1 Nem nate Saulus, kena selrayte mendo pekote mekoyowe, Yesus kena yau-yauna baite tutu bon dena, Imam-imam bekenka kote yowe, 2 Youna kaye semoblrate ikainelre ongko meteyo, Damsyik nopite yone nepe milre dowe yan walri te kepanya Yerusalem te omru bonde nendena kaiye mestlra-mestlra mekondena. 3 Nepe otote yowe, nakay nopi Damsyik nopite younakai tikimbanya, bulrana kia erembuko nete dulrun suku. 4 Ate kani bulra telreke tikumbaya a bulra remeyo we wande nete simiyone, Saulus, Saulus beyatena dete pekote mekoyete. 5 Saulus atebetopeko wande simiyowe woka sin? De yan Walri yei weyan dete pekote mekoyete. 6 Netenate Esuyemunu kotate esute esute ewe, wete santlrewe biasa kembalrite mekouna. 7 Detelro nemblre yaina nenpne topiaiye tiaiye nenana delro ambay. 8 Saulus kani bulrare esuyemuku, wande doute, emembuko sai-saisi mena ambay. 9 Nepelra, ya namin srey Saulus dou itipai nepelna sa anipai bu anipai. 10 Ne serina, Damsyik yone Yesus kena yaw-yauna ena eido ananias, walri nete emi bulrune saniyone. 11 Walri nete sanuyone Esuye mune dani sipilre sipi enuna kai Yudas kena miete ewe nena mie te ewena Tarsus tetrote duwewe, nena eldo Saulus nepene neke. 12 Eni Warolre doute teyouna detlro simbei nena eido Ananias douw Erembuko. 13 Nemane ananias atesaku Walri denepebetoyarlre erilyai ye da detlro, wena detro Yerusalem ne pekote mekoyewe. 14 Dapena nena wake klriyowe Imam-Imam berengka, ye da detlro, wena detlro bekembonde. 15 Embena kai walri kena eryona, dadelro dena akiyate donde Andoafi-adoafi, serai-serai. 16 Wetenate dewete klriteoponde. Neperena, dete kulri tembone beya mane se doplre tuwane nelre Dena eudo tangmote. 17 Neperlna Ananias eu bralne mete kropko Atesanuyonu, dokeka Saulus, Walri yei eu prekiapeko nipi nelrone, neye dete sanuyutu atote mialre neperlna doute-nekote tewe Aru mero-mero eu bulrane sakonelre. 18 Tikimbanya, nene dou yerlna kaneng mane Ate barlyaye doute nekoteyowe nepelra neperlna esuyemuku bute kerambuko. (Saulus Walri Yei Kena Akulruntesane Yomu) 19 Neperlna, sate anupoko, Saulus wake doku neye yau-yauna pitre Damsyik ne yoh meslrei nepne nikiaye. 20 Nepeltrena, seray beite walri yei kena Ate sinagoge-sinagoge ate yowe Mang walri kena yei. 21 Meterlna detlro Ate botoyaye eubrulna eritninane yateyomo, neperlna ate erilyaye, Datelro Yerusalem ne detlro te tutu yomu nena eidote erilyai ya date miyaina nena mendote mekoyaina nete sabeke naipone donai Imam-imam berenlka kote naina." 22 Nemane, Saulus wakete daku ate elriyowe nepena Yahudi detlro Damsyik ne nikiyaina beneng-beneng mane terelpre Walri yei. (Walro Misi Krimbey) 23 Ya meselrei nepe nikiyaina Yahudi detlro mendo pekote mekoiyaiye Saulus te baite tonaipone. Nemane kerai Saulus nepe nimeibuko. 24 Nemane keraite mokoiyaina Saulus nepe nimei buko. Neyo nepe semate deneye dalse semate gerbang memautu nepe tipiaina nemane balte tonai pone. 25 Nemane sat, Saulus kena yauna-yauna netedokailnere deneya ate dokaine yaye tobune adukaiye. (Saulus Yerusalem) 26 Neperlna Saulus Yerusalem te yowe kena mendo mekokoyona yau-yauna, nemane sate meterlna endi kita dekoyai ye nemane sate endikite dekoyaine yau-yauna. 27 Nemane Barnabas, Saulus te meterdoku nelre ate doku yowe, nepe ate elriyowe ate sawu yuwu beya mane walri te nipi nelrone tiyonu mang walri nete ate sanuyumu Damsyik yone. 28 Nemane, Saulus Yerusalem te yowe, kena mendo mekokoyona yau-yauna, nemblre-nemblre esute malre nekoute basute malre Yerusalem ne elrmate mang walri kena wakene ate erlmalre. 29 Nete ate erilyowe neye Helenis detlrote saneyomu nena mendo mekoyone nete baite tonaipone. 30 Nena doukeka-doukeka mendo beimote dokaiye ate naiye ke Kaisarea nepelre Tarsus yote. 31 Nena jemaat meterlra Yudea, Galilea, Samaria, nena yereu nepe poitelre nepe nekaiye. Da yereu walri dekoite-dekoite yambu poi emblre-embulre wal malre. 32 Ya beiska otote walre yowe, meterlna noute walreyowe neperlati detlro walri te kepaiya. 33 Nepe yowe detlro simbei plre tupeyonu nedetlro kena eido Eneas ku arlwa bulra nepe teneyowe nena mai teneyowena Misi suna Namin. 34 Wande, Petrus wai Ananias te sanuyunu walri kena eidone esuyemunu kualrawa pendar pone esusereu, Enias esuyemeku. 35 Nepena detlro nepeni kiyaiye Lida nopelre Saron yo pelre doute eti yaiye nekote buralsiki Mang Walri kote. 36 Yope neyone milre simbei nena eido Tabita nena eido simbei Dorkas. Nena kembalri mekoyona kena tema bulrane. 37 Nedaine sane teneyowe wande tetepeko neyatati detlro miyaiye bute kaibuko bulra tedokai ne yaiye. 38 Lida yo perlre Yope yo nopi telre, yau-yauna tebetoyaye Petrus Wai dipine nikiyowe, detro beserey. Pertus wai kote yoye, weserai bey denekanden yote ewe. 39 Nemane yemuku nemblre nepe yaye, nepe yowe Petrus wai dokaine yaye buralte dokai ne yaye. Milre osoi miyoye Petrus kena euyena tipiyane dimite-dimiyaiye, medaren, mesemo tiyaiye Dorkas men neyapo nemblre-nemblre Walri yaye. 40 Nepe Petrus esube yowe esuna detlro di diyote membe, Petrus esube yowe esuna deltro diyate membe, Pertus yengkente dudupuko Walri te saneyume. Diman tete bulrate tiyowe wande atesane yono Tabita esuyemunu nepelre memilre doute erembuko Petrus te doute tiyunu wande esunekewe. 41 Nemane, Petrus metenunsuku nete doku nelre esuye muku. Petrus detlro melro-melro milre osoi ate sanuyumo Tabita nepe deiyepeko. Nepelre akurung nepe deiyepeko Yope yone. 42 Nepelre akurung nepuko Yope yone Neplre Walrite nepelre detro doplre walrite terepelre erai peko. 43 Nemane Petrus Yope yone Simon tiki doplre niki yoye da detro malrisa elrete weke wena.