¹ Baja rá itsi, baja ra noveno (9) weita Seequías pija reinü, décimo (10) matakabi juametota, Nabucodonosor, Babilonia pija reinü, bari pona dajjiata pija ejército Jerusalén yabara, petajjunaibo ejjana baja ra pamonae pita barata nakuenaba kae muro pepitsa paeyaniwa mataeitsi yarotsiu Jerusalén tomarata. ² Nejjata bajura patomara ya ewetatsi pepitsu pae yaniwa undécimo (11) paweibeje Rey Sedequías peyanakua ewetsijawa. ³ Noveno (9) matacabi cuarto (4) juametota baja rá pauuta, dajjita janibo baja ra patomarata apo jjainae pejjae nejja piaja nakuata. ⁴ Nejjata yakaranu tawanapa baja ra patomara dajjita pebijiwi pena bewi rüküpeka merawi, baja ra namuto baupa anija murobeje wekua, reinü pija jardín bemüjju biejawa baja pa tomara. Baja ra ponü pona Arabá tusatonu kuajawabelia peputsinamuato nejja. ⁵ Jané baitsi caldeos piaja wajabitsaü barrápona rey Sedequías pünamatá jjüna penatá jüpae jumáreka pebüjjüto toto palia Jordán meniá belia imojjoyo, Jericó. Dajjita wajabitsaü beka nakayaja tajü wekua. ⁶ Baja rá pamonae waetaba baja ra reinü, kaponatsi Ribla tomara belia, itsa jota nanekonitsi ejjanajitsiatsi. ⁷ Nejjata Sedequías kojjibeyejebatsi pitabarata, nejjata Babilonia pija reinü itajjüta juka küma cadena bronce maütortu, peka po nejjatsi Babilonia jawabelia. ⁸ Ajenatonojjae kaecobe pajuame tobeje sietema takabita, its jjeina once paweibeje Nabucodonosor perenabi matakabi, Babilonia pija reinü, nabucodonosor penamakaetorotrinü vena Jerusalen tomarraberama. ⁹ Nejjata, bajara ponü tajuita Dioso pijabómi, rey pina palacio ata, bajarapakuenü tajuila jerusalen pijabonü yajawa tajuita dajjita pena matamots edidicio bonü pajara patomarata. ¹⁰ Nejjata banaponü dajjita pija wajabütseú wiyajawa Jerusalen mate toyorotsia penayajiwi karanats ibopana jawami baribijiana. ¹¹ Najjata,banaponü dajjita pija wajabütseü wiyajawa jerusalen matatoyorotsia penayajiwi karanatsiibopana jawami baribijiana. Nejjata payajuno navapabiwi Jerusalen jalen jawata paonae perüküpekaiwi Babilonia pija reinü wekua peyayuno nakopabiwi bajaratomarapijiwi. Nabucododosor penamatakaitoro trinü wajabütseüwi, dajjitakaponetsi peteikaiwikuenía Babiloniajawabelia. ¹² Nejjat penamakaintorobunü peyaewetriwinejja pabianü bajaranakuata. ¹³ Nejjata dajjita baja ra pa bronce jawanü pe nubenaejawa Dioso pijabota, baja rá pakuenia, dajjita pija bases bronce manuamene pe nube naejawanü Dioso pija bota, caldeos monae to itsi pe mujupanü, nejjata kapona bronce Babilonia jawabelia. ¹⁴ Baja ra pa kuenia kapona, wajjianü tamparanü, cucharanü dajjijta jjuanü kana kueneba bijawanü bronce jjuanü sacerdotewi kana kuenebu biaba templo bota, nejjata caldeos monae wekua kaponatsi. ¹⁵ Wajjianü pe kauliansti nejja ipumana, baja rá pamonae pe tisi oro wajjianü, baja rá pamonae Itsinua platu.wajjianü, reinü pija capitán nü baja ra jjuancia kapona Babilonia Jawabelia. ¹⁶ Anija naisituitobeje merra dajjita broncenanitoni salomón peitsi jawanü Dioso piju templonejja, ya iniajina ayeijawa bronce jawanü aproduene kaüjipaitsi pe kaijibinejja. ¹⁷ Kaenaesitardo kanakuijitsia kaekobe dieciocho pametrobeje pematsinüa, bajara pakuenia bajaropunaeboje pijatatabeje akueyabi pa coobeje. Itabita malla gramada kuaijumapekataya dajjita matato yorotsia capitel, dajjitu itsi ü bronce . Itsa naisitartu jüpajaba yopiya pranaisiturto. ¹⁸ Pena mata kai torobünü wajabitseüwi kapona tsi Serías pena matakai itorobünü tsaponaponae, yajawa Sofonías, peyawa nakuenabunü sacerdotenü, akueyabi ponübeje ata pe wetsiwi kaupanü. ¹⁹ Baja rá pa tomara pijinü waitaba pe ewtseunü wajabitsaü, kaekobe kuenia papebibeje pe mujjüjiabi nuanü, abajjü nabena baja ra tomarata, baja ra ponü waitaba be pena nekotsi nü kuenia reinü pija waja bitsaünü, baja rá pona pekaujarubünü pebijiwi pija wajabitseüwi nejja, yajawa sesenta (60) papebibeje, penube naiwi bajarapa tomarata. ²⁰ Nejjata Nabuzaradán, pena makaitoro bunü peyaewetsinü tsitokapona baja ra pamonae Babilonia pija .reinü Ribla tomarabelia ²¹ Bajan ponü, reinü Babilonia pijinü kapona pebeyejebinejja Ribla toomarabelia, Hamat pija irata, baja ra pakuenia, Judá pitsapa pija ira wekua pena konitsinü kuenia. ²² Mapijinia jiwi penakopabiwi pija irata, pamonae Nabucodonosor pena tsipü kopabiwi, baja rá ponü itapeta Gedalías wunünü, pejjünato Ahicam, Safán pejjünato pe ewetsineja baja ra pamonae. ²³ Nejjata dajjita wujubitseu penamatakai torobiwi, baja ra pamonae pija pebijiwi, jümetane Babilonia pija reinü penutsijuwa Gedalías gobernadornü, baja rá pamonae pona itsa jota Gedalías Mizpa jawabelia. Baja ra pa pejiwi pona Ismael jawabelia, pejjünato Netanías, Johanán pejjünato, Carea, Seraías, pejjünato Tanhumet wunünü pijinia Joazanías, pejjunato Maacateo,, baja rá pamonae pija pebijiwi. ²⁴ Nejjata Gedalías naliwuitsi kajunua, baja ra pamonae pitabarata pija pebijjiwi bitubünejejawa, jumaitsi barapamonae nejja: "Putsa pu kujunawume caldeos pija wajabütseüwi. Pajinawapare baja rá pa irata, patona kuenabiana me Babilonia pija reinü, nejjata bakato kuenabiana. ²⁵ I Itsiata baitsi jane séptimo (7) pajuameto, Ismael pejjünato Netanías, pejjünato Elisama, pijamonae nejjata, baja rá ponü baripona diez (10) papibeje, nejjata baja ra pamona najuabeya jjuaba Gedalías. Gedalías tiupa, yajawa pija pebijiwi Judá jawata, ma pijinia Babilonia pijiwi penubenaiwi baja rá ponü Mizpa jawata. ²⁶ Nejjata dajjita jiwi, pejewajji, pena wertsiwitsi, baripona baja wujabitseü pena matakaitorobiwi, na nobapuna poneka Egipto jawabelia, tsipaji kujünawa Babilonia pijiwi. ²⁷ Nejjanata pitsikujijinae baja pawwerta treinta y siete (37) pena nekonitsinü Joaquín, pejjünato Judá, doce (12) pajuametabeje. Bajarapa matakabi veintisiete 27) juameto, Evil Merodac, Babilonia pija reinü kapitsupa Joaquín, Judá pija reinü pitrapa penakotsibi wekua, baja ra itsi baja ra pa weita itsa tajjuba pe reinabijiwa. ²⁸ Baja ra ponü barikuekuejei jjane panaya, rajuta nua pena matamotsi pe enaejawanü itsa reyewi poyawu nubenaiwi baja ra ponü Babilonia jawata. ²⁹ Evil Merodac wejúma jona pejumá nanekonitsi jawa penü kotsi bó wekua Joaquín, nejjata Joaquín najjae ponapona dajjita matakaabi reinü pija mesata. ³⁰ Kae matabi kenakuijitsia najutabiubatsi pejjaejawa Joaquín dsjjita matakabi itsu abujü useu tsne.