¹ Nejjata josé bitso jamatabü natsonina naitabarra kataita pajja jawabelia, aüaüjai bajarra ponü jjua kujinai itabarra tsutsune, ² José itorroba piaja jiwi pe yapütawi peto perrabü ejjabinejjatsi pe tsapatota pajja. Nejjata bajarra pakuenia Israel perrabü ejjabatsi. ³ Bajarra pamonai cuarenta pa matabi beje tsata ü bajarra jjua nejja, tsipaji baja bajarra pa epatota kuene kaüjüpatsi pe perrabü ejjabi nejja. ⁴ Itsa baja kopia ruka jopa pemata nueyabi matakabi, José barrü kukuijaiFaraón peto nakuenibiwitsi jawabelia, jumaitsi: ''Itsiata kaitajjutua namata wenonatsi, itsiata baja Faraon jawabelia pa jumaitsimürre: ⁵ Tajja nena jume kapanepai ejjana ne jumaitsi pakueniaje: ''pataima, üta tüpai nejja rabaja. pane müthütsianame taja müthüta Canaán irrata. Bajarra jota pajjamü pane müthütsianame''. Nejjata, baja apane koparre ta ponai nejja ta müthütsi nejja tajja, bajarra jjua kujinai baja nawiatsianajü.'' ⁶ Faraón jume pita: ''jumatejema müthürre ajja, pakuenia baja kanajume kapai ejjana.'' ⁷ José nejjata pona pajja pe müthütsi nejja. Dajjita wajabitsau tujjanewi yajawa dajjita peyeiyataiwitsi Faraón piaja jiwi bajarra ponü püna ponatsi, piajabo pojiwi ata pamonai ba pe yeiyataiwitsi, bajarra pakuenia ata dajjita irra Egipto piji wajabitsaü yajawa. ⁸ Dajjita piajabo pijiwi ata josé yajawa baja pematapijiwi, bajarra pakuenia dajjita pajja piajabowi ata. Baitsi jane pejji nakopaba, bajarra pakuenia dajjita piaja ovejanü piaja bakanü nakopaba Gosén irrata. ⁹ Wajabitsaü karruanü kabayonü bitsaütonü ata na pona bajarra ponü pe püta. Kaijawata baja pepo piniji jiwibitsaüto. ¹⁰ Pkujinai pata pe irra katitsi jawatalia Atad Jordán itsapanabelia, bajarra pamonai jamatabü natsonina bitso tsiatanetsi ayai kueneta majatabüjjaina. Bajarra jota José matanueyaba pajja siete pa matakabi beje. ¹¹ Nejjata bajarra pa irrata pe jinawonopaiwi, cananeowi, na matanua otjoparrena Atad irra pijiwi, bajarra pamonai jumaitsi: ''ma jjua bitso pena jamatabü jjaianai kuene Egipciowije.'' bajarra jjuata bajarra pa pajjünai pewünü Abel Mizraim, bajarra jjua raja boka Jordán pe pünü jawabelia. ¹² Pe jitsipai kuenia baja to itsitsi Jacob pejji pakuenia baja kujarruba. ¹³ Pejji baja kajinawonopatsi Canaán irratabelia pe müthütsi nejjatsi Macpela wajüwoyofo jawata, imojjoyo jawata Mamre tomarra. itsa jota Abraham komuata pa woyofo jawata pawajü jawata pena müthükai nejja. Bajarra ponü komüata Efrón hitita piaja irrami. ¹⁴ Bajarra jjua kujinai pe müthütsi kujinai pajja, José nawiata Egipto jawa berrena, bajarra, jjua kujinai yajawa nawiata pematabi pijiwi dajjita pamonai püna ponatsi pe müthütsi jawabelia pajja. ¹⁵ Nejjata baja José pematapijiwi pe tai jawata pajja pethüpai jawa, bajarra pamonai na jumaitsi: ''¿Itsa saya José najamatabü jjania waita waja nakato kanawiatsi nejja dajjita jjua pa pabisia kuene waja iytsi jawa bajarra ponü:?'' ¹⁶ Nejjata bajarra pamonai junata pe juyapijinü José bajarra pamonai jawaberrena: ''Wajja raja ka jumaitsi petüpai wajünai jumaitsi ma pakueniaje: ¹⁷ 'Pajumaitsimürre Jjuaje José jawabelia: ''pejjania kuenia itsiata, patane itajjuto tsonia tai nejjamü jjua pabusia kuene paka itsitsi yajawa jjua dajjita pabisia kuene pata itsi jawa pajjanü.'' Nejjata, itsiata pejjania kuenia, pane itajjuto tsonia taima, pajjanü pa piajajiwinü wajja paiaja DIOSO.'' José nua pejume tai jawata bajarra jjua. ¹⁸ Pemata pijiwi kujibatsi nubena irrataitsia pewajunai werrena. Bajarra pamonai jumaitsi: ''Taima, dajjiata pajjanü pakato panija pianiwitsi.'' ¹⁹ José baitsi jane jume pita: ''pütsa pa junawame. ¿DIOSO tsaja nejjata jjanü nukajü? ²⁰ Pajjamü baja pijinia, pajjamü pabisia kuene pane siwa najamatabü jjainame, baitsi jane paka itorroba DIOSO pejjania kuene nejja, ta jjaniawaitsi nejja jiwi pe jinawanapai nejja pejjania kuenia, pakuenia baja pataneme ajena. ²¹ Nejjata baja, pütsa pa junawame. JJanü paka rajutsianatsi pajjamü nejjan panejji nejjan ata.'' bajarra ponü pejjania kuenia jumaitsi bajarra pamonai pejjania jamatabü kueneta. ²² José ponapona Egipto jawata, piajamonai yajawa pajja. bajarra ponü ponapona Ciento diez pawai beje. ²³ José tane Efraín pejji pe ata baja pejji bajaqrra pamonai ata pejji tane. Bajarra pakuenia tane ata Maquir pejji, Manasés pejji, pamonai kopabatsi jose pemata bakata jose. penakojjiyabiwi ²⁴ José jumaitsi pematapijiwi jawabelia: ''JJanü rabaja imojjoyo ü tatüpai jawa; itsiata baitsi jane renatsane DIOSO pajjamü jawaberrena paka mata kaponaina pa irra wekuaje pa irrabelia to najume kopata rajutsia paiba Abraham, Isaac Jacob ata.'' ²⁵ Nejjata baja José najume kapanepai ejjana dajjita bajarra pamonai. Bajarra ponü jumaitsi: ''DIOSO paka siwa najetarrukaina pajjamü jawa berrena. Bajarra pa matakabi kujinai pajjamü panesi kaponainame jjota kujinaije.'' ²⁶ Bajarra jjua kujinai José tüpa, 110 pawai beje pejjainai jawata. Bajajarra pamonai perrabü ejjabi buata ataúd kajata Egipto nakuajawata.