¹ Bajara pakujinae Judá pijamonae wekua natsata adulamitawita, Hira pijanakua jawata. ² Bajara jota nejjata tane peejanawa pejjunatoyo Sau wününü cananeonü. Nejjata pita bajara powa barü majita bajara powa. ³ Bajara jjua kujinae bajara powa nakojjita ejjana pebinüyo. Bajara ponüyo pewünü Er. ⁴ Péejana kuenia ikatsia bajara powa ejjana itsa nüyo. bajara powa wünü ruta Onán. ⁵ Bajara jjua kujinae ikatsia ejjana itsa nüyo bajara ponüyo pewünü Sela. bajara powa ejjana Quezib bajata. ⁶ Judá to namatajjüna petiriwa Er, pijawa nejja matapijinü. Bajara powa pewünü Tamar. ⁷ Er, judá pejjunato matapijnü, abeje Dioso pitabünewa.Nejjata ajibi ejjanatsi. ⁸ Judá nejjata jumaitsi Onán jawabelia: ''Barü majire ne matapijinümi pijawami. be nijawa kuenia nejji ne jjainai nejja nemata pijinü pewünüta. " ⁹ Onán baja yapütane apo pejjunato nakueto jawa. nejjata itsa barü majitabiaba bajara powa,pija pebi jawa irabelia jjuaba biaba, pekojjitsi yaniwa. ¹⁰ Bajara jjua ikatsia Dioso tsita abejetsi, nejjata ikatsia bajara pakuenia ajibi ejjnatsi ¹¹ Ikatsia nejjata judá jumaitsi' pekopena Tamar jawabelia: '' Abajju pona ponare amona peka wekua tüpai kujinae ajja pija bota, abajjua tajünato Sela pewitsabi jawabelia tsipaji bajara ponü kakujunawa pejjunato ''pe to töpaijawatsi be pematapijiwi kuenia" nejjata Tamar pona pajja pijabo yabelia ¹² Ayai bejjua kujinae, Saú pejjunatoyo tüpa Judá pijawami. wü najamatabü jjaina, nejjata bajara jjua kujinae pona timnat nakua jawabelia itsa jota jinawanapa pena kaukubiwi oveja, itsa jota peyapütainü ponapona adulamitanü. ¹³ Nejjata Tamar tsipaebatsi:" peponaijawa pajjuyo Timnat jawabelia pena jjünainejja piaja oveja. " ¹⁴ Nejjata bajara powa najonota pejuma pona ponaijawa bajara jjua kujinae pepanata na itabara akata. nejjata bajara powa ewetekajopa Enai baupata, pe ekai tomarayo Timnat namuto mujjuneneta tsipaji bajara powa baja yapütane Sela penaweretsijawa itsiata apo rajutsitsi pamona nejja bajara powa. ¹⁵ Judá tane petiriwa, jamatabü jumaitsi saya meta powa je pena kanajitsiwa je tsipaji apo yapütai bajara powa naitabara akata. ¹⁶ Nejjata bajara ponü itajjutua toketa jopa bajara powa: nejjata bajara ponü natsimajjü junata pe barü majitsinejja" tsipaji bajara ponü apo yapütai pekopenayo jawa."¿nejjata bajara powa jumaitsi dejjua ne rajutsipame itsa ne barü majitame?" ¹⁷ Barjara ponü jumaitsi: " Kato itorobianatsi cabranakueto." bajara powa jumaitsi: nejjata neto puenere nekobe kowü jawa ne jjania jai kuene tayapütainejja?'' ¹⁸ Bajara ponü jumaitsi:" Detsa jjua jitsipame takato puenetsi jawa? Bajara powa jumaitsi :" nija sello nija mauto yajawa jitsipajü nija naebo." Bajara ponü je jai nejjata yajawa majita bajara pakuenia nejjta bajara powa nakjjita. ¹⁹ ua kujinae bajara powa najonota pena itabara akatsi pana. bajara jjua kujinae pona. ²⁰ Judá to itoroba peejana cabranakueto peyapütai nüta Adulamitanüta peto kanawiatsi nejjatsi pekobe kuwüjji, baitsi jane apo namatajjunai. ²¹ Nejjata bajara ponü Adulamitanü yanijoba pebi jiwita bajara panakua pijiwita: "¿Pajjamü apo pa taimü pena kanajitsiwa powa ekabiaba Enaim namuto mujjuneneta?" Bajara pamonae jumaitsitsi Ajibi jota je, bajara pitsiwa. " ²² Bajara ponü nejjata nawiata tsipaeba judáta: "Apo tainü bajara powa. Netsipaeba bajara panakua pijiwi: ' ajibi kajena bajara pitsiwa ma jotaje. "' ²³ Judá jumaitsi: " jema baja kanakopatsi bajara jjua, waja nakawünü kaponai yaniva beje. JJanü baja to itorobajü peejana cabra nüyo, itsiata jjamü apo namatajjunaimü. ²⁴ JJua kujinae baja akueyabi pa juametobeje kujinae jume tane Judá: "Tamar ne kopenayo raja naperabü kanajita pebi jawabelia, nejjata baja nakojjita. "Judá nejjata jumaitsi: " paka ponaremena pata juire jota je jai." ²⁵ Nejjata itsa kapatatsi joyofota, bajara powa pajjuyo to najume itoroba. "Ma jjuanüje Pejjainainüje bajara ponü to nakojjitajü. "jai bajara powa : " JJania waetsia kuenia pataima, pa selloje pa maüto je yajawa panaibo." ²⁶ Judá nejjata nakobe kowü yapütane jumaitsi: "Bajara powa pejjania kuene itsi, tsipaji jjanü apo rajutsinü bajara powa tajjunato Sela pamona nejja . "bajara jjua kujinae apo barü majitsi bajara powa ²⁷ jjata itsa Tamar to patsi pe itajütsi nejja,nejjata tsaina najua nakueto beje yakotajina. ²⁸ Nejjata baja naitajütsi jitsia beje kopiya itsa nuyo kobe pitsapa, nejjata majju kütetetsi escarlata hilomaütoyota peye wenonaiwa pe ejjanai wanü jumaitsi ponüyo kopiya pitsapa je. ²⁹ Ikatsia namajjü kajuniya,ikatsi nejjata naitajüta piaya itsanüyo naitajüta. peyawenonaiwa pe ejjanaiwanü jumaitsi: "Depakuenia jjania natsi namuto rutame!" bajara ponüyo wünü ruta Fares. ³⁰ Bajara jjua kujinae itsa nüyo naitajüta pejjainainüyo escarlata maütoyo pekobeta, bajara ponüyo pewünü Zara.