¹ Nejjata Jacob jumetane pejjai jawa pejjainai jawa Egipto jawata. Bajara panü jumaitsi pejji jawabelia: "¿dejjuijitsia pana naükobame pajjamü?" ² Bajara ponü jumaitsi: "Pane jumetaima, jjanü rebaja jumetanijü Egipto pejjainai jawa pejjai jawa. Pa ponare bajara belia pa komüakare wajjaitsinejja bajara jotalia, wajani jawa tüpai yaniwa. ³ Nejjata nakai pijiwi Diez ponü beje José pemata pijiwi pona Egipto jawabelia pe komüakaiwi pejjaijawa. ⁴ Baitsi jane Benjamin José pijiyapjinü, Jacob apo itorobi pemata pijiwita, tsipaji kakujunawa pe itsa kuene yaniwa pabisia kuene. ⁵ Pejji Israel pona pe komüakaiwi itsamonai yajawa, tsipaji janibo bitso Canaan irata. ⁶ Nejjata itsiata José gobernadornü irata. Bajara ponü kanajita biaba dajjita jiwi ira pijiwi. Nejjata José pemata pijiwi pata najetarübena pematabaka büta nubena othopa pe wajünai werena ira taitsia. ⁷ José nejjata tane pemata pijiwi yapütane, Baitsi Jane bajara ponü na itothiana bajara pakuenia barü kuikui jai anaipani kuenia bajara pamonae. Bajara ponü jumaitsi:"¿Detsa werena pa poname?" Bajara pamonae jume kanawiata: "Canaan ira werena pa ponajü pata komüakai nejja pejjai jawa." ⁸ José yapütane pemata pijiwi kuene baitsi Jane bajara pamonae apo yaütaitsi bajara ponü. ⁹ Nejjata José najamatabüna pita bajayatami jjüa amajitsinai bajara pamonae yabara: nejjata bajara ponü jumaitsi bajara pamonae: "Pajjamü Kajena saya pane ya enebiwi pane Tai nejja peyapü jjane pani ira." ¹⁰ Bajara pamonae jumaitsi: "Jume, pataja tujjanenü. Nija jiwinü raja pata pena komüakai nejja pejjai jawa. ¹¹ Dajjita raja kai pebi pa pejjinü. Pa nejjania jiwinü raja. Apo pataya enebiwiraja." ¹² Bajara ponü jumaitsi bajara pamonae jawabelia: "Jume, pajjamü ra Kajena pane Tai nejja peyapü jjane pani ira." ¹³ Bajara pamonae jumaitsi: "Pajjanü panija jiwinü pa doce pa ponünü beje, kai pebi pa pejjinü Canaan irata. Taima, patajaya pijinü juyapijinü ma pa matakabita kana kopata pa tajja yajawa, itsa nü baja apo asaü." ¹⁴ José jumaitsi bajara pamonae: "Kajena jjanü paka jumaitsitsi; pajjamü Kajena paneya enebiwi. ¹⁵ Bajara jjüata pajjamü paka üjübianatsi. Faraonnü pejamatabü kueneta, ajjamü kajena apo pa ponaimü tsane, baja itsa jume matapania panija yapijinü pona patajjunai jawa berena. ¹⁶ Pa itorobare pajjamü yajawünü nejjata pitsialia panijiyapijinü. pajjamü pa enainame, ata panija liwaisi itsa jjania jai, itsa peneta pa jjania jjamü." ¹⁷ Nejjata bajara ponü dajjita jeba akueyabi pa matabi beje. ¹⁸ José jumaitsi bajara pamonai jawabelia akueyabi matakabita: "Bajara jjüa pa itsimüre nejjata pa asaümü tsane, tsipaji jjanü kujunawajü Dioso. ¹⁹ Itsa pajjamü pa pejjania pebijiwimü, pana yajawünü kopare pe ekae ma jotaje, baitsi Jane pajjamü, paka ponare pejjai jawa janibo yabara panija bonü jawabelia. ²⁰ Paneto kaponaremena panijiya pijinü jjanü jawaberena pataka jume kowünütsi nejja nejjata pajjamü apo pa tüpaimü tsane." Nejjata bajara pamonae bajara pakuenia itsi. ²¹ Bajara pamonae nejjata na jumaitsi: "Wajjaitsi Kajena Pepo kuene waja jamatabü kuene waja juyapjinü yabara, tsipaji tanetsi bitso pe jamatabü kuene bijiobi jawa wajjaitsi apo jumetaitsi. bajara jjüata juya najamatbü kuene tanetsi wajjaitsi." ²² Rubén jume pita bajara pamonae: "¿JJanü baja Kajena paka jumaitsitsi 'Putsa pana nekonitame bajara pa pewüjüato pejamatabü kueneta,' pajjamü baitsi Jane apo pane jumetaimü? Nejjata, baja pa taima, pijana baja netsi jopa wajjaitsi." ²³ Barapamonae baitsi Jane apo yapütae José pe yapütae jawatsi, tsipaji itsanü jume tsipaeba ponatsi bajara pamonae. ²⁴ Bajara ponü natajayota nua. Ikatsia kujita pe barü nejjata barü kuikuijai. Bajara ponü wekua waetaba Simeon bajara pamonae tutujata pitabünejewa küta. ²⁵ JJükujinae Jose itoroba peto nakuene biwitsi pe wünübi pejjai jawa pemata pijiwi piaja doruanü, peto kanawiabi nejja piaja palata kai pebi kanakujitsia piaja sakota, yajawa pe rajutsia nejja pe marue. To itsi bajara pamonae nejja. ²⁶ Pemata pijiwi nejjata kapona piaja buronü yajawa piaja pejjai jawanü pona baja nejjata. ²⁷ Nejjata bajara pamonae yajawünü wüpata piaja sako perajitsi nejja pejjai jawa piaja buro pe pata othopai jawata, bajara ponü tane piaja palata yajawa. pataima, panija sakuanü. ²⁸ Bajara ponü jai pemata pijiwi jawabelia: "taja palata neto kanawiata. Pataima; taja sakota." Jamatabü natsonina na naükoba ya junawia najumaitsi bajara pamonae: "¿De jjüa maje Dioso na Ka itsi wajjaetsi?" ²⁹ Bara pamonae pata Jacob jawata, Pajja Canaan irata nejjata tsipaeba bajara ponü jawabelia dajjita pe Tae jawanü. ³⁰ Bajara pamonae bajara jjüa jumaitsi: "Ponü, pe ewetsinü bajara pa ira, pane barü kuikuijai anaya kuennia pajjanü nejjata pane siwa jamatabü itsi be paya enebiwi ira. ³¹ Pajjanü pajumaitsinü bajara ponü jjania waetsia kuenia. ³² Pajjanü raja apo paya enebiwi. Doce ra pa ponünü beje, kaenü pa pejjinü. kaenü rabaja apo ponaponai, Pepo juyapijinü raja pa tajja yajawa nakopata Canaan iratalia.' ³³ Bajara pa pebi, pe ewetsinü bajara pa ira, pane jumaitsi: 'Ma pakuenia je jjanü yapütainajü itsa peneta pa pejjania jiwimü. Pa na yajawünü kopare jjanüta, pakaponare pejjai jawa pw janibo yaniwa panija bo jawabelia panawiabare panija namutua. ³⁴ Paneto kaponare mena panija yapijinü. Nejjata jjanü bajara pakuenia yapütainajü itsa apo paneya enebiwi, pa pejjania jiwimü kuene. Bajara jjüa kujinae kopatsianajü panijiya pijinü, pajjamü jumatejema pa komuakainame pa irata je." ³⁵ Nejjata pakujinae othoka piaja sakuanü, de itsi, pataima, pataja palata dorojji kai pebi kanakujitsia paja sako ünüta najetarubene. Pakujinae bajara pamonae tane pajja yajawa piaja palata dorojji, nejja junawa bajara pamonae. ³⁶ Jacob pajja bajara pamonae jumaitsi: "Pajjamü saya pane jamatabü kueronae ejjaname tajji yabara. José baja apo nakai yajawa, Simeon baja apo naka yajawa, ikatsia baja Benjamin paka ponajitsiamü. Dajjita bajarajjüa apo neto jjanepanai jjanü." ³⁷ Ruben barü kuikui jai pajjajumaitsi akueniaje: "JJamü baja nejjta baja beyajjuabainame itsa benmain apo nawitsinü. Jjanü neto kopare, nejjata jjanü kato kanawitsianatsi kaiwüarena peejana kuenia." ³⁸ Jacob jumaitsi:" TA jjuanato pane püta apo na ponai tsane. Tsipaji baja pe matapiinü tüpa Kainü baja nakopata. Itsa baja pa itsa kuene paka kaüjüpa pane ponai jawa, nejjata baja auraya pane mata pinali kaponare muthüabelia."