¹ Bajarra jjua, kujinai Sarai, Abram piajawa, apo to nakojjitsitsi bajarra ponü, baitsi jane itsiata bajarra powa jjaina peto nakuenebiwatsi, Egipciowa, bajarra powa pewü Agar. ² Nejjata Sarai jumaitsi Abraham jawabelia: ''Taima, waja TUJJANENÜ ne tsipaiba apo ta jjainai nejja tajji. Ponarre baja ne barru majitsi nejja taja pianiwa. Bajarra pakuenia baja itsiata jjanainajü tajji bajarra powata.'' Abram nejjata jume kowünü piajawa Sarai. ³ Bajarra jjuanitsi Abaram pe ponaponai kujinai diez (10) pa wai beje Canaán irrataS arai, piajawa Abram, rajuta Agar egipciowa pamona jawabelia, pe ponaponai nejja be pijawa kuenia. ⁴ Nejjata bajarra ponü barru majita Agar, nejjata itsa bajarra powa tane penakojjitsi jawa, bijiata tane piaja tujjanewa. ⁵ Nejjata Sarai jumaitsi Abram jawabelia: ''Ma pa pabisia kueneje jjanü ta jamatabü kuene yabarra, JJanü katsi majju karrajutatsi taneto nakuenebiwa nejjata baja pakujinai tane penakojjitsi jawa, nejjata baja saya pabisia kuenia ne naükota nitabü nejewa. Nejjata baja waja TUJJANENÜ nejja baja jumaitsi tsane itsa baja jjanü nanekotajü bajarra jjua yabarra itsa jume baja jjamü nejjata nanekonitsianame.'' ⁶ Baitsi jane Abram jumaitsi Sarai jawabelia: ''taima jotaje, jjamü baja kakuene kaüjüpa nitorrobi nejja nija pianiwa, itsamürre jjua siwa najamtabü jjainame.'' Nejjata baja Sarai pabisia ayai jamatabü kueneta itorroba belia baja kobejjai ponatsi itsa jawabelia. ⁷ PETUJJANENÜ piji Angelenü namatajjunatsi merra matathaibü jawata petsewi tusato jawata, pa matathaibü eka Shur namuto jawabelia. ⁸ Bajarra ponü jumaitsi: ''Agar, Sarai piaja pianiwamü, ¿De werrena poname debelia poname?'' Nejjata bajarra powa jumaitsi: ''JJanü wekua najitabijirri bajü taja tujjanewa Sarai.'' ⁹ PETUJJANENÜ piaja Angelenü jumaitsitsi: ''Nawiarre nija tujjanewa jawabelia jume kowünürre jjua dajjiata peka itorrobi jawa.'' ¹⁰ Nejjata PETUJJANENÜ piaja angelenü bajarra jjua jumaitsi: ''kato ayaibitsaüto tsane jjamü nijamonai, apo matajütsi kapanepai kuenia.'' ¹¹ PETUJJANENÜ piaja angelenü ata jumaitsi bajarra powa jawabelia: ''taima, jjamü raja nakojjitame, pebinüyo raja ejjanainame, pe wünü tsane Isamel, tsipaji waja TUJJANENÜ kajumetane nejumaitsi jawa ne jamatabü jjainai jawata. ¹² Bajarra ponü raja be burro tsane penajjuabinü tsane ata. Bajarra ponü pekueyanü tsane dajjita pebijiwi bajarra pakuenia dajjita pebijiwi pekueyawi tsane bajarra ponü; natsatsia tajü wekua ponaponaina pijamonai.'' ¹³ Nejjta bajarra powa wünü rajuta PETUJJANENÜ jawabelia ponü barru kuikuijaitsi bajarra powa: '' JJamü DIOSOMÜ dajjita ne taneme,'' tsipaji bajarra powa jumaitsi:'' ¿JJanü pepo kuene tainajetarrukajü, bajarra ponü tane tai kujinai?'' ¹⁴ Nejjata baja pewünü bajarra pa püka Beer Lajai Roi; pa taima, Eka raja bajarra jjua Cade Beret kanakujitsi jawata. ¹⁵ Agar nejjata ejjana Abram pejjunato nakueto Abram baja nejjata pejjunato wünü ruta, jjua baja Agar jumaitsi, Isamel. ¹⁶ Abaram bajarra pakujinai ochenta y seias (86) pa wai beje pakujinai Agar ejjana ejjana Ismael.