¹ Nejjata José joneya jumaitsi Faraón jawabelia:"Tajja yawata matapijiwi yajawa dajjita pekobe kowü yajawa piaja dajubi ata yajawa kapata Canaán ira werena. dajjita bajara pamona pata Othopa Gozén nakua jawata." ² Bajara jua kujinae barü pona cinco ponü beje pemata pijiwi Faraón petsitajutsi nejja. ³ Nejjata baja Faraón yanijubatsi pemota pijiwi jawabelia: ¿Detsipa pitsikuene pajjamü pane nakueneliwi? Nejjata bajara pamonae junu kanawiata Faraón: "Pajjanü raja dajubi pata ewetsiwi pastorewinü, patajamonaemi pekuenia. ⁴ Nejjata jumaitsi Faraón jawabelia: "Pa najetarübenajü mapa ira berenaje pata jinawana pai nejja. Tsipaji ajibi pona pataja dajubi nejja tsipaji janibo bitsi ayai Canaán irata. bajara jjuata. Bitso pejjania kuenia paka jumaitsitsi pata de kopatsi nejja pata jinawanapai nejja Gozén irata." ⁵ Faraón nejjata jumaitsi José, jawabelia: ajja raja yajawa ne mata pijiwi jjamü jawaberena pata. ⁶ Egipto ira rabaja jjamü mata kanukame. nejjata baja. Ajja ne matapijiwi yajawa rajure pejjania nakua, Gozén ira. Itsa bajo yapütaneme pa pebojiwi pe kuene kaüjüpaejitsi pe ewetsi nejja taja dajubi. Nejjata baja neto ewetsi ejjanane taja dajubi bakawi." ⁷ Nejjata José barü rena pajja Jacob petsitajütsinejja Faraónta. Bajara jota Jacob pejjania kuenia bajakoba Faraón. ⁸ Faraón yanijoba Jacob jawabelia. "¿Detsa pa wai beje jjainame ne ponaponai jawa?" ⁹ Jacob junte pita Faraón: "Pa pai beje ta ponapania jawa raja ciento trainta pa wai beje ta jina rutsi jawa. Dajjita bajara pa wainü apo neto yapü jjanepanai bitso Raitso jane bajaya jebi apo penaponainü tsane be taja salinaiwimi. ¹⁰ Nejjata bajara jjua kujinae Jacob pejjania kuenia yaiyataya napü jiobo pona. ¹¹ Bajara pekuenia José to kopata pajja penota pijiwi yajawa. Bajara ponü rajuta bajara po Egipto ira, bitso baja pepo pejjania ira. Ransé ira, pakuenia baja Faraón pe jumaitsi huenia. ¹² José baja pajja rajuta pejjai jawa, bajara pekuenia rajuta penata pijiwi, dajjita baja yajawa pejja pamona yajawa ponapona, poya kajü pai kueniatsi dajjitayo nejja. ¹³ Ikatsia, bajara nakuata bitso pewa juna yabelia. kae matakabi kana kujitsia janibo tsaponia. Egipto ira bajara pijinia pakuenia Canaán ira bitsojanibo ayai. ¹⁴ José nejjata kaituata palata dajjita Egipto nakua pijita, bajara pekuenia Canaán nakua pijiwita, pe kanajeta biabi jawata pejjai jawa bajara pa monae jawabelia. Bajara pakuenia José kapona biaba palata Faraón piaja boyabelia pe jjaniawaitsi nejja. ^{15 16 17} Dajjita bajara pa palatami Egipto ira piajawa yajawa Canann ira piajawa ¹⁸ Itsa baitsi jane baja itsa bajara pawai panepa, bajara pamonae ikatsia baja pona José jawabelia petsi paebi nejja ,''paneitabü nejewa pajjanü apo beka yamajjü itojorobotsi tsipaji jjamü yapütaneme pata neto ajibi jawa pataja palata, bajara pakuenia baja paneto ajibi pataja dajubi ata. Tsipaji baja paka rajutatsi. Apo pa jjanainü baja itsa kuene jawa nitabü nejewa, saya baja kaejawa beje pa jjainajü maje, pataja perabüto pata nakuenebi nejja ata baja yajawa pa jjainajü pataja iranü. ¹⁹ ¿Detsa jjuijitsia be pa thüpajü nitajjutua, nejjata baja pane komuakare pataja iranü pajjanü a ta baja pata to nakuenebi nejja Faraón, pata na jjainejja pejjaijawa, pane rajutsianame nua baja pejju jawanu pata übi nejja pata tüpai yaniwa, pataja iranü pene penetsi yaniwa. ²⁰ Nejjata José komuka dajjita Egipto iranü Faraón nejja. tsipaji dajjita egipcio pijiwi kanajweta piaja iranü, tsipaji baja kajena janibo ayai. Bajara jjuata, ²¹ bajara pa iranü Faraón najjainayaba bajara pa iranü. Pamonae baja pijinia naka kanajeta bajara pamonae baja be amoneya kuenia baja nakueneba ejjanatsi ya kaüjüpa dajjita Egipto ira. ²² Kae ira baja José apo komuatsi pamonae pejjainaiwi pejumape kataiwi pejumape katai nüanü piasiwawi sacerdotewi , tsipa bajara pamonae Faraón rajuta biaba pejjai jawanÚ. bajara jjuata bajara pamonae apo kanajitsi piaja iranü. ²³ Nejjata José jumaitsi bajara pamonae jawabelia: 'Jjanü bajaje paka komuatatsi panija iranü ajena Faraón nejja. Baja ma ikatsia paka rajutsianatsi pejjü pane übi nejja pajjamü, pajjamü nejjata pa übianame iranü. ²⁴ Itsa baja paka to naberetsiana, pajjamü baja yajawünü rajutsianame Faraón, baja pijinia itsa jawanü itsa yajawünü nakopatsiana pajjamü nejja baja tsane, bajara pakuenia pejjü pane übi ponai nejja bajara pakuenia panejjai nejja pajjamü bajara pakuenia panejji pe jjai nejja a ta.'' ²⁵ Bajara pamonae jumaitsi; ''Bitso kajena pepo kuene jjamü pejjania kuenia pane yawenoname patajani pataya thüpai yaniawa. ²⁶ Nejjata José yaquina bajara jjua kuielta bajjütota, Ajena konojjae jebita abajjü bajara pamonae kanakopata wonopa Egipto irata bajara pakobe itane, pina pekoto kaiwi jawa bajara jjua baja piajawaFaraón. Kaejawa sacertodetewi piaja ira bajara jjua baja apo piajawea Faraón. ²⁷ Ikatsia baja nejjata Israel ponapona Egipto irata Gosén irata. Bajara jota piaja tomara itsi yajawa pekobe kowü. Bajara pamonae bitso ayai bitsaüto pejjania kuenia naejjana. ²⁸ Jacob baja ponpona Egipto irata diecisiete pa wai beje, nejjata baja kae jawata Jacob jjaina ciento cuarenta siete pa wai beje. ²⁹ Nejjata baja Israel to kopia pata najetarükatsi pethüpai matakabi, bajara ponü junata pejjunato José pe jumaitsinejja jjuaje: ''itsiata baja kajena pejjania kuene tanijü taitajüto tajekueneta, baja netjaü büjjüpana waitabare, tayapütai nejja tane jume kowünütsi jawamü yajawa ta yapütai nejja tane yaiyaitai jawamü. ³⁰ Itsa baja thüpajü pütsa ne múthütame Egito irata. Itsa baja ponajü tajamonaeta, baja nekaponainame Egipto ira wekua baja ne müthütsianame taja salinaiwi jawata.'' Nejjata baja José jumaiatsi: ''Ma jjua itsinü tsane tane jumaitsi jawamü kuenia.'' ³¹ Ikatsia Israel jumaitsi:''pepo kuene neto najume kopare ne jjania jai kuenia,'' baja nejjata José to najume jjania jai ejjana, baja nejjata Israel namata büatsia pe bokai jawata.