¹ Bajarra jjua kujinai najetarruka PETUJJANENÜ pejume liwaisi Abaram jawaberrena be majitsinaibota, jumaitsitsi: ''¡Pütsa junawame, Abram! JJanü raja taka ya ewetsinü jjamü bitso namatame.'' ² Abram nejjata jumaitsi: ''PETUJJANENÜTA, ¿dejjua nejjata ne rajutsianame, tajane ponaponajü tajji apo jjainai nejewanü, baja tane kowü ewetsinü taja bo ata Eliezer Damasco pijinü?'' ³ Abram jumaitsi: ''Nejjata baja apo tane rajutsi jjaimu taja wirria, taima, tane kowü ewetsinü baja tsinakopatsianatsi dajjita takobekowü.'' ⁴ Nejjata baja, rena waja TUJJANENÜ pejume bajarra ponü jawaberrena, jumaitsitsi: ''bajarra ponü raja apo tsinakopatsi tsanetsi nekobekowü; pa jiwi jjamü ne perrabüto jawa werrena pitsapa bajarra paji raja tsinakoptsianatsi dajjita nekobe kowü.'' ⁵ Nejjata bajarra PONÜ barru pona woyofuabelia, jumaitsi: ''taima athubüa betsia, namatajürre tulupü, itsa ka kuene kaüjüpa ne namatajütsi jawa.'' nejjata bajarra jumaitsitsi: ''Bajarra itsi tsane nijamoanai.'' ⁶ Bajarra ponü jume kowünüta waja TUJJANENÜ, bajarra ponü baja nejjata tai jjanepanatsi pejjaiania kuenia. ⁷ Jumaitsitsi: ''JJANÜ raja PETUUJAANENÜNÜ, ponü kauta Ur jawa werrena Cldeowi wekua, peka rajutsi nejja ma pa irra je ne najjainaibi nejja.'' ⁸ Bjarra ponü jumaitsi: PETUJJANENÜ, ¿depakunia jjanü yapütainajü tana jjainayabi kuene?'' ⁹ Nejjata jumaitsitsi: ''Neto karrenamürre baka pejjaniawa (3) pa wai beje, bajarra pakuenia cabra ata pejjainaiwi (3) pa wai beje, oveja pebito ata bajarra pakuenia ata pejjainainü (3) pa wai beje, pesorrowato ukukuto peéjananü yajawa.'' ¹⁰ Bajarra ponü to karrena dajjita bajarra jjua, to titibiaba najuajawa beje kuenia, jeba na epatajürrutsiaya na matonono jeba, baitsi jane ukukuto beje apo titibiabi. ¹¹ Pakujinai athubü pijiwi pe pünaiwi pata pewi jawa berrena, Abram yorrota. ¹² Nejjata baja pakujina juameto runa najetarruka, Abram itajjutejema majitaba, pa taima, piayai kirrijaibo mata toyorrotatsi. ¹³ Nejjata PETUJJANENÜ jumaitsitsi Abramta: ''yapütaima nija wirria raja be itsa jawa werrena be pe pitsapaiwi tsane apo piaja irrata bajarra pamonai, amoneya nakuenebi ejjanainatsi bijiobi ejjanainatsi cuatro ciento (400) pa wai beje kuenia. ¹⁴ JJANÜ bajarra pa nakua matamatsi ejjanainajü panakua bijiobi ejjanatsi, bajarra jjua kujinai bajarra pamonai pejjania kuenia pitsapaina yajawa pekobekowü. ¹⁵ Baitsi jane jjamü ponainame ajja jawabelia pejjania kuenia, ka müthutsia pejjania kuenia nenawerrtsinümü jawabelia. ¹⁶ Cuatro (4) pa wirria beje kujinai bajarra pamonai nawiabiana berrenaje, tsipaji abajju amorreowi apo to ajitsi piajamatabü beje kuene. ¹⁷ Nejjata baja pakujinai juameto runaya kirrijai baja tsapaonai, taima, Wajji isoto jawalia ruka itayotarruka isoto epato. ¹⁸ Bajarra pa matakabita PETUJJANENÜ najume kopata Abram jawabelia, jumaitsitsi: ''jjamü nija wirria najume kapanepaya, rajutsianajü Egipto mene jawa werrena kujinai ata pepo mene jawabelia, Eufrate jawabelia. ¹⁹ Quenitawi pijinia, bajarra pakuenia cenezeowi, cadmoneowi ata, bajarra pakuenia ata ²⁰ hititawi, ferecowi, refaítawi, ²¹ Amorreowi, cananeowi, gergeseowi jebuseowi ata.''