¹ bajara jjua kujinae majjua itsi je, koperonü panaderonü beje peto nakuenebinü pitorobinü Egipto nakua karapuaba beje piaja tujjanenü, pe itorobinü Egipto. ² Faraon nejjata anaipana yajawa piaja wajabitsaünü beje, koperowi pitorobinü yajawa panaderowi pe pitorbinü bejeta. ³ Bajara ponü ya karantanütat beje kapitan nü piaja boota, itsa jota José na nekonitanüka. ⁴ Kapitan nü waja bitsaü tujjanenü itapetsiaya José peto nakuenebi nejjatsi. bajara pamonae jinawanapa nanekonotsiaya bajara jebi. ⁵ Najuanü beje anajitsinai beje pina, Koperonü Panaderonü ata, pena nekonitsinü beje, kai pebi kanakujitsia amajitsinae beje kai merawita, kai amajitsinai pe paibi nejja bejje. ⁶ José pona bajaya kanua bajara pamonae jawabelia nejjata tane. Pa taema, dajjita najamatabü jjainena. ⁷ Bajara ponü yanijoba Faraon piaja wajabitsaünüta ponü beje ya eweta piaja tujjanenü pijabota, jumaitsi: ⁸ "Detsa jjüa jitsia pa najamatabü jjainame ajena?" Bajara ponü beje jumaitsi beje: "Pana jua amajitsinainü beje baitsi Jane itsa jiwi ata apo pane tsipaibi beje jjüa yabara." José nejjata jumaitsi: "?Tsipaji tsaja Dioso apo be tae, panetsipaeba itsiata." ⁹ Pitorobinü koperowi paeba pía majitsinai jawa joseta. jumaitsi nejjata: "ta amajitsinai jawata, be pe jjania nai nuka taitabarata jjanü. ¹⁰ Bajara pa nai jawata tres akueyabi pa majürüna beje jjaina.pajjania kuenia, namatonota nakueita uva nawereta biaba. ¹¹ JJanü kobenanukajü Faraon piaja copa. JJanü pitajü uvabü to yujunajü Faraon baja kopata, jjüa kujinai tsi kopatajü." ¹² José jumaitsi: "mara jumaitsijitiaje bajara jjuaje. Bajara pa akueyabi pa majürüna beje akueyabi beje pa matakabi beje. akueyabi pa matabi beje kujinae Faraon Ka matakotsiana kanutsi jitsia ne kowü jawata. ¹³ JJamü tsi koberutsianame pe kobeta Faraon, bajayata a kuenia coperonü kuenia. ¹⁴ Baitsi Jane ne na jamatapitsianam, itsa bajara itsi, taima ne tsitatajüre ne pejjania jamatabü kuene. Tsipaebare ta wünü Faraon jawabelia tane jitsi nejja jjüa wekuaje. ¹⁵ Tsiapji nena kobetojjota piaja iraberena hebreo monae. jota ataje itsa kuene apo itsinüje tane etsinejja jotaje." ¹⁶ Itsa pitorobinü panaderowi tane peto pejjania kuene jawatsi, jumaitsinjose jawabelia: "JJnü ata Kajena amajitsinainü jai itsanü, ma pakueniaje akueyabi pa mapiri beje pan büanü jawa tama tsunüyo ena. ¹⁷ Matsunüyo jjüa jjaina dajjita kuene pe tsauwiapai jawa Faraon nejja, baitsi Jane baratsui dajjita jjane ta mata bokotota." ¹⁸ Nejjata José jume pita jumaitsi pakueniaje: "bajara pa majitsinai ma itsi je. bajara pa akueyabi pa mapiri beje raja akueyabi pa matabi beje. ¹⁹ Akueyabi pa matakabi beje kujinae Faraon Ka mata kaukutsiana nae majjünarata rutsiana. nejjata dajjita baratsui Ka perabü jjaena," ²⁰ Nejjata akueyabi pa matakabita, na kaituata Faraon piaja fiesta nejja. Bajara ponü itsi dajjita pekuenebiwi pe jjai nejja. Matakota koperonü yajawa panaderowi pitorobinü, dajjita pitabünejewa. ²¹ Bajara ponü ikatsia copero pe kowü kuenia pena kuenebi jawa, tsioberuta kopa Faraon ikatsia. ²² Baitsi Jane panaderowi pitorobinü, wüsi küta niajawa jawata, pakuenia José tsipaeba bajara ponü beje. ²³ Baitsi Jane itsiata koperowi pitorobinü apo najamatabü napitsi José. Saya nakofünüta bajara ponü.