¹ Ne yapone, sambei detelrote busi-busi mekoyainme Yerusalem ne, ne metelrena yosite sereyowe nouw-noute Yudea, nepelre Samaria nekai pekona walri yau detelro ² Mro-mro detelro mesereimo, Stefanus te bulre aisasuku nepernalati netena dimite dimiyaiye. ³ Neperna lati, Saulus kerate mekoyowe neperna lati aru ongko miete fayome. (Filipus Walri Asnate Samaria Ne Saneyomu) ⁴ Neperna kaye, ne detelro selreyowena walri asnate yore-yore saniyaime ⁵ Filipus Samaria na yosite osuke yowe walri yei kena eidote saneyomu. ⁶ Neperna, detelro fereng kenate beite mekaipeko Filipus kena A saneyomona betoiyaiye. Neperna busimena nou kikeyowe nate tiyaiye. ⁷ Netenate, alru pekho delro kena au ailri baite saiyaiye, neperna arate armatelre sayaiya, neperna detelro felreng yefrana neperna mendaina te deyomu. ⁸ Netenate ne yo delrena kalri eine. ⁹ Nemaneye, detelro simbei nei eido Simon alru peko kalrate kilriyomu Samaria detelro nete dekoyaine, eidote doyaine detelro delre. ¹⁰ Meterena detelro buso neparre detelro delre saneyomu, " Da detelro Allah kena delre kalro waketelre." ¹¹ Neperna metelrena dou nemote tiyaiye, netiki pelre nena ne alru kembalri mekoyowena. ¹² Metelrena detelro Filipus walri dia tena asua walri te seneyomu neperna, Yesus Kristus kneeldone butu kroyomu melrena melre dore ¹³ Nemalati Simon lati telpelre te elrepuko melrai bute krumbuko ne Filipus e talunenre walri kembalri benedawiyai nei douteyowe telpelrete urepuko. ¹⁴ Ne supone, Yerusalem na walriyau selro betoyaiye Samaria detelro walri akulrang te tepelrete elraipeko, Petrus peko Yohanis snaikeko hepena netelro kote yayi. ¹⁵ Ne miyoiyi walri asani-sani pelre, alru mro-mrote nei tame tatenaye. ¹⁶ Ne kalrotera alru mro-mro detero beimena kena bulratena mipai, nemei melrai bumote kroiyomu, walri yei kna eidone. ¹⁷ Neperna Petrus pelre Yohanes mete berengka bulrane tapiyaipe alru mro-mrote yatiyai ye ¹⁸ Nedaine Simon teyowe alru mro-mro walri you delero kna me tapiyainya walrore yati yaiye, Simon alru mro-mrote doi yatendenai. ¹⁹ Aye diyiyowe, da delre kalro lati de yatipe, netenate memna detelro dena mete barengka bulrame tapetepona nenei bulrate onsine. ²⁰ Nemane lati, Petrus Simonte saneyonu pailati wena nedoi wembre yatekope wena mendo mekoyena walri diki diki kalro detelro doi yetayena. ²¹ Da kalro nekeweno wena walro bete ambai, wena kena mang walri tena telpelre sawipai ²² Peko mekauna te silki-silki eina neperna lati walri asani- sani eine netena elrembona mena, wena kenatwanyena sukuneu pone. ²³ De tawarlena we bize pete telre eine nekeye, nupena lati peko sabuso eine. ²⁴ Nemaye Simon ate saku neperlati saneyonu," Dete walri A sani-sanine diki diki detelro kote netenate nesani tena dena aubulrate twaipai." ²⁵ Netenate Petrus pelre Yohanis ate elriyoiye telpelrete walri ate saniyoime, nekoute Yerusalem brnsiki Samaria ne yotenainate A awalrote sangkeipelre miyoiyi. (Filipus Etiopia Detelrote Melraibute Kroiyomu) ²⁶ Neperna kaye, walri A kembalri detelro Filipuste ate elreyowe, saneyonu, " Sasime nepelre nou sate ewe, Yerusalem A tena nipi Gazate ketekuna nipim nempi kulrung banya nipi. ²⁷ Filipus saseke oto yowe napelre Etiopia detelrote tupe kenelre. Ne detelro semo yati-yati detelro delremena apelre nyeina sri kandake, Etiopia ondoafi mulre. Ne metelrnea syazasi ondoafi milrekna neibulrane riyewe kafi-kafi kalrote Yerusalem te meyowe. ²⁸ Neperna nekoute dite endena, nepernalati krete eine nekeyowe Yesaya kena A walrote beyowe. ²⁹ Neperena alru Filipuste sana yonu, " Ewe di kelreta mewenate mbeine epe ³⁰ Neperna Filipus kelreta yete tenuyawe, betoyawe ne deltero Yesaya kna A walrote beyowe, Filipus nete simi yonu, memai ne semo buyena mandotena douke? ³¹ Neperna nedetelro ate saku, "Blamame mendote dotulre, nemenatena detelro dikeniteponate?" nepernakaye Filipus te simiyinu bulrate elsinde nembei nekeneiye, ³² Ne supona, walri semo kepeina arwalro buyowena damane, "netedoukainyalre malrisya mane peraina naute, nepelre malrisa pie proipaiyna A doipai, neperna embrutena nawipai. ³³ Nete moryeysiye, apupeune sraitiatike, simi nenei tou ate sanenre? Nenane sate neiyareu da yobrare bise meye doikanre" (Yes. 53:7-8) ³⁴ Neperna kaye A keya detelro Filipuste ate elroyowe,saneyonu "De avete diyawalre, singtena A da akulneng Nabi saniyeimi, wetena A kulrung bay detelro satena. ³⁵ Neperna Filipus nete wamena semo beiyiyoina ate saneyonu," Da saneyonuna Yesus tena A walro te saneyonu. ³⁶ Nepelre ne supone nipite walri yaina baparena noute yoiye A yati-yati detelro saneyonu "timboine, bu di yawe beyasa bete nalrute, melraibutena?" ³⁷ Nepelre Filipus nete saneyonu, nemetena tuamai wei kena terpelrete sawewena", tuaimay poilati ne ate saku sanyonu telpelre terete saukalre Yesus Kristus mang walri nuwey ³⁸ Nepermakaye akeya detelro demeweke kelretate malrufuko nepelre benamane bu erte osekeiye Filipus merasbute krombuko. ³⁹ Neperna buieire elrike, Tuhan kena alru Filipus te dokununlre nekeya detelro betepelre sitifai, nepelre ni ditena nipitena kalri-kalri kena kalrite. ⁴⁰ Filipus yowe asdodne tupekainre ne yekeburate malreyowe asna walrite saneyonu nueterna nepena yote nesna kausare yowe.