¹ Bajarra pa mataka waja TUJJANENÜ ne jumatsi: ''najua ibopa beje itsimürre kopiaya pakuenia, nejjata renamürre jjanü jawa berrena petsuto unuaberrena, itsimü tsane Arca naijawa jawa. ² JJANÜ yakinainajü bajarra pa ibopa jawata jjua kopiaya pa liwaisi rubajü jjua wokotajjuabajü jjamü, nejjata jjamü buatsianame Arca jawata''. ³ Nejjata baja itsinaü Arca Acasia naijawa jawa bajarra pakuenia itsinü najua ibopa beje wokonajü pakuenia baja itsinaü kopiaya nejjata kobena ponajü bajarra pa ibopa beje takobeta. ⁴ Bajarra PONÜ yakina bajarra pa ibopa jawata kopiaya pakuenia itane ruba, diez pa panajume itorrobi jawa beje jjua baja waja TUJJANENÜ ne jumaitsi kopiaya petsuto unutalia pekotia tutujuta itsa jota pena kaituatsi jawata; nejjata waja TUJJANENÜ ne rajuta jjanü. ⁵ JJANÜ nawiatajü bajarra pa unu tsuto jawa werreana, buatajü Arca jawata jjua itsinü; bajarra jota buatajü pakuenia waja TUJJANENÜ ne itorroba. ⁶ (Israel pijiwi pona Beerot Bene jawa werrena kujinae ata Mosara jawaberrena. Bajarra jota thüpa Aarón, bajarra jota müthütatsi; Eleazar pejjunato juya nakueneba sacerdotenü kuenia bajarra pa tajjunai jawata. ⁷ Bajarra jota kujinai bajarra pamonai pona Gudgoda jawabelia, ikatsia Gudgoda kujinai pata Jotbata jawata, pe amene saü jawata. ⁸ Bajarra pakujinai waja TUJJANENÜ itapeta Letawi wirria peka jina woniopai nejja Arca panajume kapanepai jawa waja TUJJANENÜ, pe buatsi nejja PETUUJJANENÜ pe wajünai werrena petó nakuenebi ejjanai nejja bajarra PONÜ pijini bajarra pakuenia pejjania kuene pe rajutsi nejja piaja jiwi pewünüta, pakuenia ajena. ⁹ Itsa pana nenai Levitawi apo jjanai itsa kuene jawayo apo jjainain ata irra piaja monaita; waja TUJJANENÜ baja kainü jjaina, pakuenia waja TUJJANENÜ DIOSO jumaitsi) ¹⁰ JJanü nakopatajü petsuto unuta pakuenia kopiaya itsinü, cuarenta pa matakabi beje bajarra pakuenia cuarenta pa merrawi beje. PETUJJANENÜ ne jumetane bajarra pa matabi ata; PETUJJANENÜ baja apo ajibi ejjanai jitsipai. ¹¹ PETUJJANENÜ ne jumaitsi: '' Namatakorre, namatajjainarre nija tomarra pe wajünaya mata kanajetarrukarre pane ponai jawata; bajarra pa monai pe notsi nejja bajarra pa irranü jjua jjanü rajutsiaya paibajü pane wajünai pijiwita''. ¹² Ikatsia Israel, ¿dejjua ikatsia ka wajüka waja TUJJANENÜ DIOSO? baja ne kujunabi jawa yabarra jawa TUJJANENÜ DIOSO, nepüna ponai nejja petajju namutua, ne jitsipai nejja bitso waja TUJJANENÜ DIOSO dajjita ne jamatabü üthütota yajawa dajjita jamatabü kueneta. ¹³ jjaniawairre pekato najume itorrobi jume waja TUJJANENÜ yajawa pakuenia ne itsi nejja, jjua ajena kaitorrobatsi ajena jjamü pekato jjanepanai kueneta? ¹⁴ Ma jjotaje, waja TUJJANENÜ DIOSO itabojjo pekobe kowü yajawa itsa itabojjo bebetsiayo ata pa itabojjo; yajawa irra ddajita jjua jjaina bajarra jota. ¹⁵ Saya baja kaijawa waja TUJJANENÜ pita petsi jjane panai kueniatsi pe jitsipai nejja itapeta nua pe momojji bajarra pamoani kujinai, bitso itsa tomarra matatojjetsia, pakuenia bajarra PONÜ itsi ajena. ¹⁶ Nejjata, baja koparre ne jamatabü üthütota yajünü jawa itsiata baja jumetaima. ¹⁷ Tsipaji waja TUJJANENÜ DIOSO, bajarra PONÜ raja DIOSONÜ matatojjenetsi itsa diosowi PETUJJANENÜ matatojjenetsia petujjanewi, bajarra PONÜ PEPO DIOSO, PIAQSAÜNÜ PEKUJUNAWINÜTSI, ponü apo pe yawenaninü itsa jiwiyo ata apo pe je jainü pabisia kuene pe ejjanai nejja. ¹⁸ bajarra PONÜ pejjania kuene peto itsinü pajja apo pe jjainaiwi pamona ata apo pe jjainaiwanü, Bajarra ponü petsitajütsinü waja naka jitsipai jawa, bajarra pakuenia ata itsajawa werrena pe ponainü rajuta penajjatabi jawa pejjai jawa. ¹⁹ Nejjata baja, jitsipa ata itsa jawa werrena pe ponainü; tsipaji pajjamü ata itsa irra jawawerrena pane ponaiwi Egipto irra jawa werrena. ²⁰ Kujunawianame waja TUJJANENÜ DIOSO; bajarra PONÜ jitsi´painame. bajarra PONÜ jitsiamü tsane bajarra ponü pe wünüta jjania jamütsane. ²¹ Bajarra PONÜ raja nija waji bajarra PONÜ raja nija DIOSO, peka pinijiyo ejjanainü peka kujunawi jawa, jjua baja taneme nitajjuto. ²² Panija ajja pona Egipto setenta pa jiwi beje kuenia; nejjata waja TUJJANENÜ DIOSO ka ayai bitsaüto jjaneto ejjana be tulupaü itabojjotatsia.