¹ Ma rebaja bajarrapa liwaisi jawanüje jjua jjanü katsitekaijitsiamü pa irrata petujjanenü, ponü ajjanüanü piaja Dioso, karrajuta ne ponaponae nejja, dajjita matakabi irrata ne ponaponaeja. ² Jjamübaja jjaniajai kuenia kayajabianane dajjita pakowü javanü patomarra jawanü itsajata jjanü junatame asiwabaja piaja dioso nüanü, piniji tsutanüjawa, pejuma tsutojawa, bajarra pakuenia kae perraünae naejawa pebüjjüpana kanakujitsia. ³ Nejjata jjamü pürrübabename pe epatojji ejjanaename piaja iboto naesiturruto jawanü, bajarra pakuenia tajuitsianame diosowa Asera pejumape jawanü; jjamü rabaja kaukubianame pejumape katainüanü piaja dioso nüanü bajarra pakuenia bijianaename pewünüanü bajarra patotsoto javata vekua. ⁴ Apo pajitsipaimü tsane pane tujjanenü Dioso bajarra pakuenia. ⁵ Beitsijane bajarra pakawü jjuapetujjanenü panija Dioso itapetsiana dajjita piaja wirria javaverrena jumatejema pena wünü rutsinejja, bajarrajjüa rabaja tsane itsajota bajarraponü ponaponaena, bajarra jane baja jota itsabelia jjanü ponaijitsiamü. ⁶ Bajarra jota rabaja itsajota karrenamüjitsia nija ofrenda netsakiapaijawa, nija sacrificos jawanü, nija diezmo jawanü, ofrenda jawanü janebaja nekobeta pena tsitaüjübi jawanü, nija ofrenda jawanü netojjuabikuenia, nija ofrendajawanü nijakueneta, bajarra pakuenia nija kopiata piaja vacá nejjata bajarrapakuenia nija bitsaüto pijiwi. ⁷ Bajarrajota rebaja itsajota jjaijitsiamü pitabünejewa petujjanenü Dioso nejjata nebarrüyanejja jjuanüta dajjita pejebijawa nekobe, jjanü bajarrapakuenia nijabo, itsajota nija ttujjanenü Dioso pejjaniakuene ka-ejja. ⁸ Jjanü apo itsimü tsane dajjita kuene jawanü jjua pajjanü pa-itsinü tsawanapae ma-jotaje ajena, bajarrajane dajjita nakuajawa itsi tsawanüpae jjua pitajjuta tsita jjanepanatsi, ⁹ Tsipaji jjamü apo patsimü kajenasaya nenakuerra ewetsi jawabelia, pekobe kowü javabelia jjua petu jjanenü Dioso karrajuta najetarrüka. ¹⁰ Beitsijane pakuijinae pajjamü panajetarrü benaename pekanakujitsi jawa Jordan nejjata pajinawanapaename pa-irra jawata jjua panija-tujjanenü Dioso pakató itsi-tsanajetarrükae jjua pajjamü pana jjainaya bijitsiamü, nejjata pakuijinae bajarraponü paka rajutsiana penakuerra-ewetsijawa dajjita panekueyawi wekua pane-mujjunenia, jumatejema pajjamú pajina-wanapaename ne-ewetsiaya, ¹¹ Manejjata itsitsaneje pakowü jawata itsajota panija tujjanenü Dioso itapetsia jumatejema itsijitsia pewünü piasaü-ejjanaenejja, bajarrajota rabaja pakaponae remena dajjita baja jjuanü jjanü paka-itorrobatsi: netsakiapai ofrenda jawanü, nija sacrificio jawanü, nija diezmo jawanü bajarrajane pa-ofrenda nekobeta penatsitaüjübi jawanü, dajjita pa-ofrenda jawanü jjua pajjamü pa-itapetsianeme be-penetsi jawakuenia jjua pajjmü parrajutsianame bepe to-jjuabikuenia petujjanenü jawabelia. ¹² Pajjamü pa barrüyamütsane pitabünejawa panija tujjanenü Dioso: jjamü, jjamü nejji pebijiwi, jjamü nejji petirriavi, jjamü nija pienivi pebijivi, jjamü nija pienivi petirriavi, bajarra pakuenia pa-levitanü nijabaüpa itapata penukaenü, tsipaji bajarraponü apo jjaenae pekanuakue petsinakjopatsi kuene atatsinua pajjamü pane ttuatuajüta. ¹³ Jjaniawaetsia pana namüjjuna-ewerre pajjamü panija kueneta panetsitaüjübi yaniwa panija ofrenda petsakiapaijava dajjita patotsotojava jjua-patanome; ¹⁴ Beitsijane tsane pakowü jawata itsajota petujjanenü itapetsiana piaja-virria tuatuajüta itsajota pajjamü patsitaüjüta biabianame panija ofenda jawanü petsakiajavi jawanü, nejjata bajarajota pajjamü pa-itsimü tsane dajjita baja jjua jjanü paka-itorrobatsi. ¹⁵ Itsiata jane, pajjamü pabeya-jjua bijitsipame nejjata pajjaijitsipame dajubianü dajjita panija baüpa tuatuajüta. pakuenia pajitsipame, papita najetanü bename pejjaniakuene jawanü petujjanenü Dioso javaverrena dajjita jua yabarra pakarrajuta biaba bajarra ponü; pamonae peniojaivi nejjata apo peniojaivi-ata, kuenekaüjüpatsi pejjainejja najüpaeya, dajubianü pakuenia gacela bajarrapakuenia ovebi. ¹⁶ Beitsijane pajjamü apo papaimütsane bajarrajana-ra pajjamü pa epakaename irrabelia be merra. ¹⁷ Apokakuene kaüjüpae nejjaenejja nija baupa ünütuatuajüta nija diezmojawanü yajüwünü java nekaetuatsijava, nija vino pejana-jawa nija aceiterra, itsajume nijakopiata nija vaca itsajüme dajjita bitsaüto; bajarrapakuenia nua apo bejjaimü itajjutejemü pevito jjua sacrificabame itsakuenejava yajava nejjuabijawa, bajarra jjua-ata ofrendabiji tsipame kopatsiaya, nekobé piaja ofrenda-ata jjua tsitajuta biabame. ¹⁸ Nejjata baja, jjainame pitabünejawa nija tujjanenü Dioso pakowüjawa nija tujjanenü Dioso. Itapetsiana; jjamü, jjamü nejjunatanü, jjamü nejji petiarriavi, nijja pienivi pebijivi, nija pienivi petiarriavi, palevitanü janeba pajiviyo nija baupa tuatuajüta nuka; barrüyamü tsane pitabü nejewa nija tujjanenü Dioso dajjita jjuanü yabarra nekobe jeba. ¹⁹ Nataema jjamü jjanevaetsia jumatejema nejjuabanatsi yaniva levitanü itsa nija irra java abajjü ponapona. ²⁰ Pakujinae nija tujjanenü Dioso ayeijava ejjana nija kopianü, pakuenia bajarra ponü katonajümkopata, nejjata jjamü jumaitsiamü, "jjanü jjaijitsianü pevi." pejamatabü kuene jjamü rujitsipaijawa pevi nejjainejja, jjanü jjaiji tsipame pevi, pakuenia nejamatabúkuene namatá, venona. ²¹ Itsa jota nijatujjanenü Dioso kató ita peta pena wünü rutsinejja itajjütejema katsita tajü, nejjata beyajjuabianame nija vacá yajününü bajarra pakuenia nija irra piajava jjua petujjanenü karrajuta, pakueniabaja jjanü ka itorrobatsi, jjaijitsipame-baja nija baupa ünütuatuajüjavanüta, pakuenia nejamatabükuene jawanü namatá venona. ²² Pakuenia baja gacela bajarrapakuenia ovebi pejjainütsi beje, bajarra pakuenia jjainame bajarra ponüanü javabelia; rabaja pamonae peniojaivi bajarrapakuenia apo peniojaivi kuene kaüjüpatsi bajarraponüanü pejjainejja najüpaeya. ²³ Janevaetsia sayabaja nataema jumatejema pejana nejjaeyaniva, tsipajirra pejana piasaüjava; apojjaimü tsane piasaüjava pevito-yajava. ²⁴ Apojjaimü baja tsane; epanename saya irrabelia bemerra kuenia. ²⁵ Apojjaimü tsane bajarrajjjuanü jumatema jjanü pekató najetarrükaenejja jjanevaetsia, bajarra pekuenia nejji jjamü nekovü belia, pakuijinae itsimü pejjaniajaikue pitajjutua petujjanenü. ²⁶ Beitoijane-baja jjuanü petujjanenü pekobe-kowü jawanü jjuanü jjainame bajarrapakuenia pa ofrenda jawanü ne jjuabi yabarra, ma-jjuanü notsianameje nejjata kaponaename itsajota petujjanenü kató itapeta. ²⁷ Bajarra jota tsitajütsianame nija ofrenda jawanü netsakiapaejawanü, pevi pejuna yajawa, nija tjjanenü Dioso piaja petajuitsi jumajawata; pejana jaba nekaetuatsi jawanü baja na epakaena piaja petajuita biabijumata nija tujjanenü Dioso, nejjata jjaename pevi. ²⁸ Jjaniawairre bajarra pakuenia jumetaima dajjita ma palivaisian¨je jjua jjanü ka itrrobatsi, jumatejema kató najetarrükaijitsia jjanewaitsia jjanü bajarra pakuenia nejji nekowübelia penajetarrübenaevi dajjita matakabi nejja pakuinae itsimü jjua jjanepana bajarra pakuenia robia pitajjutua nija ttujjanenü Dioso. ²⁹ Pakujinae nija tujjanenü Dioso kaukuba tamarranü nitabünejeva jjanü, pakujinae jonename jumatejema nejjaniavaitsi nejja, nejjata pitsianame yajüvünü bajarrajjua, nejjata pona ponaename irrajavata bajarrajjua pejametabü kuene, ³⁰ Jjanetsia nanamujjuna ewerre jjanü, pütsa kavaetaba nepüna ponaejawata, nejjata yanijobiana: ¿Depakuenia panakuapijivije asiva piaja diosonüje? jjanü rabaja bajarrapakuenia itsi tsane. ³¹ Apoka kuenekaüjüpae niasiva nejja nija tujjanenü Dioso bajarra pakuenia, tsipaji dajjita baja jjua tsita pabijiakuenetsi petujjanenü nejja, jjuamü bajarra ponü itóya, bajarra pamonae bajarra jjua itsi piaja dioso nüanü jawabelia<, bajarra pamonae nu tajuita biaba pejji pebinïjji bajarra pakuenia petirriwajji isoto jawabelia piaja dioso nejja. ³² Jjua jjanü kajumaitssitsi, yorrobarre. pütsa rubame p¨tsa ikibame bajarrajjua vekua.