejebatsi, jiwi kuijinae tajju jjuoba yajawa ayei dajubi jjanetonu, pe kotobujjuta pe ponaewi pitanajetaruka, yajawa pitanajetaruka pe korophe rubenaewi itabojjo pijiwi. Dajjita werebiebatsi ira jawata. saya Noé yajawa pebaru ponaewi arca jawata, nubena. ²⁴ Mera ajamatabu sou ira jawata (150) pa matakabibeje.