¹ Manasés jjaina doce (12) pa waybeje pakujiniaae tajjujjuaba pe reinabijawa; ajaraponü reinaba cincuenta y cinco (55) pa waybeje Jerusalén jawata. Hepsiba pejjunato. ² Ajaraponü ejjane pebisiakuene Dioso itajjutua, be pitsi pebisia kuene ejjana pa nakuanü jawa werena Dioso Israel tomara juta. ³ Tsipaji ajaraponü péjana kuenia nakueneba Ezequías penawajü kabiabi jawata, paja, bijiana, ajarapoonü nakueneba altar jawanü Baal nejja, nakueneba poste aserajawa, pakuenia, Israel pija reynü, ejjana, yajawa ajaraponü na büjjü tsuta itabojjo piji tulupu jawabelia yajawa nawajüta ⁴ Manasés nakueneba pagano altariani Dioso pija bó jawata pikani Dioso jumaitsitsi pakueniaje: "Jerusalén jawata tawünü nakupatsiana dajjita nutakabinejja." ⁵ Ajaraponü nakueneba altarianü dajjita atjübü tulupunejja anija panabotabeje Dioso pija bó jawata. ⁶ Ajaraponü pejjünato nakueto jeyabualia Isoto jawalia; ajaraponü ejjana peya ujübijawa yajawa penajorobijawa yajawa nataeya ejjanabiaba pe tüpaewi pe barü kuaikuaijaiwita yajawa espírutus pe barü kuaikuaijaiwita. Ajaraponü ejjana bitso pe bisiakuene Dioso itajjutua yajawa Dioso anaepanaya ejjana. ⁷ Aseranü ajaraponü pe ejjanaenü, ajaraponü nóta Dioso pija bó jawata. Ajarapabó yabara Dioso sipaebatsi David yajawa Salomón, David pejjünato, Ajaraponü pakuenia jumaitsije: "Pabó jawataje yajawa Jerusalén jawatalia, itapetajü dajjita Israel wirriawi, tawünü rutsianajü dajjita matakabinejja. ⁸ Jjanü apo kopatsinü tsane Israel peponaponejawa pewajünae pijiwi ta rajutsi ira wekua, itsa ajarapamonae jjaniawaetsia ne jume kowünütsipa dajjjita ta itorobijawa ajarapamonae, yajawa pe katsite kaejawa dajjita ley Moisés pe itorobijawa. ⁹ Tomara baitsijane apo jumetae, Manasés kujaruba pebisiakuene pe ejjanaenejja, bitso mata to jjenetsia Dioso pe werebiajjuabi nakuanü Israel tomara itajjutua. ¹⁰ Nejjata Dioso kuaikuaijai pija jiwi yabara, profetanüanü, jumaitsi: ¹¹ "Itsajjuajitsia Manasés, Judá pija reynü, ejjaname pebisiakuene jawanü, bitso matato jjenetsia pebisia kuene ejjana dajjita amorreo wiwekua pe jinawanapaewi ajaraponü pe wajünaeya, yajawa Judá pecabiaejjana pija idolowita. ¹² Akonojjaeta, Dioso, Israel pija Dioso jumaitsi jjuaje: "Taema, jjanü karenanütsane pebisiakuene Jerusalén jawaberena yajawa Judá dajjita ´pamonae jumetaena, anija mujju wojotobeje mujju najume tsiana. ¹³ Jjanü buatsianajü Jerusalén jawata pe kaujübi cordel jjua usaba Samaria wekua, yajawa pa plomada usaba Acab piija bó wekua; ¹⁴ Jjanü limpiabianajü Jerusalén, pakuenia pebi ba limpiaba plato, jiarana pona atjübü wetsika irabetsika. Jjanü jjuabianajü tane rajutsi bitsauto rajutsianajü pekueyawi pekobeta. Ajarapamonae pija victimawi na ejjanaena yajawa saqueabianatsi dajjita pekueyawi. ¹⁵ Tsipaji ajarapamonae pe bisiakuene ejjana ta itajjutua, yajawa ne anaepanaeya ejjana, egipto jawa werena pija salinaiwi pe pitsapae matakabi kujinae, ajéna pa matakabi jawaberena." ¹⁶ Abajjü kájena, Manasés jana kayajata pe anekoni jibiwi, belia baja Jerusalén wünüta welia kujinae itsa mujjunene jawabelia pe tüpaekuene. jjua ra maje Judá pe pecábia ejjnaejjae ajara ponü, pakujinae ajarapamonae ejjana pebisia kuene Dioso itajjuta. ¹⁷ Itsakuene jawanü Manasés yabara, dajjita jjüa ajaraponü ejjana, yajawa pa pecado ejjana, ¿Dajjita jjuanü ejjana reyes de Judá pija librota apo yakinarutsi? ¹⁸ Manasés majita pija salinaiwi yajawa yajawa mutjütatsi pepo pija bó jardín jawata, Uza jardín jawata. Amón ajaraponü pejjünato, reynü naejjana pekuwüta. ¹⁹ Amón jjaina veintidos (22) pa waibeje pakujinae tajjujjuaba pe reynabijawa; Ajaraponü reinaba dos (2) pa waibeje Jerusalén jawata. Pija mama pewünü Mesulemet; Haruz de Jotba pejjunatoyo. ²⁰ Ajaraponü ejjana peHisia kuene Dioso itajjütua, be Manasés, pajja, pakuenia ejjana. ²¹ Amón pajja pe tajjü namutua pona, yajawa adoraba pajja pe adorabi idolonuanü, jume kowünüta ajaraponüanü. ²² Ajaraponü nakofunta Dioso, pajja yajaba péna pija Dioso, yajawa apo ponaponae Dioso pija namütota ²³ Amón peto nakuenebiwitsi barra jamatabü natsipaebatsi beyajjuaba reynü pepo pija bóta. ²⁴ Ajarapa ira pijiwi beyejeba dajjita pe barra jamatabünatsi paebiwitsi reynü ejjana Josias, pajja pekowüta. ²⁵ Itsakuene Jawanü Amón yabara, jaraponü jjua ejjana, ¿jjuanü ejjana reyes de Judá pija librota apo yakinarutsi? ²⁶ Tomará pijiwi mütjütatsi pija mütjüta Uza jardín jawata, yajawa Josías, ajaraponü pejjunato, reynü naejjjana pekowüta.