¹ Nejjata jacob junata pejjí, jumaitsi: ''pana kaituarre, paka jumaitsi jitsiatsijjua jjua pane wajunaya patainame. ² Pana kaituanarre pa jume taima, Jacob pejji. Pa jumetaima Israel, panija ajja. ³ Rubén jjamü raja tajjunatomü matapijinümü, ta jamatabü kuene saü, taja saü kopiaya jawa, pejjania kuenia ne pitsapainü, pejjania saüta. ⁴ Apo jjania rukai be piasaü merra, apo jjainaimütsane kopiaya kuene, tsipaji jjamü poname be bokai jawabelia ajja. Nejjata piabeje kuene ejjaname, jjamü poname ta boy jawabelia. ⁵ Simeón Leví beje nakai pijinü beje. pekana mujjuanitsi ayi kuenia piaja espadata. ⁶ Taja jamatabü kuene apo jone nija liwaisi; pütsa na junuame penakaitutsi jawata, tsipaji ta jamatabü üthüto jjanai ayai jawa pejjania jawa bajarra jjua nejja. Tsipaji pe anaita, bajarra pamonai beyejeba pebijiwi, pekobe jitsipai jjai saya baja bia bakanü wüsi üküba. ⁷ Pe anaipani jawa to pebisi kuene tsanetsi, tsipaji bitso najjatsiyo anaipana, tsipaji ajamatabü kuene beje, JJanaü nawekuan tsatsi ejjanainajü Jacob jawabelia yajawa tsanainajü Israel nakua jawabelia. ⁸ Judá, nijamonai ka barruyataina. Nekobe rukaina ne kueyawi pe kuibositi jawata. Ajja pejji ka jeiyataina jjamü. ⁹ Judá raja be péjana newüthü. Tajjunato, püna pona pe beyajjuabi nejja, bajarra ponü juma natojjorrota, nabüjjü tsutsia be newüthü, be newüthüwa.¿Depajiwiyo kuene kaüjüptsi beyatijjoba? ¹⁰ Cetro raja apo wekua natijjitsi tsanetsi Judá, piaja naibo ata apo wekua pitsapai tsane petajju jawaberreka, ata pe perrena matakabi Siloh. dajjita tomarranü jume yeiyatainatsi. ^{11 12} Küba ponapona piaja burrota trigo jawa, pesorrowatota trigo pekaituatsi jawa, bajarra ponü kiata vino ra jawata pena jjatabi jawanü, piaja kopa baqjarra pakuenia uva ra jawata, wono niojai be pemi upirra.(Levhe) ¹³ Zabulón ponaponaina manua mene itapa jawabelia, Bjarra ponü raja pe ewetsinü bajarra patajjuanai pe patsiwi barcota, piaja irra kopi rukaina taju ata Sidón jawbelia. ¹⁴ Isacara raja pia saü burro, bokabia pona pe kaituatsi jawata. ¹⁵ Bajarra ponü tsipaji tane pejjania tajjuani pena kuerro ewetsi nejja pejjania irra jawata. Bajarra ponü najuma tojjorrotsiana pena kuenebi yabarra pejota ponaponai jawa. ¹⁶ Dan nanekonitsi ejjaniana piaja jiwi be Israel piji kuenia. ¹⁷ Dan be jomo namuto pijinü tsane, pakuenia jomo piayainü pe sininü kabayonü petajjuanü, bajarra pakuenia pe otjopai nejja pe pünüyaberreka. ¹⁸ JJanü jitsapajü tane yawenai jawamü, taja TUJJANENÜ. ¹⁹ Gaad, benatsi kabayota pejina wanapaiwi, itsiata baitsi jane bajarra ponü namatamota petajju salibüta konita. ²⁰ Aser piaja pejjai jawa bitso jjanepana, tsipaji pejjane pania kueneta itsi. ²¹ Neftalí raja pejjania kuenia pe ponaponainübe ovebi, bajarra ponü jainaina peéjana owebi nakuetoyo. ²² José raja kuene jüpa pena kuitsi majjürrana, pa majjürrana bitso ba nakuita mene itapata, jjua ba juna petorrotuatsia. ²³ Bitsabiananüta barru nabetsi tsi bijjabajarra bianatsi ka itarropi bianatsi. ²⁴ Baitsi jane itsiata piaja bitsabianü akujurru saü tsane, pekonü pekobe tsaweno nenia pijinia Jacob pesaü, tsipaji pe ewetsinü wünü jüpa Pastor, Isarael piji iboto. ²⁵ Ajja pijiwimi piaja DIOSO kayawenonaina, pejjania kuene saünü DIOSO pejjania kuene ka rajutsiana athubüpiajawa, jawa dajjita pejjania kuene irra bujjupana piajawa, pejjania kuene pemi upirranü yajawa pekototo jjua ba nakojjita. ²⁶ Piaja pejjania kuene ajja bitso piniji jawa kuenia pejjania jawa matatojjenetsia unu tirribo matatojjentsia petsutonü. Bajarra jjuanü rubena pemata bokotota José, bajarra pakuenia be tsimata rukatsi pijiyapijnü paiaja koronata. ²⁷ BenjamÍn raja be awirri kuene jüpa ponü bitso pa pijani. Bajayakanua baja ba beyajjua jjane aya jawa, kaniwiyo baja tsanaina peyawünü nakopatsi jawa. ²⁸ Marra Israel piaja doce pa wirria beje. Ma jjua pajja jumaitsitsi pakujinai pejjania jumaitsitsi. kaijiwi kanakujitsia tsipaiba yapütai kuenia. ²⁹ Nejjata kujarruba jumaitsi: ''jematsia ponainajü tamonai piaja tomarra jawabelia. pane müthütsianame tawaünai pijiwi jawatajjua boka efrón tusato jawata Hititawiw jawata, ³⁰ Pa wajü boka Macpela tusato jawata, Mamre imojjoyo jawata Canaán irrata, jjua baja Abraham komuata Efrónta hititanü jumatejema pena muthükai nejja. ³¹ Bajarra jota müthütatsi Abrahan pe ukuewa Sara, ata; bajarra jota ata müthüta Isaac piajawa pijawa Rebeca; jjanü ata bajarra jota müthütajü ta ukue wami Lea. ³² Woyofota pa wajü boka bajarra jjua pa komutajü Het piaja jiwi jawabelia.'' ³³ Nejjata baja pakujinai baja Jacob najume werreta pe kujarrubi jawa dajjita pejji, natajju robotsia pe bokai jawata. pejjania kuenia najumali pita pe kotokaiwi jawa, nejjata baja pona piaja monai jawabelia.