¹ Ikatsia najua wai kujinai beje kujinae Faraon amajitsinai. Bajara ponü nukajopa Nilo jawata. ² Pina, siete pa baka beje pitsapa Nilo mene jawa werena, waja tai jjanepanai kuenia pe nasitsiwi bajara amonae jjaenübena pona. ³ Ikatsia, piña itsa siete pa baka beje pitsapa ikatsia nilo mene jawa werena, apo waja tae jjane panai kuenia pe jiopaiwi. Bajara pa bitsauto piña jumapia na nubena othopai itsa bakanü jawata mene itapa jawata. ⁴ Nejjata apo waja tai jjanepanaiwi pe jiopai bakanü jjane dajjita pa siete bakanümi beje penasitsiwimi. nejjata Bajara jota Faraon naükota. ⁵ Nejjata ikatsia baja majita amajitsinai ikatsia. ⁶ pina jumapia, siete pa tukuato beje pitsapa petabütopa Jane jawata, ejjania kuenia. pina jumapia ina bajara pa siete pa tukuato, yajawa siete pa baka beje tajuatsi dajjita jowibo jjanetota petusatota, na ejjaba bajara jjua kujinae. ⁷ Nejjata pina jumapia pe jiopai tukuatonü jjanetsi pe nasitsiwimi. aba jara jota naükota Faraon, nejjata, bajara jjüa amajitsinai. ⁸ Bajaya kanua pina jamatabü kuene piaja epíritu junawa. Bajara ponü nejjata itoroba dajjita junta pe yapütaiwi pebijiwi pe yapütai Egipto pijiwi. Faraon pina namajitsinai paiba, itsiata baja Kajena ajibi itsajiwiyo apo jume kanawiatsitsi Faraon. ⁹ Nejjata pitorobinü koperowi jumaitsi Faraon jawabelia: " Ajena baja najamatabü jjainajü TA bara netsi paibi nejja. ¹⁰ Faraon nejjata anaipana piaja jiwi jawabelia, ya baupa jjataba piaja kapitana nüanü piaja boo jawata, pitorobinü panaderowi jjanü ata. ¹¹ Pajjanü beje pa amajitsinainü beje kai merawita. Pa amajitsinainü beje, kai jiwi kana kujitsia, itsa kuenia pa amaijitsinainü kai jiwi kana kujitsia. ¹² Pane yajawa beje pewüjüato Hebreonü, peto nakuenebinü kaitan nü. pajjanü beje pa tsipaebajü beje bajara ponü nejjata bajara ponü pane majitsinai paeba beje. Bajara ponü pane majitsinai yapütane beje kai jiwi kanakujitsia pakuenia pa amajitsinainü beje. ¹³ Pakuenia bajara ponü pane tsipaeba beje, bajara pakunia baja itsi. Faraon baja ne nakuenebi ejjana peejanakuenia, baitsi Jane itsanü wüsikhütatsi." ¹⁴ Faraon itoroba pe junatsi nejja José. Bajara pamonae najjatsiyo juta pena nekonitsi wekua. Bajara ponü na matasiba piaja kueneta, itsa jawa najjatata nejjata rena Faraon jawa berena. ¹⁵ Nejjata Faraon jumaitsi José jawabelia: "JJanü amajitsinainü, baitsi Jane ajibi tane tsipaji nejja bajara jjua. Baitsi Jane jumetanijü jjamü yabara, jjamü pina majitsinai yapütaibibame." ¹⁶ José jume pita Faraon pakuenia: "jjanuta ajibi. Dioso raja tsipaji biana Faraonta pejjania." ¹⁷ Faraon barü kuikuijai Joséta: "Ta amajitsinai itsi je, jumapia tsaina, nukajü nili mene itapata. ¹⁸ Jumapia tsaina siete pa baka beje pitsapa Nilo wekua, pe nasitsiwi waja tai jjanepani kuenia, bajara pamonae tsaina jjane pona. ¹⁹ jumapia tsaina itsa Baka püna pitsapa, pe faifainaiwi, apo be waja tai kuenia pe jiopai bakanü. JJanü Kaito ata apo tainü pe jiopai baka Egipto irata. ²⁰ Pe jiopai bakanü apo waja tai jjane panaiwi tsaina jumapia jjane kopiaya pe pitsapai bakanü penasitsiwi. ²¹ Pe jjai kujinai tsainai, apo nayapütai e jjai kuene, itsiata saya bitso jiopa jjai ata, baja bitso mata tojjenetsia kopiaya kuenia njjata bajra jota naükotajü. ²² JJanü tanijü TA amajitsinaibota, pa, taima, jumapia tsaina siete pa tukuata beje pitsapa petabü topa jawata pejjania kuenia. ²³ Pa taima jumapia tsaina itsa siete pa tukuato beje ikatsia pitsaa baitsi jane pe tsakenai jawanü, pe jiopai jawanü pe tajue jawa, itsapa bajara jjüa wekua. ²⁴ Bajara pa siete pa tukuato beje kijone pejjania tukuatonümi. bajara jjua raja tsipaibajü taja eyapütaiwi jawabelia, itsiata baitsi a Jane apo netsipaibi." ²⁵ José jumaitsi Faraon jawabelia: ''Na jupa Faraon pe amajitsinai jawa. Jjüa Dioso itsi jitsi, bajara ponü Faraon tsitajüta. ²⁶ JJua Siete pa pejjania baka beje siete raja pa wai beje, jjüa baja pijinia pa pejjania tukuato beje raja siete pa wai beje. Na majitsi nai jupa beje. ²⁷ Pijinia siete pa pe jiopai baka beje pitsapawi bajara jjüa kujinai Siete rebaja pijinia pa wai beje, pa kuenia pa pabisia tukuatonü pe jiopai jawanü pe tajue jawanü bajara jjua raja siete pa janibo pa wai beje nejja. ²⁸ Bajara jjüa raja Faraon tsiaibatsi. Bajara jjüa raja Dioso itsi jitsia, Bajara ponü bajara jjüa tsitajutatsi Faraon. ²⁹ Pa taima, siete raja pa wai beje ayai kuenia bitso najetarukaina apiaya dajjita irata Egipto nakuata. ³⁰ Siete pa wai beje janibo kuene tsane kujinae najetarukaena, dajjita bajara jjüa nako fünütsiana Egipto irata, janibo ya kajüaina dajjita ira. ³¹ Bajara jjüa apo najamatabü pitsi tsane itsa jiwiyo irata tsipaji bitso janibo jjaneto najetarükaena. ³² Bajara jjüata Faraon naüna anajitsinae tsipaji bajara jjüa kafeta Dioso, Dioso jemata baja itsi tsane. ³³ Nejjata baja Faraon jaitsiana pejjania jamatabü kuenenü pejamatabü kuene nawitsinü, bajara ponü itorobiana Egipto ira. ³⁴ Bajara jjüa Faraon itsi tsane: nübiana pe naitajjuto kaiwitsiwi irata. Bajara pamonae pitsiana Egipto piji pejjaiwaja siete pa wai beje itsa abajü nawita bitso pejjai jawa. ³⁵ Bajara pamonae kaitutetsiana dajjita kuene pajjai jawa pa pejjainai waitaje kujinae baja jjania tsiana Faraon pe itorobi kuenia, baja pa pejjai jawa pejjai nejja bajara pa tomaranü. Nejjata najara jjüata jjaniawaeta. ³⁶ Pejjai jjania waitsiana siete waita ira nejja janibota siete pa wai beje janibo tsane Egipto irata. Nejjata bajara pakuenia bitso apo janibo tsane." ³⁷ Bajara jjüa tsita jjanepatsi pitabünejewa Faraon yajawa dajjita pitabünejewa bajara jota pena kuene biwi. ³⁸ Faraon jumaitsi peto nakuenewitsi jawabelia: "?wajjaitsi meta pe natajjuantsi bajara pitsinü, pe jjainainü Dioso piaja espíritu?" ³⁹ Nejjata Faraon jumaitsi Joséta: "pakuenia Dioso katsitajüta dajjita jjuaje, ajibi itsa jiwi ata jjamü pakuenia yapütaneme. ⁴⁰ JJamü ponaponainme taja bota pataka jume kowünütsi kuenia baja nija liwaisi tajjita taja tomara baja itorobianame. Kainünü baja trono jawata Ka wekua piniyonü tsane." ⁴¹ Nejjata Faraon jumaitsi Moiseta: Taima, jjanü Ka itorobi ejjanatsi nitorbi nejja dajjita Egipto ira." ⁴² Faraon nejjata aniyo pe sellababiabi jawata nawekobe jonota tsikoberuta Moise pe Kobe jawabelia. Bajara ponü juma jjatata pejjania lino fino jawa yajawa tsi wüsi ruta oro kadena jawa. ⁴³ Junai ejjana piaja mo peya ponapona biabimota bajara ponü. Dajjita bajara pamonae wawajai bajara ponü pitabü nejewa: "Pana matabaka büta TA fitsukare." Faraon nejjata nuta dajjita ira pe ewetsi nejja Egipto jawata. ⁴⁴ Faraon jumaitsi José jawabelia: "JJanü raja Faraonnü jjamü wekua, ajibi itsa pebi ata penakobe yotsi kuene ata penatajju yotsi kuene Egipto irata." ⁴⁵ Faraon wünü ruta José "Zafnat Panea." yajawa rajuta Asanat wünüwa, pejjunatoyo Potifera, On piji sacerdoyenü, pijawa nejja jose. José ejjata ona sdajjita Egipto ira. ⁴⁶ José jjaina 30 pa wai beje pakujinae wekua pitsapa Faraon wekua, reynü Egipto pijinü. José wekua pitsapa Faraon wekua nejjata pona dajjita egipto ira. ⁴⁷ Bajara pa siete waita dajjita kuene jjaina ira dajjita kuene ayai jawanü jjaina. ⁴⁸ Bajara ponü kaituata dajjita kuene pe jjai jawa siete pa wai beje kuenia pe jjaina jawa Egipto irata kapata bajara pa tomara jawata. Bajara ponü kapata pejja jawa kai tomara kana kujitsia pabi jawanü jawa dajjita tomarajjita. ⁴⁹ José jjania waeta jetsajjü be manua mene pijinibijjü, belia baja apo namatajütsi kapanepai, tsipai bitso ayai jawa apo be namatajütsi. ⁵⁰ José baja najua pejjünato beje jjaina janibo wajunaya, pa jiwi beje Asenat, pejjunatoyo Potifera On piji sacerdotenü, to ejjana. ⁵¹ José wünü ruta matapijinüyo Manasés, tsipai jumaitsi bajara ponü: Dioso ne nako fünütsi ejjana taja dajjita pabisia liwasimi tajamonaimi yajawa tajja:'' ⁵² Bajara ponü wünü ruta juyaijinüyo Efrain, tsipaji bajara poinü jumaitsi: "Dioso dajjita ne jainai ejjana ma pa pe bijiobi irata." ⁵³ Siete baja pa wai beje kopia ruka jopa pejjania kuene jawami Egipto irata baja ajibi tsajopai. ⁵⁴ Siete baja pa wai beje kopia pata janibo jawa, pakuenia jose jumaitsi. Janibo baja dajjita ira, baitsi Jane pejjai jawa Jaina dajjita Egipto ira. ⁵⁵ Pakujinae baja bitso piajani Egipto ira, tomara pijiwi baja wajüka Faraon jawabelia pe jjai jawa nejja. Faraon jennata jumaitsi dajjita bajara pa Egipciowi jawabelia:"Pa poinare José jawabelia pa itsimü tsane baja jjua bajara ponü paka jumaitsi. ⁵⁶ Janibo baja Kajena dajjita ira ya kajua. José nejjata ya wüata pejjai jawa kanajeta Egipciowita. Bitso kajena ayai janibo Egipto irata. ⁵⁷ Dajjita ira pona biaba Egipto jawa belia pe komukai nejja pejjai jawa joseta, tsipaji bitso ayai dajjita nakua.