¹ Bajara jjua kujinae nejjata ikatsia, itsa jiwiyo José tsipaibatsi: ''Ajja raja ma domaibatsi je.'' nejjata pita José pejjunato beje, Manasés yajawa Efrain. ² Nejjata itsa Jacob tsipaebatsi: ''Taima , ne jjunato raja najetarüka peka tae nejja,'' Baja nejjata Jacob nasaüta jjuaba namatakoteka pe bokai matatsunüta. ³ Jacob jumaitsi José jawabelia: ''Dioso dajjita kueneta piaüsaünü netsita naitajuta be pe kotia kueneta Canaán iratalia. Bajara ponü ne pejjania kuene ejjana. Yajawa ne jumaitsi: ' ⁴ Jjanü raja ka kobe kowü nawitsi ejjanainatsi, yajawa kato nawitsi ejjanainatsi. Jjanü raja ka ayai bitsaütonü ejjanainatsi tomara jjanetonü ya kaüjupainame. Jjanü raja rajutsianajü ne momojji dajjita matakabi jawabelia nejja tsitekaya kuenia.' ⁵ Baja nejjunato beje , ponü beje naitajüta beje Egipto irata tarena wajünai jjanü jjamü jawa berena Egipto jawa jawata, bajara ponü beje raja ta momo beje. Efrain beje Manasés beje raja ne rajutsianame tsipaji raja tanijü be tajjunato beje, pakuenia Ruben Siemeón beje tajjunato beje. ⁶ Pamonae baja jjainaname jjua kujinae bajara pamonai kato nakopabiana pemata pijiwi pekowüta. ⁷ Baitsi jane jjanü, pakujinae renanü Padán jawa werena, jjanü bitso najamatabü jjainajü pakujinae najjuaba Raquel Cannaán irata namuto epato jawarena, itsa jota abajü tajü epato sajina ta patsi nejja Efrata jawabelia''Bajara jota jjanü müthütajü Efrata namuto epato jawata'' (itsa wünü baja Belen). ⁸ Baja itsa Israel tane José pejji, jumaitsi, ''¿detsa pajiwiyo beje?'' ⁹ José jumaitsi pajja jawabelia: ''Bajara pa jiwiyo beje raja tajjunato beje ponü beje Dioso ne rajuta beje jota je.'' Neto imojjoyore beje, jjanü jawaberena, ta tainejja pejjania kuenia.'' ¹⁰ Baja israel apo tae jjania waetsi bitso baja nawereta . Bajara jjuata to imojjoyota, Nejjata baja wüya pita naisa kataita beje yajawa itapa tsutsune beje. ¹¹ Israel nejjata jumaitsi José jawabelia: ''JJanü kajena apo ka najamatabüna pitsitsi taka tai nejja ikatsia, baitsi jane Dioso neto yapüjjane panai ejjana ta ka kojji tae nejja ata.'' ¹² José nejjata isaapita pe jjunato beje pe imojjoyotsi nejja pajja pematabaka jawabelia bajara ponü irataya eka najereka. ¹³ José nejjata waetaba najuanü beje, kobe waitabi ejjana Efraín pe kuja ne nenia pamo Israel pe tsaweno nenia, pijinia bajara pakuenia Manasés pijinia bajara pakuenia kobe waetabi ejjana Israel pe kobe kuja nenia, bajara pakuenia imojjoyotsi ejjana bajara ponü. ¹⁴ Israel namatajjuna pe kobe kuja nenia nejjata nakobe buata Efrain pe mata bokotuabelia, bajara ponü tsipaji baja juyapijinü, baja pijinia bajara pakuenia itsi Manasés jawabelia. Bajara ponü namaJjü epa itajürta tsipaji Manasés baja kajena mata pijinü, ¹⁵ Israel baja nejjata pejjania kuenia naükota José pakuenia jumaitsi je: ''Pa Diosnü barü najetarükatsi tajja Abrahan Isaac ata, pa Dioso jjanü ata ne eweta ata ajena pa matakabi, ¹⁶ Pa Angelenü tane ya ewetsinü pabiasia jawa wekua, bajara ponü beje bajara pakuenia ya ewetsianatsi beje. Baja kajena tawünü ponponaina beje bajara ponü baje, bajara pakuenia tajja Abrahan Isaac ata. Bajara ponü beje jawa werena ayai bitsaüto pitsapaina jumatejema penaya wiatsi nejja ma pa irata je.'' ¹⁷ Itsa baja José tane pajja pe nakobe buatsi jawa pe kobe kuja nenia Efaraín pe mata bokoto jawabelia, bajara ponü tsita abejetsi, bajara ponü kobe waitaba pajja pe kobe tijjiitsi nejja Efraín wekua Manasés jawabelia. ¹⁸ José jumatsi pajja jawabelia. aji bajara pakuenia jume , ajja; tsiapaji raja ponü je matapijinüje. baja nakobe buare bajara ponü pe mata bokoto jawabelia.'' ¹⁹ Baitsi jane pajja jume jai: ''JJanü baja yapütanijü, tajjunato, jjanü baja yapütanijü. Bajara ponü ata raja jjainaina piaja tomara, bajara ponü ata raja Pinijiyo tsane. Baitsi jane, juya pijinü bitso mata tojjenetsia tsane, bajara pakuenia bajara ponü jawa werenena pitsapina ayaibitsaüto jjanetonü ya kaüjüpaina dajjita nakua jawa.'' ²⁰ Israel bajara pa matakabi pejjania jumeta jumaitsia : '' Israel tomaranü raja pejjania kuenia paka wünü natsipai biana pajjamü beje: ' Dioso baja be Efraín ka itsi be Manasés ata,''' Bajara pakuenia nejjata , Isarel itsi Efraín Manasés wekua. ²¹ Israel jumaitsi Joséta: '' taiama, jjanü rabaja ne to imojjoyo ta tüpai jawa, baitsi jane baja paka yajawa tsane Dioso pajjamü, paka kanawiabiana ajja pijiwi piaja ira belia. ²² JJamü, pakuenia nemata pijiwi wekua , jjanü ka rajutsianatsi ünü jjua wekua pitajü Amoreowi wekua pakujinae amoneye bajü taja epada yajawa taja bitsabianüta,''