(Stefanus Te Di Kambeko) 1 Neperna, Imam delre sameyonu, beyomame nemena telpelre? 2 Nemena, Stefanus saneyomu dokekapo memaipo dete betombe Mang Walri mro-mro ena angkeyang te erite kiyambu, ne daipona Abraham Mesopotamia ne nekeyowe , haran na nikipainya sreine. 3 Neperna saneyomu ewe kai bulrame mengke dokeka nelrore, mene kanite kelriteupone. 4 Neperna, Abraham Kasdim kaui te hukumbuko Haran nekeyowe. Neperna nemang osuku Allah mang walri saneyomu da kauite meyowe nou menya nekauwe. 5 Nemeneye Mang Walri nete sasena mena yipaim nemane lati kaui walro mbeimena yipai nemane yee Abraham pelre ayungte kroipeko nenei mena neperna nenei mena otonate yansite nekenaye, ne yatone Abraham yei ambainya sreine. 6 Neperna kaye Allah Abram te saneyonu wei mena otorna bairena detelro mame detelro kena kawi bura naineke, netena lati busi-busi mekonainilre maay muku krembey serei nekenaye. 7 Nemenaye ne seraytena suenblere busi-busi mekoyaimina netena seete yitimlre, Allah kena seneyomu, "Neperna diterna lati baite mame walri yau eine dete kanaitelre datoune. 8 Nepere Allah Abraham te sunat tena afungte sasuke. Neperena Abraham Ishak nemang nete sunat te mekombuko. Nepelre Ishak, Yakub, nemang nepelre, Yakub Israel mebesunabe Israel tou berengka. 9 Nepelre yembe kalrone Yusuf ena tou berengka mein yote naite mekopuko, nemane ye Allah yusuf te trorobuko . 10 Nena se twamena tromrobuko, nena setwayonane dikimbuko nepere mendo kalrate Firaun bukoununa Mesir ondoafi, dikimbuko berengka walrote Mesir ne nepelre dia delrene. 11 Ne may pone, sa ketemupuko Mesi pre Kanaan moning depelre tunainye ena angkeyang sa muna betepelre tupeipai. 12 Nemaneye, ne yapone Yakub betoyewe mairne gandum ne ena angkeyang te samemupuko memte telretena Mesir te yaiye. 13 Dabe tenayaiye Yusuf eate mekoyouwe dokeka nimei naimbonate, nutenate Yusuf nenai dokeka po Firaun neimai nemfonate. 14 Neperna kaye Yusuf ate mekoupuko Yakob nenei memay nepelre nenei metelrena mengke dokakapo, 75 metelrena mane tetedoku nepelre. 15 Nemane sate Yakub Mesir yote osuku. 16 Diperna kaye sekhem yote mekaipeko yaiye, bulrane Abraham hesmir hubei doidulu. 17 Nemane kaye, atung kroipekona nopiye yewei Allah Abraham te sanembukona nenei tou nemanemate kewende Mesir yone. 18 Nekeyai ondoafi si Mesir eminde Yusuf tena nimeipainya. 19 Ne ondoafi mendote yembeniside ena angkeyang te busi-busi mekoine melre nele nanenaimre yeimi nainate baite yelronaye netenate yareni kalrote tenaimbonde. 20 Ne maipone, Musa te song kaiye do yekote Allah kena bukou nune, depelrerena Musa nei nemangkena miene oko naming mo 21 Ne yasreine kengkai nelrena Firaun nomi dokainengle nafiyaine nenei yei mane. 22 Nenate Musa bei bei kalrotena Mesir kena mondo kalronete mundo pelre kembalri kalro meku nimenibuko. 23 Nemaneye, neyapone Musaa maay do bete kelroyona. Kenafine iwayone nenei dokekate tenemlenate, Israel srai. 24 Neparna detelro sembeite busi-busi Mesir detelro mekoyoinae Musa meyena nete dikimbuko Mesir nate taipeko. 25 Musan mendone mekoyonu nenei dokekai nemai nambona Allah, Musa kna walrolre nute nenei eute tromronei ponete. Ne kalrotena ne mendo doipai. 26 Ya betena meyowena, Musa Israel do be sangkute tuteyoiye,nebete talreyopu, nete sanyopu nei we ne dokaka mbai beyatena sangkute tatuwe? 27 Nemanaye detelro do kekate kilrite deyonuna Musa te euyete yepopa sanyonu, sime wete keusuka delrete nekewe neperna lati dena ate tiyewe. 28 We detetorupone weyane Mesir detelrote topuke? 29 Ne ate betopuko, Musa sepuko Midian ne detelro kena yone ke neke yowe. Dipene keneyowe maay yei dobe sereyna. 30 May do muku krimbey yufuldo, Allah kena kembalri detelro, nete sinai meko paune eute kyambuko, sing peu sase bulrane dekoyowe. 31 Ne daine Musa teyowa, kaitate twayonu nesing dekoyowe, nipite tenenbona mangkena akulrang nekote meyowe 32 De wei angkeyang kena mang walri, mang walri Abraham angkeyang Ishak, angkeyang Yakub, Musa eu titeyena endikite dekokuko sing noute doie itipai. 33 Neperna, Mang Walri ate saneyonu oto elrete baite simbone nou we tepeyena kaui mro-mro. 34 De nepe tamaire delrai detelro da mairne nena peko tuaina, nenei dimi dimatina nepe detalre, nepelre de, nepe osukalre nuete tromrotempone daiamewe wete tiyetekone Mesir te ene. 35 Musa aye sraipeko wetena simi kesaku delrete dena bulrane nekewe neperna lati dena ate tiyewe. Ne mang walri tiyekuko delre tenekende neperna lati butena nekende Mang Walri kena kembalri detelro kena me walrore bulrene eute kiyambukona. 36 Da detelro baite yatenemlrem nenei delrete kilrinde, kembalri busi-busite Mesirne mekonde, neperlati nimi naurie nepernalati pau delrene warnaine maay do maku krimbei. 37 Musa de Israel tena desani yamerle, mang walri ena nelrore detelro sire kribone Nabi de mane dekende. 38 Ne detelro da walri yale nerolre pau kalrane mataikat pelre Sinai mekone ate elriyoiye. Nepelre ena angkeyang pelre walri semote kinelre ete yilmimlre. 39 Ena angkeyang baite salre yaiye Musa tena betoipasi, nepelre eute kuwansiki kena eine iwayaine Mesir te burnaponete. 40 Harun te saiyainye, kafi-kafina me komupone ena bukoune Musa tena walrenaye. Embre Mesir kani re baite yatekemlre, de lati hemcipai biamane nanlpuko. 41 Ne yapone malri yeite olre mukaimbeko neperna lati nenei kembalri busi-busite mekoyaiye. 42 Nemane latim mang nete temupuko nenei manona pelra detelro delronate kafiyainye, Nabi kena semone mrapekonemane. 43 We molok pane nepelre Malrisa kafi-kafina. Refan nepelre dosena-sena mesemo mekane bungko nete kafenembe netenate de wete sartempone Babel butuye disune. 44 Ena angkeyang noruna pelre doukaye, paudelre ne mang walri musate saneyonuna mekouna sino, krisepekalrena mane. 45 Ne palrete mene dokaina, ena angkeyang Yosua pelre nete doukaye, nena kani sangku date yatenayena te futuyaiye. Mang walri ena angkeyang kenalre baite sarpuko Daud kena sereite. 46 Daud mang walri kena bise nei bukoune. Neperna diyiyowe noute dondu Allah Yakub nepene nekendena. 47 Neperna Salomo ye Allah tena nete mepuko 48 Nemane yalre thelre na memai neniena nikipai, detelro mesemo menaipekona, Nabi kena A sauiyeimena mane. 49 Mangno delrei dia delre nepelrena yo bulra otote pelre. Beya nete detenate merotembombe? mang walri akelrang neperna beyamena nou nate yutena? 50 Ambai mo delrei meye meternate mekoi yalre 51 Hei, we detelro berengka arma, kena pelre, buntukei pelre sunat mekoinainya we nemanemate alru mro-mrote baite srauwe wei angkeyang mekoyainamane! 52 Memna arwalri sma detelro nekepuko metelrena wena angkeyang busi-busi mekoyaime? Neperna lati detelro baite tutuyai nemeinyate akulngte telpelre detelro mbeimendena, wei eute kilri detelro nepelre tuti tati detelro mano. 53 We Taurat semo nepete doukawe, malaikat kena A sane yomuna mane, wene asenate nikipai. (Stefanus Tetaipeko) 54 Neyapone, da akulreng te butaipeko, kena eine twanunu Stefanus te eti kriti asiyaine 55 Nemane lati Stefanus alru mro-mro peruntuku manote teyowe nepere mang walrite tena moi, nepere Yesus mang walri kena metelre mesune tepuyowe. 56 Stefanus saneyomu, betombe! De manote tiyalre detelro yei yie mang walri kena metelre mesune tepeyowe 57 Nemane, ate almasaiye, bungtekeite diniyaiye ate saukaye Stefanus te peniyaiye. 58 Neperna ne are yufoyaiye yo delre elre poasute olru peniyaiye, neperna kaye doukiya tiyaina mayong tikete wekaimbeko, do selero Saulus niena ototaine sasiki. 59 Neperna ne Stefanuste krokanyelru ate neme eheyowe walri yei dena sah walri te mene douwitime. 60 Nepelrena oto yengkete dusungkuko, ate seyowe, walri yei dayo kena pekotena elritipainya ne ate sepukuna kaye tetete doukei.