¹ Ngalaka dakoh, Yesus bajalatn ngalilikng Galilea. Ini' kati ituh bajalatn ka Yudea sabab ayo- sok Yahudi ka teetn bamaksud yak ngamis Ini'. ² Jangkah dakoh, ari raya sok Yahudi, kohta ari raya Pondok Daun, nga jiket. ³ Karna dakoh, age-age Yesus nyasana wa Ini', "Barangkat ta umpatn diah ka Yahuda sapaya murit-murit-Mu' uga aok' mile' karaje-karaje da Imu' umas. ⁴ Sabab kati ani nyungan sok da umas jaipun da tasambunyi sa' ini' ngate gatn kanal sacara umum. sa' Imu' umas hal-hal dakoh, nyuaak ta umpu' adup Mu' wa dunia." ⁵ Sabab, age-age Yesus sadipun kati pacaya wa Ini'. ⁶ Yesus nyasana wa ayoa',"Ano Ko' tinga utukng, tapi ano mu' aok' salalu tasadia. ⁷ Dunia kati' bisa rusi' ge' imu', tapi dunia rusi' ge' Iko' karna Iko' mangkatn kesaksian tentang dunia, bahwa parabuatan-parabuatana' diu ta jahe'. ⁸ Anu lah ayokupm wa parayaan dakoh. Iko' katinga anu wa parayaan dakoh karna ano Ko' katinga utukng." ⁹ Laka muji' ladakoh, Yesus tetap madi' wa Galilea. ¹⁰ Namun, ngalaka age-age-A anu ka parayaan dakoh, Yesus uga anu ka teetn, kati' sacara tarak- tarak, tapi sacara diam-diam. ¹¹ Ayo sok Yahudi najo Ini' kasadatn parayaan dakoh, ge' nyasana, "ka dume Ini?" ¹² Ani karah umong-umongan ka antara sok karah manganai Ini'. Ani da nyasana, "Ini' sok bait." Ani pula da nyasana,"kati, Ini' nyasat rakyat." ¹³ Ao' ta, kati nyungan sok pun barani nyasana terus tarang manganai Ini' karna buut wa ayo sok Yahudi. Yesus ngajar ka Bait Jabata ¹⁴ Jangkah parayaan dakoh masih balansung, Yesus maruh ka Bait Jabata ge' mule ngajar. ¹⁵ Ayo-sok Yahudi ngajadi heran ge nyasana," Langkina sok diah umpu' pangatahun da ladiah, padahal kati' balajar?" ¹⁶ Yesus naham ayoa' ge' nyasana,"Ajaran-Ko' kati barasal umpatn Adup Ko' sadi, tapi umpatn Ini' da ngutus Iko'. ¹⁷ Sa' nyungan sok ituh umas kahendak Jabata, ini' ao' pane ajaran-Ko', diu' ta dakoh barasal umpatn Jabata ato umpatn Adup Ko' sadi. ¹⁸ Sok da nyasana umpatn adupa' sadi' najo hormat yak adupa' sadi', tapi sok da najo hormat yak Ini' da ngutusa', ini' batol ge' kati' ani da kati' batol ka sadatn adupa'. ¹⁹ Inya ta Musa laka mangkatn Hukum Taurat wa imu', tapi kati' nyungan sok pun umpatn antara mu' da pane hukum dakoh? nyai imu' barusaha yak ngamis Iko'?" ²⁰ Sok karah dakoh naham,"Imu' karasukan roh jahe! Asi da barusaha ngamis Imu'?" ²¹ Yesus nyasana wa ayoa',"Iko' duhutn umas nyiteng karaje ge' imu' samaan heran. ²² Musa mangkatn mu' baturih, sabanara' dakoh inya umpatn Musa, tapi umpatn sama moyang, ge' imu' nurih sok ka ano Sabat. ²³ Sa' nyungan sok pun gatn nurih ka ano Sabat singga Hukum Musa kati' gatn malangar, nyai imu' baji' wa -Iko' karna Iko' umas nyungan sok sapanuha' ka ano Sabat? ²⁴ Iyak manghakimi badasar da tile' tapi hakimilah nige' panghakiman da taman." Diu' ta Yesus ani ta sang Mesias? ²⁵ Lakadakoh, nyamani ungan sok da madi' wa Yerusalem nyasana,"Inya ta Ini' diah Sok da ngate ayo sok ngamis? ²⁶ Ao' ta, mile' lah, Ini' nyasana sacara tarang-tarangan ge' ayoa' kati' muji' jai pun wa Ini'.Mungkin ta ayo pamimpin dakoh batol-batol nga pane bahwa Ini' diu' ta Kristus? ²⁷ Ao' ta, ite pane umpatn ume Sok diah barasal. samantara dakoh, jangkah Kristus utukng, padahal sa' Kristus utukng' ti' nyungan sok pun pane umpatn ume Ini' barasal." ²⁸ Karna dakoh, samantara Yesus ngajar ka Bait Jabata,"Imu' memang nganal Iko' ge' pane umpatn ume Iko' barasal.Namun, Iko' kati' utukng umpatn Adup-Ko' sadi', taapi Ini' da ngutus Iko' ta banar, imu' kati' nganal Ini', ²⁹ tapi Iko' nganal Ini' karna Iko' barasal umpatnA' ge' Ini' lah da nga ngutus Iko." ³⁰ Lalu, ayoa' barusaha nangkap Ini', tapi ti' nyungan sok pun bisa aboh Ini' karna ano-A tinga utukng. ³¹ Namun, karah umpatn ayo sok dakoh pacaya wa Yesus. Ayoa' nyasana, "Sa' Kristus dakoh utukng, diu' ta Ini' ao' umas labih karah tande ajaib daripada da nga gatn umas Sok diah?" Pamimpin Yahudi Barusaha nangkap Yesus ³² Ayo sok Farisi dangah jai da gatn nanyasana sok karah dakoh tentang Yesus, maka imam-imam kepala ge ayo sok Farisi ngadu ayo panjaga Bait Jabata yak nangkap Ini'. ³³ karna dakoh' Yesus nyasana, "Ano-Ko' samahu-mahu nige' imu' sabantar agi ge' ngalaka dakoh, Iko' ao' anu wa Ini' da ngutus Iko'. ³⁴ Imu' ao' najo Iko', tapi kati' ao' amput-Ko'. Ge', ka dume Iko' madi', imu' kati' bisa utukng ka teetn." ³⁵ Ayo-sok Yahudi dakoh nyasana nyungan wa da laitn, "Ka dume sok diah ao' anu singga ite kati' bisa amput Ini'? diu' ta Ini' ao' anu wa sok Yahudi da tasabar ka antara ayo sok Yunani, de' ngajar ayo sok Yunani? ³⁶ Jai maksud saratn-A da nyasana, 'Imu' ao' najo Iko', tapi kati' ao' amput-Ko'. Ge', ka dume Iko' madi', imu' kati' bisa utukng ka teetn?'" Yesus nyasana manganai Roh Kudus ³⁷ Ka ano tarakhir, kohta puncak parayaan dakoh, Yesus agutn ge' ngampak', watn-A, "Sa' ani da aus baitlah ini' utukng wa -Iko' ge nyucur. ³⁸ Sok da pacaya wa-Iko', ulah da gatn muji' Kitab Suci, umpatn sadatn adupa' ao' mangalir alir paitn idup.a'' ³⁹ Hal da gatn maksud Yesus ani ta Roh, da ao' gatn narima oleh sok pacaya wa -Ini'. Sabab, Roh dakoh tinga gatn mangkatn karna Yesus tinga gatn muliakan. perdabatan tentang Yesus ⁴⁰ Jangkah ayoa' dangah saratn dakoh, nyamani umpatn ayoa' nyasana, "Sok diah batol-batol sok Nabi." ⁴¹ Sok da laitn nyasana, "Ini' diu' ta Kristus. " Sok da laitn agi nyasana," Mungkin Kristus utukng umpatn Galilea? ⁴² Inya ta Kitab Suci muji bahwa Kristus barasal umpatn katurunan Daud ge' umpatn Betlehem, desa tampat Daud madi idu'?" ⁴³ Lalu, tarajadilah perpacahan ka antara ayo sok dakoh karna Ini'. ⁴⁴ Nyamani ungan sok da umpatn antara ayoa' da ngate nangkap Yesus, tapi ti' nyungan sok pun aboh-A. Kati' pacaya nyamani ungan pamimpin Yahudi ⁴⁵ Karna dakoh, ayo panjaga Bait Jabata dakoh malik wa imam-imam bepala ge' ayo sok Farisi, da mansikatn wa ayoa', "Nyai ayo kupm kati' minsakng Yesus?" ⁴⁶ Ayo panjaga Bait Jabata dakoh naham, "Kati' nyungan sok pun suah nyasana ulah Sok diah!" ⁴⁷ Ayo sok Farisi dakoh naham ayoa', "Diu'ta ayo kupm uga laka gatn nyasat? ⁴⁸ Ani ta umpatn antara pamimpin atopun sok Farisi da laka pacaya wa-Ini'? ⁴⁹ Ao' ta, sok karah da kati' pane Hukum Taurat diah diu' ta takutuk!" Pembela Nikodemus ⁵⁰ Ao' ta, Nikodemus,nyungan umpatn ayoa', da idu' suah amput Yesus, nyasana wa ayoa', ⁵¹ "Ani ta Hukum Taurat ite manghakimi ayo sok dakatinga gatn dangah hal gatn mujia' ge' gatn ngapane hal da ini' umas?" ⁵² Ayoa' naham, "Diu' ta imu' uga sok Galilea? salidik ge' milelah bahwa kati' ani nabi da utukng umpatn Galilea." Mahu da tatangkap Bazina ⁵³ Lakadakoh, ayoa' samaan ure ka ramin masing-masing.