¹ Patanawiabi kujinae pa ponajü basán jawabelia. Og, Basan pijireinü, rena penamujjuanitsi nejja, bajarra ponü yajawa dajjita piajawi tomarra pijiwi pena be nejja Edrei piaja tomarrata. ² Taja TUJJANENÜ ne jumaitsi: ''pütsa junawame; tsipaji raja jjanü ka rajutatsi ne amoneyai nejja bajarra ponü yajawa kanutatsi dajjita piaja tomarra irra yajawa jjamü ne ewetsi nejja , jjamü itsimü tsane pakuenia Sehónü Itsimü, Amorreo pijiwi reinü, pe ponaponainümi Hesbón jawata.'' ³ Nejjata waja TUJJANENÜ DIOSO naka rajuta waja amoneyabi nejja Og Basán piji reinAü, yajawa dajjita piji tomarrata wajjaitsi waja ewtsi nejja. pabiajü kai jiwiyo ata apo payajawünü kopatsinü bajarra pa tomarra. ⁴ Bajarra pa matakabi pawekua notajü dajjita ´piaja tomarranü; apo nakopatsi kai tomarra ata apo ´pata wekua pitsi jawa: setenta pa tomarra beje, dajjita Argod piaja nakua, Og basán piji reinümi ata. ⁵ Ma raje dajjita pa tomarra beje ya akabejeba piniji ujjunene jawata, baupa yajawa peka ranatsi jawa; bajarra jjua tsikirri tomarrajji pe mujju neneta apo peya karranatsi jawajji. ⁶ Pajjanü pa ajibi ejjanajü dajjita bajarra jjua, pakuenia pa itsinü Sehón Hesbón piji reinü, pa ajibi ejjana dajjita bajarra pa tomarranü; pebijiwi, bajarra pakuenia petirriawi bajarra pakuenia tsikirrijiwijji. ⁷ Baitsi jane dajjita bakanü yajawa dajjita pejjai jawa tomarra piji jawa, pa notajü pejjai jawa pajjanü nejja. ⁸ Bajarra pa matakabita pa notajü irranü pa wekobe notajü reinüanü Amorreo pijiwimi, pamonai jinawonpa Jordán pe pünü yabelia, Armón büjjufoto jawabelia ata Hermón unuabelia. ⁹ (Sidoniowi wünü ruba Hermón unu Sirión, piini Amorreowi wünü ruba Senir) ¹⁰ Yajawa Nejjata dajjita woyofo piji tomarranü, dajjita Gajaad, yajawa dajjita Basán, dajjita Salca belia Edrei namutua jawabelia, pa tomarranü Og Basán piji reinü.'' ¹¹ (Tsipaji pamonai yajawünü nakopata Refaim piaja jiwimi pinijiyo jjanetonüwi, nakopata Og Basán piji reinü. ¡pataima! piaja kama kajena hierro jawami . ¿Apo to bokaitsi piaja kama Rabá jawata itsa jota Amón piji pe jinawopai jawatami? Baja kajena nueve pa majju epatobeje kueneia piapiaja bajarra pakuenia kuatro pa majju epato beje pe epatualia, nejjata bajarra pakuenia to kaüjütatsi, bajarra pamonai.) ¹² Pa irranü pa notajü pata najjainayabi nejja bajarra pa matakabianuta, Aeror jawa werrena kujinai, Arnón büjjufoto jawatsina kujinai, ata Galaad unu epato jawabetsina yajawa dajjita piaja tomarranü. ¹³ Peyajawünü nakopatsi Galaad yajawa dajjita Basán, Og reinü, jjanü rajutajü kai epato yajüwünü Manasés piaja wirria: dajjita Argob nakuanyajawan dajjita Basán nakua. (bajarra pa irra raja pewünü Refaim) ¹⁴ Jair, Manasés yajüwününü, pita dajjita Argob nakua ata pe kopia rukai jawata Gesuritawi yajawa Maacateowi. Bajarra ponü junata bajarra pa nakua pijiwi, Basán pijiwi ata, pepo pe wünüanüta, Havot Jair, ata pa matakabi jawabelia. ¹⁵ JJanü to kopatajü Maquir Galaad nakua. ¹⁶ Rubenitawi bajarra pakuenia to kopatajü yajawa Gaditawi rajutajü Galaad ata Arnón büjjüfoto jawaberreka, pebüfoto tutujuta raja kopia ruka bajarra pa nakua ata Jaboc mene jawaberreka, Amón piaja monae baja piaja nakuato kopiarrukatsi. ¹⁷ Itsa jawa pijinia kopia ruka Jordán woyofo tusato jawabelia Jordán mene büjjufoto jawa berreka, Ciret kujinai ata Araba manua mene jawabelia. (pa manua mene jjaina yajo) ata itsa belia Pisga unu tsuküküna. ¹⁸ JJANÜ itorrobajü bajarra pa matakabi, jumaitsinü: ''pa nija TUJJANENÜ DIOSO raja paka rajuta bajarra pa irra pane najjainayabi nejja; pajjamü dajjita pa pebi jiwimü pane na wajabütsaütsiwi, kokena ponaina piaja nainü pitabü nejewa piaja monainü. ¹⁹ Baitsi jane piajawa jiwi, yajawa pejji piaja bakanü (jjanü yapütanïjü pane jjainai jawa ayai baka bitsaüto), nakopabiana panija tomarranü jjuanü paka rajutatsi, ²⁰ Ata itsa jota PETUJJANENÜ rajuta panija monai, pakuenia itsa pajjamü jawabelia, Irra bajarra pamonai ata pe jjainai jawabelia jjua PETUJJANENÜ jawa DIOSO rajuta Jordán pe pünüuabelia; bajarra nawiabiana dajjita panija pebijiwi, pekobe kowü jawaberrena jjua rajutajü''. ²¹ JJANÜ Josué itorrobajü bajarra pa matakabi, jumaitsianü: ''Nitajjuto raja tane dajjita jjua itsi waja TUUJANENÜ DIOSO bajarra jjua itsitsi beje bajarra pa reinümi beje; PETUJJANENÜ bajarra itsi tsane bajarra pakuenia dajjiata pa reinüanü pena pinijiyowi ejjanaiwi . ²² Putsa junawame bajarra pamonai, tsipaji raja PETUJJANENÜ DIOSO kayabarra matamotsiana''. ²³ JJanü apo jume faitsinü taja TUJJANENÜ bajarra pa matakabianüta: jumaitsinü ²⁴ ''Oh taja TUJJANENÜ, JJamü baja tajjujjuabame ne kujarrubi jawa nija jiwitonü nija piniji saü kobeta; tsipaji, ¿Depa dioso ta athubüyo eka bajarra pakuenia irrata ata pe itsi nejja jjamütsimü pakuenia itsimü pakuenia baja pejjania jjamü itsimü? ²⁵ Nekoparre bajarra belia tana ponai nejja, nejume itajjuto tsonia taima, tana tai nejja pejjania irra pe bokai irra Jordán pe pünüyabelia, bajarra pa nakua unu naibakabonü ata''. ²⁶ baitsi jane PETUJJANENÜ ne barra ajamatabü jitsibi pajjamü pajjamü pane jamatabü kueneta; Bajarra ponü jjanü apo ne jumetai jitsipai. PETUJJANENÜ ne jumatsi ''kana koparre bajarra jjua pekato jjane panai kuenia, pütsa baja ne barru kuikuijamü bajarra jjua yabarra: ²⁷ Pa ponarre Pisga unuabelia baja naükotsianame ne tsaweno jawabelia, bajarra pakuenia ne kuja jawabelia, bajarra pakuenia pe tamó yaberreka bajarra pakuenia waüyabetsia, tainame tsipaji apo epa pitsapaimü tsane jordan. ²⁸ Ne tajjünai jawata, kujarrubajü Josué,barruyaya ejjanarre bajarra pakuenia nasaütsi ejjanarre, tsapaji bajarra ponü barru natajjainaina pamonai je bajarra ponü mata kaponaina bajarra pa irrabelia pena jjainaibi nejja jjua jjamü tainame''. ²⁹ Pajjanü panubenjü Bet-Peor, bujjufoto jawata.