¹ Yesus yea weumi, Deyea a natere be wamare, mai noroyea suwa yo eteteiboi mo nekenaije Allah re yo waku nea erea wake bere etenainyebonde. ² Ya mesiningembai nekeikhokaijemo, Yesus yea neai u na tomona do name Petrus, Yakobus, Yohanes neaise Yawaumiboke mokho embaise yekhaije. ³ Yesus nea maro kereumong tere yeuboke. Nenda sinoinya maro kereumong te mokhaije etamung neande kereumong maneng te emokhoboi. ⁴ Neang ijoko ne etaije bea, Musa re Elia re wokeije Yesus neai a ne eraije. ⁵ Neangkene bea, Petrus yea Yesus te weunge, "Rabi", nenda yowa poi tere tuwangende. Mei parekhoru name mongmakong, Weai embai, Musa re embai angkai Elia re embai. ⁶ Petrus neuga onewere pee meyerea khowere ne bea neande a yea ereukhoke. ⁷ Neangkhaijea bea mangko kabang meupereuboke mo neang mangko noroyea a embay jea Weumi, Nenda Deai Keru, kena te Khanare, Neatemo botongempe." Neangkaije eiwekhaije bea, Yesus nembai tengwere. ⁸ Mokho yea nokhaije mo bea Yesus yea weumi, neande ijokho te etoyauge etamung a sinde sande te eweijeamo nekempe, domyea Paa tete noro yea angnunde mo wa. ⁹ Dan, sementara mereka turun dari gunung, Yesus memberi perintah kepada mereka untuk tidak memberitahu siapa pun apa yang sudah mereka lihat, sampai Anak Manusia bangkit dari antara orang mati. ¹⁰ Neangkene bea, neang a erei, ne amung - peaumung mo wowaije neandebe nea ubene einye singwokhaije, taisa te tete noro yea angnunte a bere erere. ¹¹ Angkhaije Yesus te sinainye, Taurat yunjung dea erwaije bea Elia nea bete mende. ¹² Neangkene Yesus yea weumi, yoo neande a neatere be erwaije. Elia bete mende mo etamung tai-tai onomi mokhoiboise. Neande be, injeama neande tomongpea na Domyea Pa re a moroikhokhaije, mende u busea wa busea te mengnederengkonte a pekho - pe pekho wenainyende. ¹³ Deyea mate wamare, Elia natere bete meke, neate nea khena te khowaije manendea mokowainye, tomong pe einya mongkhokhaije manendea mokowainye. ¹⁴ Yesus, Petrus, Yakobus angkai Yohanes beibokhaije wokhaije bea, domyea neasere mekhaije Yesus re u na tomona yo te u einye aimibokhaije, angkai neande yo enda Taurat yunjung bere a ku ne towaije. ¹⁵ Neang domyea tereng bara eiwekhaije Yesus te etekhainye bea, neanembase kuru - kuru yeibokhaije nesbi Neabukote takawekhaije. ¹⁶ Yesus yea sineumi, "tai a ku be Taurat yungjun bere kirauge?" ¹⁷ Neangkhaije, do embai neang noroyea weunge, "Guru, deyea de kerupa Weise yawenyetokhare mekhare, neuga warbo yea aungeboke amung te yeuboke. ¹⁸ Neang warbo mere anyebuyounge bea, nea u khani rangne wore seamboyore, neuga eijea orke bareimiyaje. nea teta sikimbiyore, nea u dowere yeibiyore. Weai u na tomona yo te wakhameare neang warbo te tukeinanyesinte be neangbe niyea neasinoibang. ¹⁹ Angkhijea Yesus yea weumi, "Hai, sirabang dabobang torona domiyea! Deyea maibere neang - neang see nekemakhonde? Deyea maibere neang - neang see potenetuwangkonte? Neang pa yawengento meu. ²⁰ Neang pa yawenyetokhaije Yesus re te mekhaije. Neangkhaije neang burowarbo Yesus te etekeunge bea nesbi neang pa neugha isingweunge. Neang pa khani rangne ouke sisewere, neuga eijea orke taiwere. ²¹ Yesus yea neang pa neakho te sineunge, nenda pa mong neang-neang khoimiyere? Neang pa neakho yea weunge, ²² Nea merea yea khoimiyere. Neang burowarbo keaibuyore i rang ne woyore, bu einye deibuyounge, neang warbo yea nenda pa te tombonte mokhoweunge. Neande be, manaya Weyea neasinoi bea, kenabusea seimikho, meate dikeimibo. ²³ Yesus yea sineunge, Deyea neasinoi jea Watea? Sinde Deate dabo tarentende kiyea te neanembase neasinoimo. ²⁴ Neang pa neakho dime te yeinyeboke dimewere, Yesus te weunge, "Deyea Weate dabo taraware ya! Deate dikeisebo." ²⁵ Neangkhaijea Yesus Etewere domyea tereng adirweunge ne bea, nesbi neang burowarbo te a erea seainyeboke, weunge, "weyea khokung neai amung neai warbo, Deyea weate waware nenda pa re uburu eijea wara eisanei, beneng ebeisoijea! ²⁶ Neang burowarbo neang pa re euga oinyeu dea isineinyeboke neangkhaijea nesbi eisangke. ²⁷ Yesus neang pa nea me ikereinyeboke mo anyunuke, neangkhaijea neang pa anyuke. ²⁸ Yesus imea eise Eyeisike mo Nea u na tomona yo yea singwanye, "Tanye meyea neang burowarbo te neasinoibang etukeisiy?" ²⁹ Neangkene Yesus yea weumi, "Nenda warbo kaye neasinoibang eisanei, amongmong ereayeate." ³⁰ Yesus Nea u na tomona yoo bere neang yowa yea ewaije Galilea khani noroyea ewaije. Domyea etenaiminde bere ne. ³¹ Nea u na tomona yo te iseai - iseai nye Kereumiyeumi, weumi, "Domyea Pa domyea me eise yenainyente, neangkhaijea tonaibonde. Tonaibonde be neande be ya name neai mo Angnunde. ³² Neande be, Nea u na tomona yoo onewaije neang a Weweumi te, Nea te singnanyesinte bea pee yea khowaije. ³³ Neangkhaije, Yesus nea u na tomona yo bere pokaije Kapernaum ne. Yesus imea mo, Sineumi, "Tai a be nibi ne ereimiyauge? ³⁴ Neande be, amung mo nekewaije. Nibi noro ne sinde ne khabang tere aku ne toimekhaije. ³⁵ Yesus aa ne dumboke mo Nea u na tomona yo Keaneumikoke. Angkhai weumi, "Sinde sande nea be na te yembonte bea, neyea dowende moinya seainya te yembonde. ³⁶ Yesus paa merea embai Yawenyetoke mo neande yo neai noro ne tebenyenuke. Mee yea Eainyepoke mo Weumi, ³⁷ "Sinde sande nenda paa merea maneng te Deai Uno yea dowende bea, neyea Doukeute. Sinde Deate dowentende, neyea Deate bang, neande Neyea Deate Wekeute mekhare kiyate. ³⁸ Yohanes yea Yesus te weunge, "Guru, do embai warbo te Weai uno yea tukeinyesike, meeyea aseyangende be, neyea eai u na tomona kiya bang. ³⁹ Neande be Yesus yea weumi, "Neate asengendea, domyea poy Deai uno yea mokhonde kiyea, Deate a pekho neasinoibang eweija. ⁴⁰ Eate kerangminde kiyea, eai norona. ⁴¹ Deyea mate a tere be wamare, meeyea Deai u na tomona yo kenane, sinde sande yea maate bu khorei embai yenaiyempe bea, neaijea dera eboreisoi. ⁴² Sinde sande paa meerea embai Deate dabo te tarentende kiya mokhongebonde mee u pekho engmokhonde bea, poy bea duka khabang embai nea toto ne bakenainyesinde angkhaijea nau bu ne wonayonde. ⁴³ Wea mee mokhoneubouge pekho eimokhore bea, poy bea neang mee poroibore. Nea poi bea wari eise nea mee tung dea eyeisire, daripada wea mee neabene Neraka eise ere, neang yowa na ii ekebeikoi, ⁴⁴ neang yowa na seng etetei, nea ii neaima ekebeikoi. ⁴⁵ Wea oto pasi pekho nibi te mokhoneuge bea, poi bea neang oto poroibore. Nea poi bea wari eise oto tung dea eyeisire daripada wooto bee kenane neraka eise keanayeusiuge, ⁴⁶ neang yowa na seng etamung etetei ekhaije khaije, nea ii neaima ekebeikoi. ⁴⁷ Weajoko pekho te aroneuge bea, neang ijoko kereibore woyore. Weajokho embai jea Allah re Yoo buma Yang buma eise eyeisire daripada ijokho bee kenane neraka eise keanayeusiuge, ⁴⁸ neang yowa na seng etamung etetei mo, nea ii neaima ekebeikoi. ⁴⁹ Domyea neanembase sea yea arnaiminde. ⁵⁰ Sea poi, neande be, neang sea yu bang yembonde bea, injeama yea mokhongebompe yuu bere yembonde? Wea u einye sea bere yea yembompe, kenapoi upoi ma ute - ute mokhompe.