¹ Janibo bitso ayai dajjita ira jawa. ² aja pakujinae bajara pamonae dajjita ajjai jawa jjüa kaponarena Egipto jawawerena, Pajja jumaitsitsi: "Pa ponare ikatsia, pa komuakare waja jjae nejja pejjaijawa." ³ Juda jumaitsi: "Bajara pa pebi saya baja pa ne jumaitsi: 'Pajjamü apo pane itabara taimü tsane matapania panijiyapijinü itsa paka yajawa.' ⁴ Itsa baja jjamü pane yajawa itorobame pataya pijinü, nejjata baja pa ponainajü pata komuakaiwi pejjai jawa. ⁵ Baitsi Jane itsa apo otorobimü, pajjanü apo pa ponainü tsane. Tsipaji bajara pa pebi pane jumaitsi pajjanü: 'Pajjamü apo pane itabara taimü tsane matapania paniyapijinü paka yajawa."' ⁶ Israel jumaitsi: "?Detsa jjuajitsia bitso pane jamatabü itonotame pane jumaitsi jawata pane jjainai jawa paniji yanijinü?" ⁷ Bajara pamonae jumaitsi: "Bajara pa pebi pane yanijobajjania waetsia kuenia pataja monae yabara. Bajara ponü jumaitsi: '?pnija jaja tsa abajjü atsaü? ?Pajjamü jjaja pa jjainamü panijiyapijinü?' nejjata pajjanü pajume kanawiata najetarukajü pata ne yanijobi kuenia. ?Detsa pakuenia pa yapütai jitsipajü patane jumaitsi jawa. Pa barü ponaremene panijiyapijinü?"' ⁸ Juda jumaitsi jaja jawabelia: "Itorobare pejewa jjinü jjanüta. Pa ponainajü beje waja asaü nejja waja thüpai yaniwa,pakuenia wajjaitsi pajjamü ata, wajajji ata. ⁹ JJanü ya ewetsianajü bajara ponü. Pajjamü pane baja pane ya ewetsi ejja nainame. Itsa baja jjanü apo kanawiatsinü pajjamü panitabü nejewa, nejjata baja, jjanü na nekotsianajü dajjita matabi jawabelia. ¹⁰ Itsa baja kajena itsa apo pa najematsinü tsipai, meta baja kajena ikatsai baja pa ponai jitsipajü peejana kuenia." ¹¹ Pajja bajara pamonae Israel jumaitsi bajara pamonai jawabelia: "Nejjata baja itsa bajara akuenia, nejjata baja bajara pakuenia pa itsimüre. Paka ponare pejjania kuene pa ira pijijawa paniji dorüanüta. ¹² Pato kaponare bajara pa pebi ejjania kuene: pejjania tsapato jabüra ata, especias jawa mira ata, nai kui pistacho yajawa petunajjü. Paka ponarenua ayai jawa palata Ane kobenüta. Pa palata pakato kanawiaba paniji dorüanüta inuta, paka ponare ikatsia peejana kuenia pane kobenüta. Belia ba nakobe jematsia apo pitsi ¹³ Pakaponare nuabaja paniji yapijinü. Pa pónare baja ikatsia peejana kuenia bajara pa pebi jawabelia. ¹⁴ Waja Dioso Bitso piasaünü paka bijiobi Tai bajara pa pebi pitabü nejewa, bajara pakuenia baja bajara ponü pa peka kopabi nejja pajjamü yajawa panijiyaijnü yajawa ata Benjamin. Itsa baja dajjita paka taika nejjata baja bajara pakuenia tsane. ¹⁵ Bajara pa pebi jiwi kapona pejjania jawanü, pekonüta kapona ayai palatanü, Benjamin yawaja barü pona. Bajara pamonai nejjata pona Egipto jawabelia nubena pitabarata jose. ¹⁶ Itsa José tane Benjamin bajara pamonae yajawa, jumaitsi bo jawata pena kuenebinü jawabelia. "Kajone ejjanare bo ünüaberena, peyajjuabare dajubinü jjania waetsia baja to jjaniawaere, tsiapaji baja bajara pa pebi jiwi barü jjae jitsianü matoneje. ¹⁷ "Nejjata bo jawata pe nakuenebinü jume kowüta pakuenia José itoroba. ¹⁸ Bajara pa pebi jiwi junawa tsipaji kapotsi José piaja boo jawabelia. Bajara pamonae jumaitsi: "Ma meta kajena je palata yabara je jjüa kanawiabatsi waja saküanüta bajara jjüata naka kapona kopiaya, waja naka jaitsi nejja. jumatejema nejjata waja naka taikai nejja amoneya waja to nakuenebi nejja jawa Kobe kowü nakato kaponai jitsia jawa burro ata.'' ¹⁹ Nejjata bajara pamonae imojjoyo jumaitsi Boo pe ewetsinü to jose barü kuikui jai boupa itabarata pakueniaje: ²⁰ "Taja tujjanenü, pajjanü matapania pa najetarübenajü pata komuakai nejja pejjai waja. ²¹ Baitsi jane itsa, pajjanü pa imojjoyotajü itsa jota jina patabiaba, nejjata pajjanü pa wü isikajü pataja dorüanü nejjata patanijü, dajjita pata matamatsia palatanü pa dajjitanü ata ja sakuanüta, dajjita bajara pa palatanü. Nejjata pajjanü bajara jjüata pa najetarübenajü pata Taka rajutsi nejja pa TA kobeta. ²² Yajawa paka najetarübenajü itsa palatanü pata kobenüta tsipaji ikatsia pa komuakaijitsianü pejjai jawa. Pajjanü tsipaji pajjanü apo a yapütainü pajiwiyo jeba bajara pa palatanü pataja sakonüta." ²³ Nejjata boo ewetsinü jumaitsi: waja Dioso paka yajawa, pütsa pa jumawame. Panija Dioso jaja piaja Dioso meta paka to jeba jeba panija sakuanüta. JJanü paka wekobe notatsi panija palatanü.Nejjata baja boo etsianü barü Rena Simeon bajara pamonae jawaberena. ²⁴ Nejjata bo pe itirobinü kapona Jose piaja boyabelia. Bajara ponü mera rajütatsi, nejjata bajara pamonae natajjü kiata. ²⁵ Bajara ponü rajutatsi pejjai jawa piaja buronü nejja. Bajara pamonae jjania waeta kuene José pewajüae matoneje jawa, tsipaji bajara pamonae jumetane bajara jota pejjae nejja. ²⁶ José baja nejjata pata piaja boota, bajara pamonae nejjata to kajonua boo ünü jawabelia jjua to jania waeta pejjainai jawa pekobeta pematabaka büta nubena pe wajünai werena ira taitsia. ²⁷ Bajara ponü yanijoba pakuenia jinawonopa: "¿Ajja paka to jumatejema, ponü pa ya bara kuikui jamü?¿Bajara ponü tsaja asaü?" ²⁸ Bajara pamonae jumaitsi: "Panija jiwinü Pataja apa baja Kajena jjanepana. Bajara ponü Asaü tsaponaponai." Bajara pamonae pe jumaitsi kujinae nejjata bobena ira taitsia. ²⁹ Nejjata José nawüyotsiaya naükota nejjata tane pejiyapijinü Benjamin, pena pejjunato, Bajara ponü jumaitsi: "¿Ma tsaja panijiyapijinüje ponü pane yabara kuikui jamü?" Nejjata bajara ponü jumaitsi: "Pejjania kuene kato jitsipa Dioso jjamü nejja, ta jjünato." ³⁰ José nejjata bepijiayo jamatabü pitsaba piaja kuarto wekua, tsipaji bitso ayai kuenia najamatabü jjaina pe Tai jawata pijiyapijinü. bajara jjüata jaita itsa tajjünaiyo pe nue nejja. bajara ponü junua baja kuarto jawabelia bajara jota nua bitso. ³¹ Bajara jjüa kujinae naitabara kiata pe pitsapai nejja. Apo nayapütai ejjanai jumaitsi: Pa tsanare baja pejjai jawa." ³² Peto nakuenebijiwitsi to nakuenebatsi ü ponü nejja piaja monae baja bajara pakuenia to nakuenebatsi ü bajara amonae. Bajara jota Egipciowi na jjane seikaiya tsipa apo be najua jjae kae jawa hebreowita, bajara jua apo jjanepanai Egipciowi nejja. ³³ Piaja monae pitabara jawaberena jeba bajara ponü. Kopiya matapijinü pe kuja ne nia mata pijinü kuenia, juyapijinü baja pijinia be pe wüjüto kuenia. Bajara pa pebi jiwi nabenajakena kainü kana kujitsia. ³⁴ José itoroba pejjaijawa kopiya bajara pamonae nejja. Baitsi Jane Benjamin nejja bitso matatojjenetsia ayai jawa pematapiji matatojjenetsia. Bajara pamonae apa barüya bajara ponü yajawa.