(Ananias Pelre Safira Tuhan Kena Alru Melro- Melro Tetuwayoine) 1 Nepelrena, detelro sinena eudo Ananias, nenei milre pelre, Safira, sate naite mekoi peko. 2 Nepelre, nembilre kenamendo mekoyanuna sanai mekopukona sinenei eutenate dine kelrombone, nepelre posite olrum bonde mende, rasul-rasul kena ototoune kelrombone. 3 Nemane, Petrus sane youne, "Ananias, beyatenate mase wenakena eine kemeupuko nepelre alru melro melrote aupeute wapunsuke kani naimekopukena posite titau puke? 4 Nai mekoipainya, nekami weieuna kanipo?Nepelre, nai temekopukena, nekani wena akelrene nemekewe? Damena kembalri beyatenate weikena eine mekoye? We dadetelrotena wapipai, nena Allah te. 5 Nepelre, neate betoupukona, Anani as ate delrelce nepelre nesoneso ambai dupuko, metelrena detelro neate betai pekona endiki dopelre dekaikeko. 6 Dosekelro meselrei miyaye, dulraisiki, nepelre diyate doukainelre, kani nesasikaye. 7 Nepelre, sunamingte yowe senalre, Ananias nembilre meyo we, nenou sakiya pukona nenimeipai. 8 Nepelre, Petrus nete saneyoune, 'dete ate sane tupone, kani namekoupu kona nena delre daselrei?" Nepelre, Safira ate sauku, "Telrepelre, delre neselrei. 9 Nemanelaiti Petrus netesane youne, "Beyatenate wei dopelre ate nembei elrupuko Tuhan kena alru melro-melrote wapenisipe? Tewe, detelro kena otonou wena dote sasikaina mautune neme dinekaye nepelre wetelaiti dounai welre diya sutenaye, " 10 Tikimbai, safira Petrus kena ototoune atedelre ke nepelre nesoneso ambai depuko. Seklro esute miyaye, Safi nanepetete puko natetaimbeko, doukainelre diasute nepelre do kena euyene sasikaye. 11 Jemaat pelre metelrena detelro neate betaipekona endiki detelrete dekaikeko. (Allah Kenalre Sabisi Menakiyayaye) 12 Rasul-rasul detelro nelrone nenamelrena sa depelre laiti kiyaya nepelre nekenambei tedoukaye Salomo kena sewatune nikiyah. 13 Sibete mena ambai nembelre nembeitau naimelrena ediki tedekoyaye, detelro netena poite elri yaye. 14 Nepe ire, detelro dopelre laiti Tuhan kena eine telrepelre te elrai peko, delro detelre, nena do nemane laiti milre. 15 Nepelre, sana detelrote olru kaye miyaye nipiye enduku yaimena kuawelra sepolrena bulrame nepelre olrena kuawelra netenate Petrus mendena, nena eualreng detelro mese ire kenane bone melre. 16 Nemane, detelro dopelre dia delre delre ireng saku yenetenaine nealiti miyaye. sana detelrote olru kaye miyaye nepelre alru puko peko kelro kumulru pelre, metelrena poi duyaye. (Rasul - Rasul Te Kelrou Kaye) 17 Nepelre, imam delre eimaipeko, nembelre taukai melrena pelre, nene sadoki selrai irena, nena kena eina kilri dopelre. 18 Rasul rasuk telrouka ye ongko netiyamatiki. 19 Nepelrena, dene nelrote yowe, Malaikat detelro siongko mautetu wumusuku, diate yatekemelre, nepelre saneyoume, 20 "Embe, tepembe, Walri ongko miene asena walri teme telrena deterote sane membe". 21 Nepelre, netebetonaye, yadeukou bune Walri ongko mieteye neplre kilri yaime. Nemane laiti imam delre nembelre taukai malre nadetelro pelre yaye, sanhed tinpelre metelrena Majelis sena sena Israel nate kopilrai mepuko, nepelre detelrote senai mepuko ongko mieteyaye Rasul-rasul teolru naipone nenabukoune tenaimepone. 22 Nepelre, nedetelro senai mepukona yaye, rasul dobe ongko miena netupeipai. Nemane, nekoute laiti miyaye ate meke sane yaine, 23 nepelrena elriyaye, "ongko mietane mbukona otidina yelratiki nena metelrena semana pelre semate tepaina mautane tepaye netetu walri sikina, esuna detelro sibete pelre meratu peipai." 24 Nepelre, walri ongko mie semana belrengka nepelre ditelrate simyaye rasul-rasul kenalre damena kalrokaye beyamame. 25 Nemane laiti, detelro simeyowe netesane youme, "Tembe! ongko miete olraupuko nadetelro walri ongko miene tepaya detelro tekiraime." 26 Nepelre, walri mie ongko belrengka nena semana pelre yaye rasul-rasulte olrai peko, netena alrema bete pelre ambai nelaiti endikite dekoyaye detelro depelre nete olru tinder nai mepone. 27 Nemane laitI Petrus pelre Yohanes teyate kaipelre, Sanhed rin kenane taimepuko. Nepeplrena, imam delre simi yomu. 28 Elreyowe, "ado pelrete dina sani yanemelre nekoute neudotena laiti kilri painya, nemane laiti Yerusalem te wena asena moke meupuko nepelre wenalre mekambukona dadetelro kena sate dena bulrate imimbenate." 29 Nepelrena, Petrus pelre rasul sipelre ate saukaye, "de Allah kena tetau memalre nepelre detelro kenane. 30 Allah dena sesekasi kenalre Yesus tedeyembuko nena metelre mesune betena mane nepelrena yepe kena Allah Yesus tedeyembuko, wetaupuko nete kainone sauduku wauyowe. 31 Allah nete yalretelre nena metelre mesune taumbuko betena mane nepelre walri nipite Israel kena peko mekoyainate baite sumbone nepelre poite yatenemelre. 32 Nepelrena, metelrena de nena keyana, nemane laitu alru melro melro nena Allah detelro nete tau kainelre teikimelre." 33 Ne' ate betaipekona, nenakena sayemo tena mane nepelre rasul-rasul tebaite tutu naipena mendote mekoyaine. 34 Nepelrena, Farisi detelro nena eudo Gamaliel, taurat te kilri muna metelrena detelro nete peupeu duyamu, Sanheid tinkena bukou netepe yowe ate sane yome rasul-rasul tediyate olru mbombe membe. 35 Nepelre nete, saneyoume, "Israel detelro, poitelre nemei bombe detelrote netebeya sate we mekom bombenate . 36 Nepelre, nepelre nalaiti, nete taipeko netetaukai melrena metelre selre kuko, sibete pelre ambai. 37 Nepelrena Teudas, Yudas Galilea Irena emuku, sensus yana nelaiti detelro dopelrete yate kemelrene tetaukai nelre, nelaiti baiti taipeko metelre na detelro netetou kainelrena baitu selrekuko. 38 Netenate, da akalro tenate, wete ate sena malre ; dadetelro tebaite aneng kombe nete nemeite membombe, nepelre , dakembalri detelroyei kenalrena dakembalri yuwipai. 39 Nemane laiti, da kembalri Allah kenalrena wene tenakiti koipai, nepelrena, Allah kena ate adete daumbuko." 40 Gamaliel kena ate taukai nelre, nepelre, rasul dobete simai peko, nebete mepini yaye nepelre rasul-rasul teate saniyai me nekoute Yesus kena eudone atena sanipainya, nepelre bai tetai mepuko. 41 Netenate, rasul-rasul Sanhedrin kena bukou ire baite yaye kena kalrite koyaye nesate da setu wandena nemetuwa menelre. 42 Nepelre, yane yane, Walri ongko mie nepelre mielre mielre, nelaiti senate poisipai nemane moteki iraime nepelre asena walri te senaime Yesus nena Kristus nepe.