¹ akujinae kapatatsi José egipto jawata. Potifar, peya ewetsinü Faraón wajabitsaü tüjjanenü egipcionü, bajara ponü komuata ismaelistawita, pamonae kapatatsi bajara berena. ² Dioso yajawa pona pona José bajara jjuata dajjita to pejjania kuenetsi. Bajara jjuata ewetsi ejjanatsi egipcionü pija bota. ³ Piajatujjanenü tanetsi bajara ponü Dioso peyajaba pona ponai jawatsi bajara jjuata dajjita to jjanepanabiatsi penakuenebi jawa. ⁴ José nejjata asiwaya naükotatsi tsipaeji pejjania kaenia nakuneba pitabünejewa. Nejjata Potifar dajjita pe kobe kowü ewetsi ejjanatsi ⁵ Nejjata pa matakabi beje ewetsi ejjanatsi pijaa boo yajawa datjjita pe kobe kowü,nejjata Dioso pejjania kuenia naükota Egipcionü piaja boo José pejamatabü kueneta. Dioso piaja pejjania kuene to ejjana Potifar pijabota ya dajjita pekobekowü. ⁶ Potifar nejjata dajjita tsi kopata José pe ewetsinejja. bajara ponü pabisia kuene apo najamatabü jjainai saya baja üpe jjaijawa yo nejja, baitsi jane José peya jjania waetsinü pejjania nü. ⁷ Nejjata bajara jjua kujinae Potifar pijawa tsita jjanepana José. Bajara powa jumaitsi: " Najjatsi nebarü majire." ⁸ Baitsi jane José apo je jai nejjata jumaitsi pijatujjanenü pijawata: "taima, taja tujjanenü bajara ponü apo jamatabü kuene bü jai tato eweta pona ponai kujinae. ⁹ Ajibi itsjiwi ata pa boo pijiwi tane jamatabü kuene matatojjenetsi jawa. Bajara ponü dajjita pekobe kowü ne ewetsi ejjana baitsi jane jjamü pijiawamü apo netsi kopatsi, jjamü seikaya pijawamü. ¿depakuenia nejjata pabisa kuene itsinü tsipae Dioso pita bünejewa? ¹⁰ Itsiata bajara powa kae matakabi kanakujitsia barü naliwaitsita biaba josé jawabelia, bajara ponü itsia jume jai tsabiabi pe barü majitsi yaniwa bajara powa. ¹¹ Itsa matakabi José pona piaja tujjanenü pijaboyabelia penakuenebi nejja. bajara pa bota itsa jiwiyo ajibi bajara pakujinae. ¹² Nejjata bajara powa natsimajjü waetaba penajjatatsi jawata jumaitsitsi: "Nebarü majire." bajara ponü wekua panepa baitsi jane jumajonotatsi penatsatatsi jawa. ¹³ Nejjata bajara powa itsa tane José penajjatatsi jawa pe kobenanükai jawa pe pane pai jawata woyofua belia, ¹⁴ Nejjata bajara powa junata petoo nauenebijitsi jumaitsi: "Pataima, Potifar kapata hebreonü bajara ponü naka kenetsia tainejja. Bajara ponü raja netsi majjü joneya tane barü majitsi nejja nejjata wawa janü. ¹⁵ Nejjata bajara ponü tane jumetai jawata, pitsata bai jirawa, nakofünüta pena jjatatsi yajawünü jawa pe pitsata bijirabi jawata woyofua belia. ¹⁶ Bajara powa jjaniawaeta buata a ta pe patsi jawa belia pamona piaja booya berena. ¹⁷ Bajara powa tsibaiba pamona jawabelia: "Ponü kapatame Hebreonü wajjaitsi jawa berena, bajara ponü junua tane kenetsia tainejja. ¹⁸ Nejjata jjanü wawa janü , bajara jota pitsata bajirawa pena jjatatsi jawa jjüabata baijirawa woyofua belia." ¹⁹ Nejjata, Itsa bajara jjua pamona juetane piajawa patsipaebi jawatsi: "Bajara jjua ne itsi pekato nakuene binü, "Nejjata bajara ponü anaiapa. ²⁰ Nejjata José waetabatsi pe etsi nejjatsi, penanekonitsiwi reynü pe jitsipae kuenia. bajara jota na etatsi. ²¹ Itsiata DIOSO yajawatsi José bajara jjuata tsiata jjanepatsi jjua itsi tsabaibi. Bajara ponü pejjania kuene to itsi peya ewetsinü pena nekonitsiwi. ²² Nejjta bajara ponü peya ewetsinü pena nekonitsiwi tsi kopata jose pe ewetsi nejja pena nekonitsiwi. Nejjta José ya eweta dajjita pena nekotsiwi bajara jota. ²³ Peya ewetsinü pe enaiwi apo jamatabü büjai pe tsi Kobe kopatsi kujinae, tsipaji bajara ponü DIOSO yajatsi bajara ponü. Dajjita jjüa itsi tsabaibi jjanepana DIOSO pe jamatabü kuene.