¹ Josías jjaina ocho (8) páwai yóbeje pákuijináe tájjüjjüaba pitó robijawa; itóroba treinta y uno (31) pawaí beje Jerusalén jawata. Péna pewünü Jedida(pájja baja rá powá Adía Boscat). ² Baja rá ponü tó nakuéne Dioso jjaniá waetsia.Baja rá ponü jamatabü jüpa jjanía waetsia pakienia David pámo tsú itsitsi, Josías ápo siwá natijjitsi pékajuá, o petsáveno neniá ata. ³ Pakuijinae rey Josias, jjaina dieciocho (18) itoroba Safán pejjünato Azalía, Mesulam beje, pewünü Dioso piaja bó yábelia jumaitsi: ⁴ "Táyojopa re meliá sumo sacerdote Hilcías jumaitsi mütsane kaetuarre dajjita palata pekapo naejawa Dioso piaja boya barrena, pá palata kautuata baupa ewetsiwi. ⁵ Pá rajutsiáname péna kunebiwi pejjanebiwi Dioso piaja bó, patsi kóbe patsia ejjanáename pejjanebi nejja jjüáyobeje abéje itsajota nakaetuata biaba. ⁶ Pá rájure tabla pekomua kaewi nejja, peyá putaewi, pekatsa naewi wekua, pijinenia pekomua kaeiwi naéjawanü, petojjobabé ibotonü peka tsanaenejja templo. ⁷ Apo tó namatájütsi pematamota ponaejawa péna kánabi jawa pekatsanaewi, tsipaji baja rá pamonae ápo nakobetojjotsi. ⁸ Hilcías sumo sacerdote Safán jawabeá jumaiisi peya kina ponaenü: "Jjanü pita buatajü Ley bájjuto Dioso piaja bó tutujuta." Baja rá pa kuenia Safán, rajúta ley bájjuto, nejjata léba. ⁹ Nejjata Safán tó kalia libro rey, jawabelia pijinenia baja rá ponü tsipaeba jumaitsi: "Niajiwi wemátapita pá palata pepita buatsi jawa templo bóta rajuta petáe bíabiwi pena kuene biwi dajjita Dioso piajabo." ¹⁰ Nejjata Safán peyakina ponaenü jumaitsi rey jawabelia: "Hilcías sacerdotenü nerajuta libro bájjüto." Nejjata Safán rey tsimüjju leba. ¹¹ Pakuijinae, rey júme táejunüa pakuenia ley jumaitsi pena jjatatsi kamisa nawé juma titika. ¹² Rey itoroba, Hilcías, saceredote, Ahicam, pejjunato Safán, Acbor, pejjünato Micaías, Safán peyakinaenü y Asaías, piaja jiwitonü jumaitsi: ¹³ "Ponare yanijiobarre jjanü yabara, tomara pijiwi dajjita Judá jiwi yabara, má pajumé yábara waja pitabuatsi ley bájjuto yabara bitso ayaí kuenia naka bará anaepana Dioso wajamonae apo pejume kowünütsi jjae má paley bajjütoje, wajume kowünütsi nejja pajumé nakató najume yakina buata. ¹⁴ Nejjata sacerdote Hilcías jawabelia póna, y Ahicam, Acbor, Safán y Asaías, profetisa Hulda jawabelia, piajawá Salum pejjünato Ticva, pejjünato Harhas, pewetsinü penájjatabi jawanü (baja rá powá pónapona pemujjünene werrena pá cuartel nuka), baja powa barrü kuaikuijai. ¹⁵ Baja ra powa jumaitsi baja rá pa mónae jawabelia. Baja ra pakuenia jumaitsi Dioso Israel pijinü: Pajumaitsi mürre baja ra ponü péka itorobinü jjanü jawa berrena. ¹⁶ "kajumaitsi Dioso kapatojopajü rá jane baja maje jótanejjaje, pamonáe jota jinawanapaje dajjita pá domae beje pónapona baja rá pá libro jawata paka tsimüjjü leba rey Judá. ¹⁷ Tsipaji baja rá pamónae nenatsi pü jjüába nawajüka itsa diosowi jawabeliá baja ra pakuenia né anaya ejjana, baja rá pakuenia penawájüka wana páejjae. Nejjata jjanü barrá natsipae bajü má panakuá pijiwije, ápo ya müjjü itojorobinü tsane." ¹⁸ Máta wüjüa rey Judá pijinü paka itóroba patáne yanijiobi nejjamü, pajumaitsimü tsanéje má paka jumaitsi Dioso Israel Dioso pane nayajiwi jumetae jjaeje papeka jumaitsi jawa pá libro bájjütotaje, ¹⁹ Najamatabü jjainame, nabijiobi rájutame Dioso pita barata pakuijináe nejume tanemé taka tsipaebi jawa má jóta nejja dajjita jóta páne jinawana paewi, pá werre werre kaename patü paename, nija camisa nijumá ponaponéjawa nawé júma titikame, natsi nuáme táne taejjamü jjanü áta kajúme tanetsi, jai Dioso. ²⁰ Nejjata má jotaje, jjanü kabarü ponaenatsi ájja jiwi yajawa, pana kaetua tsiame jamatéjema áta pánetüpae jawábelia ápo taemü tsane pewerre werrekáejawa nija nakuá pijiwi.