¹ Piniji kuenia pa asiwamü tsane panija TUJJANENÜ DIOSO bajarra pakuenia pa ewetsianame jjua paka kujarruba, pa peka to najume kopatsi jawa, pe jume namatamatsi liwaisi yajawa pena jume itorrobi liwaisi. ² Pa yapütaima tsipaji raja jjanü apo barrü kuikuijanü panejji, pamonae abajju apo yapütai apo pe taiwi pakuenia panija TUJJANENÜ DIOSO wijiobi ejjanabiaba, piaja piniji kuene, itsa nakobe yota, ³ Itajuba pakuenia itsi bajarra ponü Egipto tutujuta Faraón nejja, Egipto piji reinü, yajawa dajjita irra. ⁴ Apo tae ata jjua to itsi Egipto piaja jawabitsaü, yajawa piaja kabayuanü bajarra pakuenia piaja karrosa monü, pakuenia bajarra ponü itsi petsobia manua jawata yamata janita pepü barrajinae jawatatsi pakuenia amoneyaba waja TUJJANENAÜ ata ajena pa matakabi jawabelia. ⁵ Pakuenia itsi bajarra ponü petusatota pajjamü nejja baja ata pane patsi jawa bajarra patajjunai juawata. ⁶ Bajarra pamonae apo tae jjua waja TUJJANENÜ itsi Datán Abiram ata, Eliab pejjunato beje, yajawa Ruben pejjunato; pakuenia irra nakuibo yerreta kijobatsi, piaja bonü, piaja bo bürrütonü yajawa dajjita pe kobe dajuanü pe püna ponaiwitsi, Isrrael tutujuta. ⁷ Baitsi jane dajjita bajarra jjua piniji kuene tane jjua waja TUJJANENÜ itsi. ⁸ Abajju baja itsiata ewerre dajjita jjua itorroba jjuanü JJANÜ paka itorrobatsi ajena, paniasaü nejja pane ponai nejja pane najjainayabi nejja irra itsa jota pajjamü pana jjainayabijitsiamü. ⁹ Nejjata baja juma tejema pajjamü panija matakabi pa apia ejjanaijitsiamü pa irra waja TUJJANENÜ rajutsiaya paebatsi wajja wajünai pijiwimi, pa irra pitsapa letserranü yajwa jabürranü. ¹⁰ Baitsi jane pa irra pajjamü pana jjaiyabijitsiamü, apo be Egipto irra, baja itsa werrena pa poname, itsa werena baja pajjamü pa uba najetarrubename pejju pa kayajata najetarrubaname pane tajjuanüta, be pejjania pona tujjujjuwi woyofo; ¹¹ Bitsi jane pa irra, jjua pajjamü pana jjainayabijtsiamü, bajarra pa irra raja ü pejuma tsutonü wayafo tosatonü pe apai irra atjubü piji ranü ema jjua atjubü wetsika ba runa. ¹² Pa irra waja TUJJANENÜ DIOSO eweta; natajjuto kaeweta biaba waja TUJJANENÜ DIOSO bajarra jota, baja wai pe tajjujjuabi kujinae ata pe ajibi jawabelia wai. ¹³ Itsi tsane , pakujinae pajjamü pajume tainame jjaniawaetsia kuenia ta na jume itorrbi jawa jjua otorrobajü jjanü ajena, baja paniatsiawa nejja waja TUJJANENÜ DIOSO yajawa waja to nakuenebi nejja bajarra ponü dajjita pane jamatabü ütjüto werrena kujinae yajawa dajjita pane jamatabü kueneta, ¹⁴ Baja jjanü paka rajutsianatsi bajarra paema panija irrata piaja juametota, penatajjainai ema bajarra pakuenia pekoto kaiwi ema, nejjata bajarra pakuenia nejjata pajjamü pane kaituatsi nejja pejju, panija péjana vino bajarra pakuenia pane kaitutsi nejja panija aceite. ¹⁵ JJANÜ paka rajutsianatsi pona panija tusato ta panija bakanü nejja baja pijini pajjamü itsa pa jjaneme pana penebianame. ¹⁶ JJaniwaetsi pa na tainame pajjamü pa peka jamatabü yamajju itojorrobi yaniwa, baja pajjamü pa jamatabü kuene nawia bijitsipame saya baja pa jitsipai jitsipame ü seikaya piji diosowi pana wü penetsipame bajarra pamonae jawabelia; ¹⁷ Jumatejema pianai panai nejja waja tujjanenü pena jamatabü itonotsi yaniwa pa peka barra anai panai yaniwa pajjamü; nejjata bajarra pakuenia bajarra ponü itabojjo apo jjatatsi tsane ema pe runai yaniwa, baja irra apo narrubi tsipai apo nakuitsi tsipai, nejjata baja pajjamú pa bijibimü tsipai najjatsiyo pe ajibi jawata dajjita pejjanepania jawa pa irrataje jjua waja TUJJANENÜ paka rajuta ¹⁸ Itsiata jane paka jina wanaparre ta jume pane jamatabü ütjütota, pa ne jamatabü kueneta, pa kübarre pe pitaneto kuenia pekobeta panita patjaitota bajarra pakuenia panita jjutonüta. ¹⁹ Pajjamü bajarra jjua pa kuyarrubianame panejji pa tsipaibianame bajarra pamonae yabarra itsa pa panija bonüta pa ename, itsa pa kuikuijamü kaye jawata. pane majitsi wajünaya ata baja pane naükobi jawata. ²⁰ Pajjamü pa yakinainame baupa mata toyorrotsi jawa tomarranü wüpa jawata, ²¹ Baja nejjata bajarra pakuenia nija matakabianü bajarra pakuenia nejji piaja matakabianü pa pekato nawitsi nejja pa irrataje pakuenia waja TUJJANENÜ najue kopata waja wajüai pijiwi nejja pe rajutsi nejja itsa pa epatota itabojjo ruka irra matatsünüta. ²² Baitsi jane itsa pajjamü yapütaya itsa pa ewetame dajjita jjua baja paka to najume itorrobatsi pakuenia paka rajutatsi, itsa pa itsimü, jitsipaya panija TUJJANENÜ DIOSO, pane ponai nejja dajjita piaja namutua, ne najamatabü saütsi nejja bajarra ponü ta. ²³ Nejjata baja waja TUJJANENÜ jukaina dajjita ma pa tomarranüje newajünaya jjamü ne amoneyabi nejja piasaü tomarra jjanetonü pajjamü mata tojjenetsia. ²⁴ Dajjita pa tajjunai jawa itsa jjoyo pa pa pajjuna nonobame bajarra jjua jjoyo rabaja panija tsane; Líbano tusato jawa werrena kujinae,Eufrte mene jawa werrena kujinae, ata pepo manua mene tsaweno jawa berrena wünükaina. ²⁵ Kai pebi ata kajena apo kuene kaüjüpai tsanetsi pe nukai jawa pane wajünai werrena, waja TUJJANENÜ DIOSO kopatsiana pane junawi jawami pajjamü pane nekoneko jawami dajjita irra pa najetarru bename, pakuenia baja bajarra pnü paka jumaitsi. ²⁶ Pataima, JJANÜ raja rutajü pane wajunaya ajena kai pajjania kuene jawa bajarra pakuenia kai pabisia kuene: ²⁷ Pejjania kuene raja, itsa pajjamü pa jume kowünütame jjua najume kopata waja TUJJANENÜ DIOSO jjua ajena itorrobajü, ²⁸ Pabisia kuene baja pijinaia, itsa pajjamü apo pa jime kowünütsimü jjua najume kopata waja TUJJANENÜ DIOSO, itsa baja pa wekua pitsapame pa namutua itsa jjoyo ajena paka itorrobatsi, pane püna ponai nejja itsa diosowi pajjamü apo pane yapütaiwi. ²⁹ Itsa tsaaneje, pakujinae waja TUJJANENÜ DIOSO kapatsiana pa irra matatsunütaje itsa jota pajjamü pana jjainayabiame, nejjata pajjamü penia kuene pa itsimü tsane pa jjainame pejjania kuene Gezerin unu jawata, bajarra pijinia pakuenia ata pa jjainainame pabisia kuene Ebal unu piji jawa. ³⁰ ¿Bajarra pamonae raja apo jinawonopai Jordán matatojjetsia, pa namuto ruka petsawenonenia wekua pe kuja wekua, Cananeowi piaja irrata pamonai jinawonopa Araba jawata, Gilgal pitapa jawa werrena, imojjoyo jawata Moré petjijai epatonü jawata? ³¹ Bajarra jjuata pajjamü pa epa nikabianame Jordán jawa pane ponai nejja pane notsi nejja pa irra pinija TUJJANENEÜ DIOSO paka rajuta, nejjata pajjamü bajarra pa irra pana jjainayabianame bajarra jota yajawa pa jinawonopainame. ³² Pajjamü pakatsika wonopainame ma pa liwaisije bajarra pakuenia pena jume rutsi liwaisi jjua jjanü rutsi ejjanajü pajjamü panitabü nejewa ajena.