(Ne Kembalri Kalrotena Betelro Motelre Elray Peko Misi Suna Bepelre) ¹ Ne yapona, murid nemna mote nebulrate kewe yowe, Helenis detelro kenane tuwai yaine mendote mekaibeko Ibran asli detelre yane-yane embulru sate wase yamna namen-namen osoi milre niki yaina netena yatipai. ² Netenate, membe beplrena rasulte sinapeko metelre miyaiye nepelre elriyaiye, "Peko mane Asnate senanem melre sa kalrotena netena yatipai. ³ Ne kalrotenate, dokeka misi suna beplrena nelrona dete iro siti elri bombe alru melro-melro eine nepelre nenei yaumbu, nete keman suide da kalrotenate. ⁴ Nepernaye, eye awalri kalrotena mendo eine tepemalre." ⁵ Da kalrotena meterna detelro kenane yuwupuko. Nepelre, Stefanus, telre pelre eine alru melro- melro nena eine nekewena, nepelrenaye Filipinus, Prokhorus, Nikanor, Timon, Permenas, nepelre Nikolaus, Proselit detelro Antiokhia kiyalrena. ⁶ Nete yate kamelre Rasul selrai kena bekoute yaiye, nepelre mendote mekai peko rasul selrai ne misi suna bepelre detelro bulrate mete tapaime peko. ⁷ Mang walri kena A walri peto douku walre yowe, nepelre nena oto touna Yerusalemna kewe yowe. Nepelre, iman selrai dopelreye da kelre pelrete elrai peko. (Stefanuste Kelrokaiye) ⁸ Nepelre, Stefanus, alru melro-melro nena eine nena delrepo, detelro telren nelrone kembalrite simane meko yowe. ⁹ Netenate, sinagoge irena detelroye Libertini detelro paimena, nekire detelro neperna Aleksandria detelro nepelre kilikia na pelre, Asiana pelre, emai peko Stefanus pelre ate kingklri yaiye. ¹⁰ Nemena kaye, ne elri yaina Stefanus kenana alru kena kembalri meko youna kitipai. ¹¹ Nepelre, nemetlre a walrote detelro site melro yaiye ate elre nainate, "De da detelro kenalte betami beko Musa pelre Mang Walri pelre tena A pkeote elre yowe!" ¹² Nepelre, detelro delrete suse yamne, detelro dasi-dasi, nepelre ahli-ahli Taurat, Stefanus kote yaiye nete kelrokaiye, nepelre Sanhedrin nena bekoute dokanelre yaiye. ¹³ Apepeu kalrolrena detelro yatekamelre ate duwai keko da detelro nou melro-melro nepelre Taurat kena acung nekai yenate pekote elre yowe. ¹⁴ Neperna, nenalre betabekona Yesus Naseret irena da noute baite dingkelren bonde nepelre Musa kena ayeko ete yate kemelre simane dumbonde. ¹⁵ Nepelre, Stefanus, kena bete tiyaine meterna Sanhedrin eine detelro niki yaina nena bete tiyainena Malaikat kena be mane.