¹ Kopieya matakabi Dioso itsi itabojjo yajawa ira. ² Ira itsakuena apojjenae. Itakiri nakua irajawata itasa dajjita. Dioso pe jamatabukuene saya nuka najenaejaeba mera jawata. ³ Dioso jumeitsi: "Matakabi tsane", nejjata matakabi tsatabi. ⁴ Dioso matakabi tane, pejjania kuene. Nejjata tsata matakabi merewi wekua. ⁵ Dioso penaitayotarukaejawa wunuruta "matakabi", pe itakirijawa wunuruta "merewi." Nejjata pamatakabi yajawa pamerewi, kae matakabi. ⁶ Dioso jumeitsi: "Dajjita mera nakaetuota rukaena merajawata, petsatsinejja mera wekua mera." ⁷ Dioso itsi pakuenia meranakuatsia yajawa tsata mera ira pijira itabojjo wekua atjubupijirtsia. Pakuenia itsi. ⁸ Dioso wurunuta atjuboyo "itabojo." Nejjata pamatakabi kaniwiyo yajawa bajaya, najua matakabibeje. ⁹ Dioso jumeitsi: "Ira pijira itaboyo wekua nakaetuotsiena kae kowuta, pena itajutsínejja petsewi ira." Bajara pakuenia itsi. ¹⁰ Dioso wunu ruta petsewijawa "ira," penakaetuotekae mera bajara ponu wunuruta "manuamene." Bajara ponu tane pejjanepanaejawa. ¹¹ Dioso jumeitsi: "Juwiena irajawata poona: pekuei naenu yajawa pejjaekuei pejjeinaenu tsipaji pekuei tunajjujawa rukaena, pieja wiria kanakuijitsia natsitaeponaena." Bajara pakuenia itsi. ¹² Ira wetsina pitsapa ponato, pekuei pejjeinae ponato pitsapa penajupae pona pitsapa, yajawa naejawanu pitsapeina pekuei petunajjutota rubena, bajara pakuenia penajupaene pitsapeina pieja wiria kuenia. Dioso tane pejjanepanaejawa. ¹³ Pakuenia kaniwiyo yajawa bajayakunua, akueyabi matakabi. ¹⁴ Dioso jumeitsi: "Peitayotsinejja itabojjotatsia rukaenabeje petsitaenejja matakabi merewi weka peitajutsinejja, pieja matakabi kanakuijitsia, matakabijebi yajawa weijebi. ¹⁵ Majjuobeje rukaena itabojjota peitayotsinejja iranakua." Bajara pakuenia itsi. ¹⁶ Dioso itsi penaitayotarukae jawabeje, ayei potojjaneto matakabi nejja yajawa tsikiripotoyo merewi nejja. Bajara ponu yajawa itsi tutuputonu. ¹⁷ Dioso rubajeba itabojjojawata ira pe itayotsinejja, ¹⁸ pe ewetsinejja matakabita yajawa merewi, yajawa petsatsinejja matakabi merewi wekua. Dioso tane pejjania kuene. ¹⁹ Majjua kainiwiyo yajawa merewi, penayanatsi matakabi. ²⁰ Dioso jumeitsi: "Pawunukare merajawata ayei kuenia dajjita wiria, yajawa dajjita wiria pe mienana jjeinawi pe punaenejja ira jawata itabojjotatsia. ²¹ Dioso itsi piniji wiria manua menejawata perubenaewi, bajara pakuijiruta pe asouwiria itsi taepona, bajara pawiria natijjitarubena yajawa wunubapona mene jawajjiya dajjita nakuota, yajawa dajjita pemienana pejjeinawi tsi taepona. Dioso tane pe jjanepanaejawa. ²² Dioso pejjania kueneta jumeitsi: "Pa jjeinaponaename pa ayeibitsouto jitsiemu, manuamene panewunutsinejja. Pe korophe juwivi ayeibitsoutolsane ira nakuota." ²³ Bajarata jota kaniwiyo yajawa bajaya, kae kobe matakabi. ^{24 25} Dioso jumeitsi: "Ira wetsina pitsapaena dajubi pe asowi, natsi tae ponaena pieja wiria kanakuijitsia, baka, pena irabiwi, yajawa pe ayeiwi ira pijiwi, tsipaji kae wiria kanakuijitsia." Bajara pakuenia itsi. Dioso itsi pe ayewi ira pijiwi pieja wiria kanakujitsia, baka pieja wiria kanakuijitsia, yajawa dajjita pe na irabiwi ira matatsunua pieja wiria kana kuijitsia. Bajara ponu tane pejjania kuene jawa. ²⁶ Dioso jumeitsi: "Isitsanetsi jiwitonu naka jupaena, be wajjeitsitsane. Pa kopatsiename pe najjeinayabinejja dujuey wiria menejawata, pe punaewi itabojjotatsia, baka wiria yajawa, ira nakuata, yajawa dajjita wiria irata pe jinonopaewi pe irabiwi." ²⁷ Dioso itsi jiwitonu pe natae kueneta. Pakuenia itsi nakatane bajara ponu itsi. Pebi yajawa petiriwa bajara ponu itsi. ²⁸ Dioso pejjania kueneta bendicieba yajawa jumeitsi: "Panejji pa jjeinaename, yajawa ayeikueneta. Ira pa wunutsiename, pa itorobiename. Pana jjeinayabiename dujei manuamene jawata, pe punaewi itabojjo pijiwi, yajawa ayeikuene pe jinonopaewi pejinarutsiwi ira jawata." ²⁹ Dioso jumeitsi: "Pataema, paka rajutatsi dajjita naejawanu naekuey pejjeinae jawa ira mata tsunuta penubenae naenu, yajawa dajjita panaae pekuei pe tunajjutota rubena paka rajutatsi. Bajara panaenu paka abatsiena pajjamubeje. ³⁰ Kae bestia kanakuijitsia ira pijiwi, pe punaewi kanakuijitsia itabojjo pijiwi, yajawa dajjita kuijiru ira jawata pena irabini ponaewi, yajawa dajjita wiria pe asou nejetarukaewi, jjanu rajatajü dajjita pe rounae nainu pejjae nejja." Bajara pakuenia itsi. ³¹ Dioso tane dajjita pe itsi jawa. Pa taema, bitso jjanepana. Bajara jjua kaniwiyo yajawa bajaya, kae kobe yajawa kae kobesito.