¹ Joacín piaja matakabinü, Nabucodonosor, Babilonia, Judá siwa nawajü bü tseiuta, Joacin naejjana piaja pianünü adkuayabi paweiseje. Nejjata Joacin wekua natjjita kaewuu, siwa anaipana Nabucodonosor yabara ² Dioso itoroba Joacim, yabara caldeos bitsaiüto arameos, moabitas amonitanu; baja rá ponü yabarapewere biabinejja. Ma jjüaje itsi pakuenia Dioso pejume liwsisi, pakiuenia to kue kuejei piaja pianiwita profetawi. ³ kaejanuraja jjunewaitsiu, Dioso pekuibojotota tsiya jopatsi Judá, wekua pita itsi pija jjuto wekua Manasés piju nekoni, dajjita jjüa baja rá ponü itsi. ⁴ Yajawa peanekonijibi bijana, baja rá ponü nawatsi ejjana, tsipaji baja ra ponü wünüta Jerusalén pianekonijibi janu. Dioso apotsitu jjane panaitsi pebijjio bituenejja baja jjua. ⁵ Ma pijinia itsa kuene jawanü jjua itsi Joacim, dajjita baja rá ponü itsi, ¿apo wunü yakinarabi baja rá pamonae baja rá pa librota pe ejjanaejuwu Judá pija reywi? ⁶ Juacim tüpa pija salineimi monaeta, Joaquín, pejjünato, naejjanu reynü pekowüta. ⁷ Egipto pija reinü aposiwa nawajü bitsiutitsi pa ma tsinuu pija ira wekua, tsipaji Babilonia pija rey wekua pitatsi dajjita ira, pija irami Egipto pija reinü, Egipto pija piupilló Eufrates pija mene kuijinae. ⁸ Joaquim jjeina dieciocho (18) paweibeje itsa tajjü jjuaba pe reinabijawa: baja rá ponü reinaba Jerusalén jawata akueyabi pa juametobeje baja rá ponü pewünü pena raja Nehusta; wunü wa, baja rá powa raja pejjünatoyo Elnatán Jerusalén pijinü. ⁹ Baja rá ponü itsi pebisakuene Dioso pitabünejawa baja rá ponü itsi dajjita jjuanü pajja pitsi jawanü ¹⁰ Baja rá pamatakabi Nabucodonosor pijawajabutseü, Babilonia pija reinü, siwa nawajü bütseüta Jerusalén, tomara matatoyorotsia nubena. ¹¹ Nabucodonosor Babilonia pija reinü, rena baja rá patomara berena itsa abajjü pija wajubitsüwi tomara mata toyoratsia nubena. ¹² Joaquín Judá pija reynü, pitsa pa Babilonia paja reinü jawabelia, baja ponü, pena piaja pianiwi, piaja principewi paiaja oficiales yajawa Babilonia pija reinü waitaba baja rá ponü baja rá petawo weita piaja remado wekua ¹³ Nabucodonosor juta baja rá jota wekua dajjita pena mata motsijawanü Dioso pija bówekua baja rá jjuanü, reinü pija palacio jawata, baja rá ponü ukububia peepatojji dajjita oro jawanü, Salomón Israel pija reinü, pejebijawanü Dioso pijabó jawata pinu Dioso jumaitsi pakuenia itstjitsia. ¹⁴ Baja rá ponü kapona dajjita jiwi Jerusalén pijiwi dajjita piju líderes winua, dajjita pebijiwi pemu bewi, diez mil (10.000) peteikawitsi.Dajjita pefaratsiwi, hierro pena kuena biwi, apó nakopatsi kainü ata wü jiwi apo pejjeinaiwi baja rá pa iratu. ¹⁵ Nabucodonosor Kapona Joaquín pena nekonotsnü kuenia Babilonia jawabelia, baja rá pekuenia pena reinü, pijawanü pija oficiales, pebijiwi pena mata kaitorobiwi baja rá pa ira pijiwi. Baja rá ponü kapona dajjita pena nekonitsiwi, Babilonia jawabelia. ¹⁶ Dajjita pebijiwi penabewi bajarapa itaneto siete mil (7.000), pefaratsiwi, dajjita baja ra pamonae peyapütaiwi penabé nejja - - Babilonia reinü kapona baja ra pa pebijiwi pena nekonitsiwi Babilonia jawabelia. ¹⁷ Babilonia piju reinü itsi Matanías, pe mata pijinü pajja Joaquín, reinü pekowuta, wunu jjaneta pewunü Sedequías. ¹⁸ Sedequías jjeina veintiún (21) pawaibeje itsa tajjujjua ba pe pitorrobi jawa; baja ra ponü reinaba once (11) pa weibeje Jerusalén Libna pijiwa. ¹⁹ Baja rá ponü itsi pebisiukuene Dioso pitabünejewa; baja rá ponü dajjita jjüanü Joacim pitsijawanü. ²⁰ Peanai Dioso, dajjita peitsijawanü Jerusalén Judá jawata nejjata nawekua kapitsapa pitabará wekua.Nejjata Sedequías siwa baja matabü natsipaeba Babilonia pija reinü wekua.