¹ José itoroba boota pe nakuenebinü jumaitsi pakueniaje: "To wünübare pejjai jawa bajara pa pebi jiwi, dajjita baja pe kuene kaüjüpai kueniatsi, to jema yajawa piaja palata piaja doro wüpa wereka. ² To jema yajawa taja kopa, kopa palata jawa, piaja doro wüpa wereka bitso pewüjuato piaja Sakota yajawa piaja palata jjuata komuatsi jitsi piaja pejjai jawa." Nejjata boota pe nakuenebinü itsi pakuenia José jumaitsi. ³ Ajena baja matakabi tsanajerükai, bajara pa pebi jiwi napüjioba, yajawa piaja buronü. ⁴ Itsa baja pitsapa tomara wekua, baitsi Jane bitso apo tajü, José jumaitsi pe nakuenebinü boota: "Nonotapunare, püna ponare bajara pa pebi jiwi itsa pünamatajjuname jumaitsiure: '¿Dejjuaijitsia pabisia kuene pato kanawiatame pejjaia kuene pata to itsi kujinae? ⁵ ¿Ma pa kopataje taja tujjanenü apai biaba bajara pa kopata dajjita kuene kanaüjütabaiba? pajjamü bitso pa ejjaname pabisia kuene."' ⁶ Nejjata pü bara pona pü natama jjüna jumaitsi bajara pa liwaisi bajara pamonae jawabelia. ⁷ Nejjata jume pita bajara pamonae bajara ponü: "¿Dejjuajitsia pataja tujjanenü bajara pakuenia pane jumaitsi? tajü jamtabü pona pajjanü bajara pitsi kuene apo pana jamatabü jjainainü pata itsi nejja. ⁸ Taima, Pa palata pana namatajjünajü pataja sako wüpa jawata, pajjanü paka najetarübenajü peejana kuenia pajjamü nejja Canaan ira berena kujinae. Nejjata, ¿De pakuenia pajjanü itsa kuene jawa be pa pitajü plata jawanü orojawanü ata patajatujjanenü piaja boota? ⁹ Baja pa piaja jiwinü nejjata pa jiwiyo itsa to namatajjünatsi palata, pa kopatsianajü pe tüpai nejja, pata nakopatsiwi pato nakunebianajü amoneya pataja tujjanenü nejja." ¹⁰ Penakuenebinü boota, jumaitsi "nejjata baja bajara pakuenia tsane pakuenia pa jumatsimü. Ponü baja to namatajjunainatsi kopa jawa nejja amoneya penakuenebinü tsane, itsamonai baja anekonijibi tsane." ¹¹ Nejjata kai pebi kanakujitsia bepijiayo jeba piaja sakuanü irata, bajara jjüa kujinae kai pebi kanakujitsia wü isika piaja sakuanü. ¹² Boota pe nakuenebiabinü jaita. tajjujjuaba matapijinüta pe jaitsi jawa ata juyapijinü jawabelia, namatajjuna kopa Benjamin piaja sakota. ¹³ Nejjata, bajara pamonae pena jjatabi jawa namipa titika. Kai pebi kanakujitsia kapona piaja buronü nawiaba ikatsia tomarabelia. ¹⁴ Juda piaja monae yajawa pona José piaja booyabelia. bajara ponü abajjü bajara jota nüka, bajara pamonae nejjata bobena irataetsi pitabara werena. ¹⁵ José nejjata jumaitsi bajara pamonae jawabelia: "¿Dejjua jjania pa itsimü pajjamü pa itsimü? ¿pajjamü Kajena apo pa yapütaimü janü dajjita kuene ta kanajütsinü?" ¹⁶ Juda jumaitsi: "¿De pakuenia paka jume kanawiatsipatsi taja tujjanenü? ¿Dejjua be jumaitsinü? ¿Apo pa yaütainü pakuenia pa jjaniajanü tsipae pataja kueneta? Dioso pane yapütai ejjana pataja nekonimi. taima, pajjanü baja amoneya pakato nakuenebinatsi; pakuenia ponü, jawata jawata kopa pa namatajjüname:" ¹⁷ José jumaitsi: "ajibi raja bajara jjua ra apo itsinü tsane. Ponü taja kopa Kobe kowü namatajjunatsi, bajara pa jiwi raja amoneya tane to nakuenebinü tsane, pijinia baja itsamonai, pa ponare jumatejema ajja jawabelia." ¹⁸ Nejjata Juda na imojjoyota bajara ponü jawabelia pe jumaitsinejja: Taja tujjanenü, abajjü itsiata ne kopare taka jumaitsinejja be muetsia kuenia taja tujatujjane nümü, itsiata pütsa ne amüjjüji tsibimü tsipaji Ka kuene kaüjüpa tane ne nekonitsi nejjamü tsipaji jjamü be Faraonmü. ¹⁹ Taja tujjanenümü pane yanyanijobame panija jiwinü, jumaitsimü: '¿Pajjamü tsaja pajjainame panija ajja ata yajawa anijiyapijinü?' ²⁰ Pajjanü bajara jjüa paka tsipaebatsi pataja tujjanenümü: 'pajjanü pa jjainajü patajja, pebi perunüyo, yajawa pejewajjinü penaijjanainü patajja baja itsa bitso nawereta. Baitsi Jane itsanü apo asü, baja kanü nakopata pena pejjunatoniyo, nejjata bitso patajja asiwa.' ²¹ Nejjata jjamü jumaitsimü nija jiwi jawabelia: 'Paneto kaponaremena ta tai nejja.' ²² Bajara jjüa kujinae, pajjanü paka jumaitsitsi taja yujjanenü: bajara ponüyo pajja apo kopatsi jitsipai. Tsipaji itsa bajara ponü kopata patajja, nejjata patajja tüpaijitsipa.' ²³ Nejjata jjamü jumaitsimü nija jiwi jawabelia: "Itsa apo payajawa najetarü beneiname panijiyapijinü pajjamüta, Kajena apo pa naitabara taimü tsane.' ²⁴ Nejjata pakujinae pa nawiaba ponaliajü patajja jawabelia, pa tsipaibajü ne jume liwaisi. ²⁵ Patajja jumaitsi: "Pa ponare ikatsia , Pane komuakawi pejjai jawa.' ²⁶ Nejjata pajjanü pa jumaitsinü: 'Apo be pa ponainü. Pataja yapijinü nejewa pajjanü, ikatsia nejjata pajjanü paponainajü, tsipaji pajjanü pane to akuenebi pata itabara Tai jawa bajara pa pebi matapania baja itsa pa barü pona pataja yapijinü pajjanüta.' ²⁷ Patajja pane jumaitsi: "Pajjamü payapütaneme tajawa tane rajutsi jawa anija nüyo beje. ²⁸ Kaenü baja ne wekua pona jjanü janü jai: 'Meta baja jjanetsi, jjanü baja apo tainü bajara jjüa kujinae." ²⁹ Ikatsia itsa pajjamü pane wekua kaponame ponüyoje ika itsa pabisia kuene kaujüpatsi de pa itsimü tsipai, pajjamü meta nejjata pane ya pinali bijiobi muthutsipame.' ³⁰ Tsipaji, baja, pakujinae jjanü tajja jawabelia itsa pa patajü pejewajjinü nejewa, baja Kajena najamatabü jüpa beje pejjünato beje, ³¹ Itsa baja tane bajara ponü itsa apo pa yajawanü, bajara ponü thupaina. Nejjata kato kaponaina ü pemata pinali patajja itsa tüpa najamatabü jjainaya müthüabelia. ³² Tsipaji jjanü bajara ta ewetsinejja tajjata jumaitsinü, jumaitsinü tajja jawabelia: 'Itsa jjanü apo kanawiatsinü tsane, nejjata jjanü netsi juma jokaina dajjita bajara pa nekoni dajjita matakabi jawabelia.' ³³ Bajara jjüata, ajena konojjae ka jumaitsitsi, tana kopatsi nejja jjanü amoneya takato nakuenebi nejja taja juyapijinü pe kowüta, nejjata ne kopatsi nejja pe ponai nejja pematapijiwita. ³⁴ Tsipaji, ¿Nejjata dejjua ü jjanü lianü tsipai itsa apo yawajanü tajayapijinü jjanüta? junawajü ta Tai jawa pabisia kuene pe kaüjüpai jawatsi tajja."