¹ Nejjata baja Itajjo irra yajawa werreta, dajjita kuene pe jinawonopaiwi ata. ² Siete (7) matakabita DIOSO baja kopia ruta penakuenebi jawa jjua bajarra ponü itsi, nejjata bajarra pakuenia nakujirro eweta siete (7) matakabita dajjita penakuenebi jawa wekua. ³ DIOSO pejjania kuenia tane bajarra apa siete (7)matakabi pejjania kueneta tsata pejjania kuene nejja, tsipaji bajarra jota nakujirru ewewta dajjita penakuenebi kujinai bajarra jjua pe itsi jawa jjae. ⁴ Ma jjua itsi pakujinai itsi itabojjo irra yajawa, pakujinai nakueneba, pa matakabi waja TUJJANENÜ DIOSOS itsi irra itabojjo beje. ⁵ Itsa kuene ponato ata kajena ajibi woyofota ma pa irrataje, itsa kuene naimajjürrana apo juwi abajju, tsipaji waja TUJJANENÜ DIOSO apo ema ejjanai irrata, tsiapaji ajibi pebi pe ubinü irra. ⁶ Baitsi jane itsiata petsujjü pitsapa irra jawa wetsina nejjata bajarra pakuenia tsikababiaba dajjita irra. ⁷ Waja TUJJANENÜ DIOSO itsi ithothiana pebi irra pajumi atsabenomi, pumü ünü üfune penajumali pitsi nejja pe asaünejja, nejjata bajarra pabi naithothiana pebi piasaünü. ⁸ Waja TUJJANENÜ DIOSO uba pejjania pabi Edén tsawenonenia, bajarra jota baja nüta pa pebi nakueneba ponü itsi jjania waitsia. ⁹ Pa irrata waja TUJJANENÜ DIOSO juwi ejjana dajjita kuene wirria naijawanü ponainü waja pejjania itajjuto jitsipainainü waja pejjania kui jjainainü ata. Ma ponai beje ata tutujuta nuka beje, ponai peyapütainai pejjania kuene pabisia kuene ata. ¹⁰ Kai mene pitsapa Edén pabi pe irra kainejebi ejjanai nejja. Bajarra jota kujinai natsana cuatro (4) pa mene naitothiana. ¹¹ Kopiaya mene pewünü Pisón. Pa mene najetarruka Havila irra jawa, itsa jota navita oro. ¹² Bajarra pa oro bitso pejjania wirria bajarra pa irra pijijawa. Bedelio jawa ata apajjayo onice ibo wünü ata. ¹³ Itsa mene pijini pewünü Gihón. bajarra pa mene pijinia nawota najetarruka Cus irra jawa. ¹⁴ Akueyabi mene pijinia pe wünü Tigris, bajarra pa mene pijinia nawota Asiria nakua jawaberreka. Pijinia itsa mene majjürna pijinia pewünü Eufarte. ¹⁵ PETUJJANENÜ DIOSO nejjata pita nuta bajarra pa pabi jawata penakuenebi nejja pe jjaniawaitsi nejja. ¹⁶ PETUJJANENÜ DIOSO itorroba bajarra jota penütsi pebi, najume kopatsiaya: ''Dajjita ma pa naikui wirriaje jjanepana ne jjainejja jumatejema. ¹⁷ Batsi jane pütsa jjaneme panai kuito peyapütai nai pe jjanepanai jawa pabisia jawa ata, tsipaji pa matakabi itsa jjaneme bajarra pa naikuito jawa, jjamü bajrra pakujinain tüpainame.'' ¹⁸ Nejjata waja TUJJANENAÜ DIOSO jumaitsi: ''Apo jjanepanai pebi kainü pe ponaponai jawa. JJnaü to itsinü tsane peyawenonai nejjatsi pejjania kueia bajarra ponü nejja.'' ¹⁹ Irrata jawata PETUJJANENÜ DIOSO itothiana kai dajubi kanakujitsia woyofo jawata bajarra pakuenia ata itsi pe pünaiwi atjubüyo. Nejjata Bajarra ponü to karrena pebi jawaberrena pe tai nejja pakuenia waünü ruba. Pakueneta bajarra pa pebi wünü ruba kai pe asaü kanakijitsia, bajarra pakuenia baja nejjata pe wünüanü. ²⁰ Pebi wünü ruba dajjita bakanü, dajjita pa barratsui pe pünaiwi atjubüyo, dajjita yajawa piayaiwi nakua pijiwi. Baitsi jane pebi apo namatajjunai peyawenonai nejjatsi pejjania kuenia bajarra ponü nejja. ²¹ PETUJJANENÜ DIOSO itamajitsi panai ejjana ayakuenia pebi jawabelia, nejjata bajarra pakuenia pebi majita. PETUJJANENÜ DIOSO nejjata yajawünü yenesito pita bajarra jjua kujinai ikatsia nakütsi ejjana pe jutsi jawata peyenesito. ²² Pa yenesito juta pebi jawata waja TUJJANENÜ DIOSO, bajarra ponü itsi petirrwa nejjata bajarra jjua kujinai to karrena pebi jawaberrena. ²³ Nejjata pebi jumaitsi: ''Ma jjuataje powaje tayajawünü sitowa, tawito yajawünüwa, nejjata bajarra powa wünü rutsianajü 'petirriwa' tsipaji bajarrapowa pitsapa pebi jawa werrena.'' ²⁴ Bajarra jjuata, pebi wekua natijjitsiana pajja wekua pena wekua ata, pe ukue nejja piajawa, nejjata bajarra pa jiwi beje kaiwto beje tsane. ²⁵ Abajju bajarra pajiwi beje jumasa ponapona beje , pebi piajawa beje, itsiata apo naitajjutua aurra beje.